مجلس الشورى ( بالشعبي الفصيح)

ليتنا من شورنا سالمينا .... كان الديون اللي علينا خفيفات

هذا تحريف لبيت بصري الوضيحي

اللي يقول

ليتنا من حجنا سالمينا ... كان الذنوب اللي علينا خفيفات

من كم يوم عرضت على احد لجان مجلس الشورى طلب موافقة على زيادة في راتب المتقاعدين

وطبعا كما هو العاده مجلس الشورى او الجنه بالاصح ماوافقت على هذه الزياده ,, وهنيا مربط الفرس
انت مجاس شورى تدافع وتطالب للمواطنين والا مجلس استشاري للحكومه ؟

اول مره اشوف مجلس شعب او برلمان اذا اعتبرنا ان مجلس الشورى يمثل الشعب ويعادل المجالس البرلمانيه في الدول الاخرى .

انا اقول والرزق على الله ان هالمجلس لو حطوه مجلس استشاري لقرارات الحكومه كان افضل اما انه يروح ويجتمع اذا عقدت اجتماعات للبرلمانات ومجالس الشعب ومجلسنا يحضر معهم على انه يمثل الشعب السعودي لاوالله ماهن يم بعض .
انا اقول ان هذا المجلس هو مجلس استشاري للحكومه وبس . وحنا ماحنا مع خلاف ولله الحمد مع الحكومه اذا اعتبرنا ان الحكومه هم الوزراء .

اما اذا طورنا شوي فان ولاة الامر حفظهم الله من النائب الثاني الى والى العهد وصولا لقمة الهرم خادم الحرمين الشريفين فهم من يرعى حقوق الشعب وهم من يفتح ابوابه للرعيه .. ولاداعي نمثل على انفسنا ونقول عندنا مجلس شورى .. فما دام ابواب ولاة الامر مفتوحه فحنا بخير ولا نبي قرارات مجلس الشورى ومطالبهم لانهم بصراحه يخافون على منيصباتهم ورزيقة عييلهم ولا يهشون ولاينشون

بس اللي ابيه حتى ما احس انا بحرج لحالي ولا احد داري عني انهم مايجتمعون اذا اجتمعو البرلمانيون العرب او اي اجتماع للمثلي الشعوب لانهم على بلاطه نظيفه لايمثلون الشعب السعودي

هذا والله يكفينا شر احلام الشتاء قمنا نهذري

أبو وايل الجو بارد هاليومين ههههههههههه
أو أنا مافهمت موضوعك ههههههههههه
عموماً الله يعطيك العافية
على هذا الطرح و*2

وتقبل مروري الإجباري

كلام صحيح

مجلس شورى قالو والله مجلس نفاق

ولكن نقول حسبي الله ونعم الوكيل

والله محنا باحاجت الشورى مدام حكومتنا فاتحه ابوابها للمواطنين

والله يعطيك العافيه ابو وائل

ابو وايل

الف شكر على هذا الشرح الموجز

وهؤلا لن ولم يأتوا بشيء من صالح

الجميع

تحياتي

ابو وايل وش السالف ههههههههههههه

واحد يتهرب ههههههههههه

والله مجلس شورتنا اسم

فقط ثقل بلادفاء مشكور على طرح هالموضوع ولك تحياتي

اللهم ولي علينا خيارنا


الف شكر ابووائل على طرحك

بنت ابوها

هلا بخيتي / لا والله الظاهر جايتني خشت برد

ابو سلطان
صدقت .. ومشكور على التعليق

حمود النايف

صدقت ... وبارك الله فيك على هذا التواجد

ابو وليد

السالفه ماهي خفيه ههههههه ومشكور على التأييد

سامي التويجري

امين امين .... دمت بكل ود

ابو وائل شرهتك كبيره صراحه ليه تنتقد الضعوف مجلس الشوره ليه ياخالي مالك حق وهم المساكين مشغولين بامور الدنيه ليه انت ماتشوف ابن زلفه العلماني لاتعيدها خالي هههههههههههههههههههههههههههههههه

الشريف


سم طال عمرك .... ولايهمك هي حالة سخونه وراحت

بسم انبايااااا مخشوشن عليه هالرجال اليوم

هذه حالة الانسان عندما يكون هرم (يعني طاعن بالسن ) ههههههههههههههه

ايه انشاءالله يصير خير يجدي امس مجلس الاستشوار ماناموووو من اهمومك ياجد اعنزه هههههههه

وين العيال لايودونه يم الفيضه عند الابل والمزرعه والحلال لين ينبصط ههههههههههههههههه

وهذه يمكن مواري انفلونزااا المجالس ههههههه