ترى الجوال ماهو بمقطوع

ياللي وراك ظلوع ومـن دونـك ظلـوع
متمـركـزن فالـصّـدر كـنّــك ... وداعـــه
ودّي اناقش مـع سعادتـك .. موضـوع
وابغاك تعطيني فقط " نـص " ساعـه
صار اتصالك بي من اسبـوع لاسبـوع
حرّمت وصلك .. وإستبحـت القطاعـه
وتغيّـرت فيـك إنطبـاعـات .. وطـبـوع
وتجـدّدت فـي نظرتـك لــي ... قنـاعـه
عيّشتنـي فــي كــل مـرغـوب ممـنـوع !!
وحرمتنـي مـن كـل .. سمعـاً وطـاعـه
وعلّمتـنـي إن الجـفـا لــه كـــذا نـــوع
وإن الهـجـر بـالــذّات اكـثــر بـشـاعـه ..
اوّل تجـي يمّـي مـن الـشّـوق مـدفـوع
ومَااحلا مـن المشتـاق .. اللا إندفاعـه
إن غبت عنك تصيح ودموعـك دمـوع
مافيـك للصّبـر الجميـل .. إستطـاعـه
مجنون فيني و " القلم " عنك مرفوع
هـمّـك رضــاي ومجتـهـد .. فإتـبـاعـه
واليوم .. لا حبل الرجى فيـك مقطـوع
مـشـيــت درب الـلّـفـلـفـه والـلّـكـاعــه
واللّـي تسبّـب فـي تغيّـرك .. مجمـوع
عــدم ثـقـه فيـنـي .. وبـــث الإذاعـــه
خل الكلام اللّي من الكذب .. مصنـوع
وإخــذ الـكـلام الـلّـي تــذوق إنتفـاعـه
ماكل هرج يمر " اذانـيـك " مسموع
اربــع اربــاع الـلّــي يـمــرّك إشـاعــه
لو الحكي بفلـوس او شيـك .. مدفـوع
يمديـك ضـامـي للـكـلام .. وسمـاعـه
ياشينها لاجاتك " همومك " جمـوع
ولاعـاد عنـدك للمـواجـه .. شجـاعـه
وياشينهـا لـو كـان لـك حـق مشـروع
واقربهـم لقلـبـك سـعـى فــي ضيـاعـه
هذا الكلام الليّ مـن القلـب .. مطبـوع
إقـرا كــلام القـلـب وشــوف إنطبـاعـه
وإسمع ترى الجـوّال ماهـوب مقطـوع
شـغّـال لــك أربــع وعشـريـن سـاعــه

منقوووووووووووووووول

[align=center]صح لسانك ولسان شاعرها
تسلم اخوي ابو وليد
على هذا الاختيار الموفق

تحياتي وودي لك

[/align]

اقتباس:
المشاركة الأصلية كتبت بواسطة الـــــريـــــم
[align=center]صح لسانك ولسان شاعرها [/align][align=center]
تسلم اخوي ابو وليد
على هذا الاختيار الموفق

تحياتي وودي لك

[/align]

خيتي الريم

صح بدنك والله يوفقك خيتي لكل مايحبه ويرضله

شاكر لك مرورك ولك اجل تحياتي وتقديري

ابووليد

صح لسانك ولسان الشاعر

بيض الله وجهك

اخوي سامي

صح بدنك يالغالي ووجهك ابيض طال عمرك مشكور على مرورك الذي
انا رمتصفحي لاخلاولاعدم

صح لسانك ولسان شاعرها ابو وليد


وبيض الله وجهك

الاخ ابو سلطان

صح بدنك ووجهك ابيض لاهنت

وشاكر لك مرورك ولك تحياتي