جبل الخطام..

الــــخــــطـــام

عـــديـــت مرقـــابٍ بـــروس اللواميح = رجـــمٍ طـــويـــلٍ عـــاليــات هضــابـــه

عــسر المراقـــي دون راســـه ملاويح = بضــلــع الخــطــام اللي عذين جـنابـــه

بيــــني وبيـــنــه كايـــدات الصــلافيـح = مــلــس المراقـي مظـلمـات الشطـابـــه

وكـــهـــوف غيــرانٍ بها تصفـق الريح = مـقيـل صـــيـــد ومــــزبــنٍ للذيــابـــه

وحــدتـــني الجـــيلان عــلــط اللحـاليح = قــلــت ارقـبـه ظنيت محــدنٍ رقــابـــه

ولقـــيت شـــيء بــيــح الصـبــر تبـييح = بيـّـن خـفـاي وظـامـري جـاب مـابـــه

لــقـــيت للــماضيــن بــعــض الملاميح = وســومـهــم ورسـومـهــم والـكـتـابـــه

طــق الحجر معروف من دون توضيح=أســمــاء لبعض ربــوعــنا والقـرابـــه

وشــوف الرسوم يجــرح القلب تـجريح = هنـيت مــن هـــو غافــلــن مـادرابـــه

لولا الحيــاء كان ارفع الصوت واصيح = ولو صحت بأعلى الصوت مافيه ثابـه

اقــفــتبـهــم ســـود الليــالي مــدابـــيـــح = والموت ماهـو راجعـن من غـــدابـــه

ومــديــت دربــيــلـي من الضلـع للسـيح = ارض خــلا مــاكــن حــيٍ مــشـابـــه

للهـــند والبنــقــال صــارت مســـاريــح = ودغـم الخشـوم مـلفـلـفـين العصـابـــه

وعــقـب البيوت اللي إبهاك الصحاصيح = اللي مبـانــيــهــا تــقــل ضلــع لابـــه

رفـــافـــهـــا ماقـــفـــلـــت بـالمــفـاتــيـح = الضـيـف يـفـرح والمـعـادي يهــابـــه

تــبــنــى وتــرفـــع باللــيـال الشـلافـيــح = وأيـام صفـقـات الــدهــر وانـقـلابـــه

والــيـــوم مـامــن بــالـبـــداوه مصالــيح = والـبــر والمـقـنـاص مـقـفـول بـابـــه

الـــوقـــت وقـــت موظـفــيـن وفلالــيــح = ونـاس تـطــاول ناطحات السحـابـــه

وعــبرت عـن غـايـة ضـمـيـري بتـلميح = وتكـتـب عـلى قـد الســؤال الاجـابــه

راضي بن مسامح الشملاني العنزي

صح السانك وحياااك لله شملاني سمحه

مادري القصده لك

عموماًحياااك الله في منتداك

وبنتظااااار كل جديد لك

هلا حياك الله والقصيده للوالد الله يحفظه

الله الله

صح السانك ولسان والدك ياشملاني سمحه

وجبت هالقصيده على الجرح والله لاهنت

على نقل هذه القصيده الرائعه ولك خالص الشكر والتقدير

صح لسانك ولسان الوالد
تسلم ولاهنت أخوي شملاني
على هذه القصيدة
وحياك الله في منتداك منتدى الويلان
وننتظر مشاركاتك القيمه
كل الشكر لك

تقبل تحياتي وتقديري