حومه خلال هالاسبوع

يالله ان تحييهم

الموضوع اليوم عبارة عن كمية حومة تسبد خلال اسبوع مضى عجزت اخليها بقلبي ماقويت حطوا نفسكم مكاني انكم تشوفون هالاشياء في بلدكم العزيز وتسكتون ( تقول محلوفن علي اني اشلخ في خلق الله )


خلونا ناخذ حومة تسبد رقم ( 1 )

سبحان الله مع هالعرض نزل الايمان والناس صار فيها وصل وكلن يسئل عن احوال الغير وكلن صار ينكت لاتحسبون اني اتكلم من غل ان هالعرض لـ مشتركي الاتصالات السعودية
ماحديتوني ع حلف ان كل اللي محومن تسبدي وفاغص مريري هالرسايل اللي في كل دقيقة جايه
اجل واحد مرسل لي في الرسالة نقطة وتنزل لأخر الرسالة يقولك اول مره تشوف رسالة فيها حبة خال باللهي وش اسوي فيه هذا اروح ادفنه وإلا اتوطى في بطنه الساعة 3 الفجر
صدق والله شفاحة ومصالة وحومة تسبد وغير كذا ازعاج المشكلة هالدلوخ اللي من ضمنهم ربعي
مايدرون ان بعض الجوالات موبايلي وانك اذا سويت تحديد الكل فيه جوالات غير شبكة الاتصالات السعودية وبكذا راح يحسب عليك وانت مطفي النور وقاعد تدهر بالرسايل
لاتحسبون الاس تي سي مسوية هالعرض من فراغ هي دارسة الوضع وعارفة كمية الدلاخة اللي عندنا بسم الله عليهم والله يحفظهم ويخليهم لعينن ترجيهم خخخخخخ
لاتدرعم ياعزيزي المشترك الا انت فاهم الطبخة اللي قاعدة تصير ومن واجب الغيرة اللي بداخلي قلت اعلمكم وتصحون من النوم اللي انتم فيه لاتنسون ترى اخوياي معكم ( هاه سمعت يابو فهد )




حومة تسبد رقم ( 2 ) خلاقينك ياعزيزي المواطن إلى أين
الشتاء فضيحة يبين لك الانسان اللي عنده ذوق والانسان اللي شاطف الذوق او يسمع بشيء اسمه ذوق
يجيك الاخ لابس ثوب كموني والجزمة الله يكرمكم لونها بني والشماغ صوف والخط اللي فيه لونه سماوي بالإضافة انه لابس جكيت لونه بيج وسدارية لونها عنابي ( طلع قهوجي شيوخ ) هذا اللي فاهم الكاجول غلط خخخخخخخخ
عزيزي الكاشخ تسان ذوقك مثل خوينا اللي فوق ترانا سامحين لك يدخلك براد بس لاتعمي عيوننا بهالالوان خخخخخخخخ
يعني عندك حل في سبيل انك تحافظ على نظرات الذوق العام وتلبس ثوب ابيض وتحته بجامة تدفيك بس الله يرحم والديك فكنا من الثوب الكموني
المشكلة العضمى اذا جيت تقوله يالحبيب ترى انت لعبة بأعصاب الالوان يقول لك وش عرفك بالذوق
اي وش عرفك وانت قاعد تمشي بقوس قزح في الشارع وامام مرأى كثير من الخلق
عزيزي الكاشخ للمرة الثانية ترى مهب لازم تلبس عشرين لون عشان تحسس نفسك انك بالشتاء ، تقدر تلبس غترة صوف كانها في نفسك ومعها ثوب وتحتها بجامة وصلى الله وبارك واهم شيء الشراريب نفس لون الجزمة ( الله يكرمكم ) ترى مهب شرط تلبس شراب نفس لون الثوب ، يعني مهب فرض عليك ان اذا صار لون الثوب بني تروح تحفر المحلات تدور لك شراب بني واخر شيء الجزمة لونها بيج هالموضة راحت هي واللي يلبس جزمة سوداء والشراب ابيض خخخخخخخ



الحين احس ان تسبدي بردت وطاح اللي بخاطري ، تصبحون ع خير ياحلوين

هع


صراحة جبتهآآ عالجرح ..


والادهى النكته مجبور تقراها اكثر من خمس مرات
من كثر ماتداولت بالسوق
يعني الجوال لحاله قام يقول ( ها ها ها بايخة )



بعدين انت كشفت لنا شي بالموضوع
ان الدراسة اللي تقول السعوديون اكثر اناقة بالعالم
سووهآآ بالصيف


يعني مالحقوا على ابو ثوب كموني هع

ههههههههههه فالك طيب اخوي انا والف شكر لمرورك الرائع

هههههههههههههههه

الله يعطيك العافية يا حصان والله ضحكت من قلبي ههههه

كل الشكر لك عالطرح الجميل

يويلي الله يسلم اقليبك ياخيتي هههههههههههههه

هذه بلهجه الشماليه تبينهاااااااا بلهجة خوالي الطنايااااا شمر ههههههههه

هع اوف الف شكر لمرورك ياخلف جدي

سعد ياخي علامك علي هههههههههههههههههههههههههههههههههههههههههههههههه

نشكر الاتصالات على هذا العرض
حيث ان الواحد يتذكر اللي له فتره عنهم برساله لو هي بايخه
او يسأل عنهم
لو كان المانع له قبل الفاتورة


وانا معك بأن هالشي حومة تسبد

.........

يسلمو اخوي حصان

بالنسبة للاتصالات والله انهم يلعبون بعقول هالناس وهم مع الخيل ياشقرا

اما عاد تركيب الالون مو دابل تسبدي الا غترة الصوف والله ياهي غاثتني

بصراحة كنت افكر اسوي زيهم لكن بعد هالموضوع توبه والله ما اسويها

هههههههههههههههههههههههههههههههههههههههههههه

اخي سامي التويجري الف شكر لمرورك الرائع وعلى الخير نلتقي