( الفيه غير شكل)

( الفيه غير شكل )

الألف : أسمي قبل ماقول وابدا
حيث انها للناس هي خير مبدا
وقلبن تجاهلها فلا شك يصدا
ياويل تاركها من الرب ويلاه

والبا : بديت بنظم قافي بترتيب
حرصت اعديها عن الزيف والعيب
ضمنتها علوم الرجاجيل والطيب
مابي يقولون الرجل زل بحكاه

والتا: ترى من يفعل الخير لو مات
ذكره يبين وعند ربه بجنات
حيث ان ربي حافظن كل مافات
واللي كتب للعبد لابد يلقاه

والثا: ثعالب هالزمن جت مغاليث
كلن بزعمه يحسب انه ولد ليث
وهو بعرف الناس مثل البغاريث
يالله عن دروب المخاليق تقصاه

والجيم: جاهد نفسك بكل منهاج
لاشفتها تسلك لها درب منعاج
وعنادك لنفسك ترى طب وعلاج
وللي يطاوعها على الطول تقواه

والحا: حسبت اللي من العمر قد راح
إثر السنين اقفن مع الوقت سراح
يالله عسى تاليه خيرات وأفراح
ويرضى علي الله الى جيت ابا القاه

والخا: خطا ياللي على الناس تنفخ
وبوجه قاصرهم تذمر وتصرخ
خليت قلبه من عمايلك يكفخ
جا يرتجي وأثره على اللاش ملفاه

والدال: دارن قام من دون الاعماد
ينهد لو بانيه حريف واستاد
حتى ولو وثق بحلقات ووتاد
الحظ لمشيد بالاعماد مبناه

والذال: ذمـام المخاليـق ينبذ
ماله عن عيوبه مفرن ومنفذ
يالله عساه بسو الاعمال يوخذ
الا ان كان الله عن العيب نجاه

والرا: رعى الله من يحافظ على الجار
حتى ولو الجار في جيرته جار
وصى عليه المصطفى سيد الابرار
والا الردي يازين بعده وفرقاه

والزا: زمانن فات عن وقتنا ماز
وبكل شيّن عنه يفرق ويمتاز
والا الزمن هذا عواكيس والغاز
العمر يجري والغطو ماعرفناه

والسين: ساعه في ذرا العز مجلاس
أخير من دهرن يوطا به الراس
اقولها للي بغى كسب نوماس
واللي سمع قولي يبرق بمعناه

والشين: شد الحيل لاجيت تعتاش
والعجز لايطويك بالحاف وفراش
كلن بجهده مايجي شي ببلاش
ماينحسد من حاش فعله بيمناه

والصاد: صادق من ترى فيه الاخلاص
وابعد عن اللي بالمهمات ملاص
حتى ولو حطوا له عقال وعراص
مثله حرامن تتعب النفس لرضاه

والضا: ضريبة كل ماشذ الامراض
واشدها منهو تعرض للاعراض
مايدري انه من هل البيت الاقراض
يارب كل مسلم عن الشر تحماه

والظا: ظليمة من سمع بالمواعظ
أن الفقارا عايشين بلاحظ
ويصد عنهم مغضين باللواحظ
كنه يقول الخير شفته ولا ابغاه

والطا: طبيعة هالمخاليق تغلط
والا ولت خلقن عليهم تسلط
واللي يخاف ان الولي منه يسخط
يبعد عن امور بها الناس تشناه

والعين: عاين قبل تدخل بمطلاع
ولا يغرك شوفتك بعض الاطماع
خلك فهيم وعارفن درب الاسناع
من قاس قبل الغيص حصل مناياه

والغين: غبط الحق بالنذل مطموغ
مهما يحاول بالاساليب ويروغ
لابد خصمه من سواياه ملذوغ
يقوله اللي قد وطى الشرك ماخطاه

والفا: فروض الدين قمهن على خف
واحذر من التقصير ومن الولي خف
والليل لايسري بلا رفعة الكف
لاطاب نوم اللي مقصر بدنياه

والقاف: قم بوالدينك وبرفوق
ولهرجهم دور على زين منطوق
ولايجيهم منك نكران وعقوق
عزي لعاصيهم أي والله عزاه

والكاف: كمل واجب الضيف لاجاك
واحذر مثل ماقيل تعطيه علباك
حتى ولو انك لقيته من اعداك
ترى الفخر للي ضيوفه تنصاه

واللام: لو القول يقرن بالافعال
شفت الغرايب من جديدات وسمال
افعل وخل الغير يدلي بالاقوال
بالناس منهو يوصل العلم لاقصاه

والميم: من حافظ على دين الاسلام
وابعد عن علومن بها فسق واجرام
يبشر بجنات(ن) بها خير وانعام
والمجتهد رب المخاليق يجزاه

والنون: نومك والمخاليق يسعون
يجلب عليك الذل والفقر والهون
حتى ولو عندك مثل مال قارون
ترزق الله خاب من لا ترجاه

والها: هبيل اللي يبيّح بسده
وهو عن العربان كاميه مده
سرن تبيحه صعبتن تسترده
مسكين من خلا هل الشر تالاه

والواو: وين اللي على شبة الضو
ربعن على علوم المراجل تربو
وبكل علمن غانمن هم تبدو
راح الكثير ويحفظ الله بقاياه

واليا: ياليت اللي سمعها عذرني
يوم ان تعبيري عن اشياء غدرني
نضمتها واحساسي اللي ومرني
يا الله عسى مجهودي العيب يعداه

الشاعر : راشد السكران

صح لسانك ولسان الشاعر
تسلمين حبيبتي بحر
على هذا الأختيار الرائع
وأسمحي لي بأقتباس هذه الألفية
ونسخها في المتصفح الخاص بالألفيات
كل الشكر لك يالغالية


تقبلي حبي وصادق ودي

صح بدنك عزيزتي الغاليه بنت ابوها
اسعدني حضورك الذي عطر الكلمات

* مسموح لك يالغاليه اقتباس الالفيه بدون إستئذان
لا عدمت هذا المرور الغالي
دمتِ بود وتقدير

صح لسانك ولسان الشاعر

شكرااااا يابحر الوفاء


......

الاخت بحر

صح السانك وصح نقلك

الفيه رائعه جداً كروعة بحر

تحياتي وتقديري لك ودتي بخير

اقتباس:

المشاركة الأصلية كتبت بواسطة فواز أبوخالد
صح لسانك ولسان الشاعر

شكرااااا يابحر الوفاء

......

صح بدنك أخوي أبو خالد

والف شكر لك على حضورك الدائم

تقبل فاااائق التحايا والتقدير

اقتباس:

المشاركة الأصلية كتبت بواسطة معيض بن عريفج
الاخت بحر

صح السانك وصح نقلك

الفيه رائعه جداً كروعة بحر

تحياتي وتقديري لك ودتي بخير




صح بدنك أخوي أبو وليد
والرائع مرورك الكريم
الف شكر لك

تقبل تحياتي وتقديري

صح لسانك بحر على النقل

ابداع ماجلبتة اناملك

تقبلي مروري

[align=center]صح لسانك ولسان شاعرها
تسلمين غاليتي بحر
على هذا النقل الموفق

حبي وودي لك

[/align]

أبدعت في الطرح والأختيآر

غاليتي بحر
لآحرمنا إبدآعك


تقبلي خالص احترامي وتقديري