على ذمة وكالة يقولون ( بالشعبي الفصيح)

على ذمة وكالة يقولون ( بالشعبي الفصيح)

وكالة يقولون وكالة بلا بواب ولا حتى مصداقيه وهي مجهولة المكان والهويه

ولكن هالوكاله احيانا تكون اخبارها مظبوطه ومصادرها وان كانت مجهوله الا انها تكون صادقه صحيح فيه بعض التمليح والتضخيم والسالفه ومافيها يالربع ابي اقولكم الحقوا الميزانيه الحقوها بدا الصرف والتبذير

ووكالة يقولون نشرت وهذا على ذمتها الوسيعه اللي هي ماهي بعيده عن ذمة منفذ مشاريع تصريف سيول جده (الاسود) الله يسود وجهه ووجه من تعاون معه .

الوكاله تقول ان تأثيث مكاتب بعض مديرات في وزارة التربيه بعد تأنيث الوظائف سيكلف كل مكتب خمسون الف ريال هذا مكتب واحد يعني كرسي دوار وطاوله ودولاب ملفات بس يعني الكنب ماهو من ضمن الحسبه

واتمنى من سمو الاميره حصه الشعلان اللي رايح تزورهم ان تسالهم عن قيمة هذه المكاتب خصوصا انها مؤقته

وليه ولماذا وليت ولعل وعسى ان تتحول قيمة هذه المكاتب لشراء سبورات ذكيه ووسائل شرح طبعا هالمبيلغ الصغير هذا مايكفي لكن قيمة مكتب على مكتب مع زيادتها من بند التطوير يمكن ان تغطي لشراء وسائل ايضاح لو عاد ماهو لكل المدارس على الاقل للمدارس اللي بشمال الرياض
ماحنا شارهين يحطون سبورات ذكيه بالنظيم
...

مدري عن هالحريم بلشنابهن قلنا يصيرن مديرات عموم وشجعنا هالشي لكن عاد المفروض يرحمن الميزانيه ماهن اذا وحده دبرت نفسها وشرولها مكتب جديد يتناقرن ويطالبن يجددن مكاتبهن .. افهمن تراكن مديرات ما انتن ضراير

النساء شقائق الرجال
وبالتأكيد الرجل دائماً قدوه للمرأه في كل شيء
والمرأه تحب أن تقلد الرجل في كل شيء حتى في آثاث المكتب الفاخر .
وأيضاً تتمنى أن تتفوق على الرجل حتى بالتبذير
تأكد أخوي أبو وايل
بأن أموال طائله تصرف لأمور ليس لها أهميه
وكلها تعتبر تبذير ويشترك في هذا التبذير الرجل قبل المرأه
كل الشكر لك أخوي أبو وايل
على هذا الطرح

تقبل تحياتي وتقديري

تلقى الشركة اللي توفر الأثاث لشخص واصل (غمزه)
يعني الدعوه خربانه يابو وايل ياخي وطننا الغالي
غالي ويبقى غالي بس مدري الى متى ينسرق وحنا نسكت
والمشكله كل شي صار عيانا بيانا حسبي الله ونعم الوكيل


الف شكر لك يابو وايل

قلنا لك يا أبو وايل تراهن ماينعطن وجه بس أنت وش يقنعك أنك تغيّر رأيك بهن أشوفك تلمح تلميح بس ههههههههههههههههه

شاكر ومقدر مروركم العذب

لاحرمني الله من هذا التواجد

واسف على التأخر بالرد

دمتم بخير

مشكوووووور والله يعطيك الف عافيه

كل الشكر لك

أخوي أبو وايل


على هذا الطرح الله يعطيك العافيه



تقبل تحياتي وخالص وتقديري

تستاهل المرئه السعوديه ان يكون لها مكتب فاخر حنا نتبرع في المليارات خارج المملكه وقفت على المرئه شكرا ابو وائل