|
|||||||
| منتدى الشعر المنقول منتدى خاص بالشعر والقصائد المنقولة |
 |
|
|
أدوات الموضوع | انواع عرض الموضوع |
09-17-2009, 05:29 PM
|
#1 |
   
تاريخ التسجيل: Sep 2005
المشاركات: 9,410
معدل تقييم المستوى: 30  |
قصيدة تمنع صاجبها من التخرج ( منقول)
[align=center]السلام عليكم ورحمة الله وبركاتة
اليوم جايب لكم موضوع جميل جدا (من وجهه نظري)حيث اني من المعجبين بالشعر العراقي فهذه الابيات لها قصه مؤثرة جدا وهي للشاعر المعروف فرات الشمري قصه هذا الشاعر انه احب انسانه تدرس معه في الجامعة وحبها حب كبير ولكنه اكتشف بعد فترة انها على علاقة بأستاذ في نفس الجامعه فجن جنونه وقام بكتابة قصيدة طويله كما قام بكتابة قصيدة من لسان حبيبته وهي تدافع عن نفسها واخيرا قام بكتابة قصيدة بلسان استاذة وهو يدافع عن نفسة حيث انه عمل قصيدة وكذلك قام بعمل ردين عليها رد من محبوبته ورد من استاذة ولكن الثلاث قصائد من كتابته. وطبعا في الحفل السنوي للتخرج قام بالقاء القصيدة في الاحتفال مما اضطر ادارة الجامعه الى عدم تسليمه شهادة التخرج الا بشرط التأسف من استاذة وحسب معلوماتي المتواضعه انه رفض التأسف ولم يستلم شهادة التخرج سوف اضع لكم القصيدة كاملة واليكم القصيدة صغيره وما تعرف تحـــب .. ولا دغـدغ قلبها الشــــوق خفيفة بشط هواها تروح .. ودومها تعاتت اويه الموج صغـــــــيره وحســـــرتي كبــــــيره .. يا صاحبي ما أظنها تفّل ..ولا اظن تحصل اليشتل تصــد مــرّه وأعاتبــها .. تراضيني وترد تجفــــل لا غلطه بدت مني .. ولا كلمه قلت عنها ولا عني أهيم وما أقول أرجع .. تجي يمّي وتجابسـني أنام وحتى ساعه أهجع .. تجي بطيفي وتفززني وأحس بحرقه بضلوعي .. وتضل تدي وحنيني يصب وأقول هذي هم قسمه .. صغيره وما تعرف تحب كثيره أيام يا ناس وآنا هالحاير .. لا شوره تدليني ولا شاير واشوف الناس كلها عـزاز .. وآنـــــــا وحيـــدهم بايــــــر اشـــجاني واشحصلت منـــــها ؟ أوادم وشت عليّ .. مثل ما وشـــت عليها ؟ لا ماكو عواذل .. العواذل ما تحاجيـــها !! عرفته اللي كــان واشـــيها .. !!! ولك يا صويحبي استاذي يحـوم ويـدور عليها تحاجيه ويحاجيها .. تناغيــه وينــاغيها أقول يا صاحبي اسندني .. أشوف الدنيا تتل بيني وأتل بيها وإلا استادنا ريّض .. يقــــول هالنـاس شعليها حســــافة اســـتاد .. جنك ما دريت بحسبتي وياها حســــافه اســــتاد .. قلبي اللي هواها شلون ينساها شـــقول عليك يا استاذي .. شــريد أدعي ؟ عسى انك بيش بالحسرة التحز بكَليبي وبضلعي بالعبرة التسيّل عالوجن دمعي بالضحكات بالجلمات علمعبر نار وبالضلع تسعر عسى انك بيش يملذون يلن كل جلمة بالدفتر تذكرني هواك اكثر واذكرنهة احبنهة وحك عيناك يا استادي وعلي الشرجي احبنهة انشد عليك أبو حزامين لا توصل بعـــد يمها شـــتريد انطيـــك شـــهديلك ..؟ الك قلبي وقــلبي عوسج ابهمها الك روحي وانت الروح ظالمها تريض وانعل الشيطان .. واسمع نخوة افادي لو هذا الحجيته وياك ما ينحاج يا استادي خل يشهد علي الهــادي احرم عليك حتى طبة النادي وشحدهة وتكَلك طب صغيرة وما تعرف تحب اشوف الناس كلهة الناس تركض علسراب تكول هذا المي وما مش ماي وانا عليمن اكَنطر داي فوكَ الداي ولفي وما يهمة بجاي لجن انا يا بعد جلاي موش استاذ ولا بيدي امر ذيج وهاي وما اكَدر انجحنها لو سـاعه اضحكت ويــاي ولا أقدر اسقطنها إن صــدت تـريد جفـــــاي انا منين أجيب الشهادة منين وارضي بيها هواي وأنا حسره عليّ يا استادي شربة الجاي بس عندي قليب يا محلاه .. ألف حسره تحس بجلاه وعندي تركه من بقايا الروح كثيره جروح وتصيح الدّاد ما جاني برقبتك يا استاد جرحي ما يلفه ضماد .. ولا اظن قصتي على البشر تنعاد هذي قسمتي من الله مو من واحد واعتب .. صغيرة وما تعرف تحب رد الاستاذ: عيش ابخت واحجي ابخت وبوكَ ابخت مكَرود يالمالك بخت تركض وتتعب على الولف تاليها تقعد على التخت صدكَ يالتنشد عليها ودمع عينك حرام يصب صدكَ يا فلان زعطوطة صغيرة وما تعرف تحب صغيرة ولعبت علية صغيرة وعذبت كَلبي شفتها ابدرسي مو راحة تصد عين وترد تربي تشيل اصبعها بالعمدا .. شحلاة اصبعها يسبيني واحس بدمها اليدبي واجاوبها وترد تسال واشوف منادس الحلوات ياذيني واحاجيها واكَول لكَيت مكَصودي شحلاة الرد تكد ايدي وتسليني شسولفلك اخاف تطول سالفتي على ساعة لني غركَان ابعواطفها احبج كالت حبيب اريدج كالت اتدلل احب ذبة سوالفها اكلها شلون وانة استاد اكلهة شلون اطب للصف اخاف حجاية العذال لو واحد يخالفها يا عيب العيب كالت غصبا على الناس احبك واعبد الدفتر اريدك واعشك الجلمة التوالفها مشيت برجل تستاهل الجنة اثاريها بكبرها تطب صدك يالتنشد عليها ودمع عينك عليها يصب صدك يا فلان زعطوطة، صغيرة وما تعرف تحب عليمن تنخة ابو حزامين وتتهد بعلي الشرجي وعلي الهادي وتريد تحرمني غصب من طبة النادي يا حيف عليك وانت مشورب وراهي ويكولون الفهم عندك ولك وين الفهم باليفرض بروحة على محبوبة ؟؟ الفهم يا فلان من يعرف معاني الحب على دروبة العشكَ يا فلان روحين وسط الريح مصلوبة العشكَ رد وبدل يا فلان لو بالكَوة جان صار العشكَ طوبة .. اعاتب .. والعتب ياذيني ويذبني اعاتب لجل عينك مو لجل وحدة تعذبني ترة انة هم مثلك ظليت مدوهن وحاير انة الظليت ارد للضيم جبحاتة انة الظليت ذاك الكَال لا ردنة ابو عليوي ولا بينت مسحاتة رد الطالبة جبيرة انة جبيرة وعدكم صغيرة صغير الماعرف امرة وتدابيرة صغير الوكَع حظة وبكَة بحيرة ولك والحبوا يكولون ؟ لو مال الغصن حدرة يا طير اطفر لغيرة جبيرة انة جبيرة وعدكم صغيرة صغير انت .. صغير وماتعرف تحب نسيت شلون اتلكَاك من تجهب هناية لاهي وماعرفت اشلون تلهة هناية ساهي وما حسبت حسابك الهة ساعة الكَيك يم سوسن ساعة الكيك يم زهرة تعال اكرب اعتبنك ولو مرة تعال اكرب تعناني اشوفك جرحك اشكبرة تعال وصير عطابة تعال وجم تعال وما نفع وياك وانت على ضحجات العليلة شلون مسترطب هذا انت وتكلي صغيرة وما اعرف الحب ؟؟ شنهو الحب ؟؟ شتريد تكول .. شتوصفة ؟ المخلص يجيب الماي من الغيم لو لحظة عطش ولفة لا تطري دروب الحب عليك محرمة كلفة ادري بك طري ذبلان ادري بيك شبه سعفة تميل وية الهوة لو مال ماريدك بعد حيال ظل اسمع حجي العذال واشبع لوم كلمن كال المايعرف تدابيرة حنطتة تاكل شعيرة جبيرة انا جبيرة وعدكم صغيرة ترجية وتضل بذنك استاذ الي تقول علية انا ساقطه بدرسة هذي قصتي وية فلان .. لاجن دشوف اشجان استادي يصول يجول يدور ابحومة الميدان يعض اصبع يظل سهران .. عليمن ؟؟ شنهو البدر مني وبان يا ناس اسمعوا قصتي شلت ايدي لجل فهم الدرس مو لجل حرشة غايتي وجيتك مرة لو مرتين للغرفة مرة توصفلي طريج الحل مرة مدري اشجانت الوصفة يا عيب العيب تحسبهة سوالف شوكَ ولهفة خلف الله على الدلاك عايزهة بعد زفة حرت انة يا هل وادم بين استادي والطالب من مثلي على الصوبين دتحارب بعت انة وشريت النوم ولاو فد يوم اريد الناس ينسوني اريدن تغمض جفوني حيرانة الدرب دلوني لا يوم اليمر يومي مو راح اشكَن هدومي يا ربي شلون هلحيرة جبيرة انة جبيرة وعدكم صغيرة[/align]
__________________
|
|
|
|
09-17-2009, 06:21 PM
|
#2 |
   
تاريخ التسجيل: Jul 2009
المشاركات: 805
معدل تقييم المستوى: 197 |
رد: قصيدة تمنع صاجبها من التخرج ( منقول)
[align=center]صح لسانك ولسان شاعرها رمضان العنزي
قصه وقصيده جميله صغـــــــيره وحســـــرتي كبــــــيره .. [/align] |
|
|
|
|
09-27-2009, 09:34 AM
|
#3 |
    
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 689 |
رد: قصيدة تمنع صاجبها من التخرج ( منقول)
[align=center]
سوالف ماهي قصائد هههههههههههههههه وبعدين اكثر الكلام ترى مافهمته ! عموما الله يعطيك العافيه عمي ابو وائل على هذا النقل تحياتي وودي لك [/align]
__________________
  |
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 06:00 PM.