01-12-2010, 11:36 PM | #1 |
تاريخ التسجيل: May 2006
المشاركات: 8,506
معدل تقييم المستوى: 30 |
الشاص 2002
الشاعرحمود نايف العنزي شاعرمحاوره من الوزن الثقيل ون شالله نحصل على مقاطع من محاوراته على الساحه ولكن شاعرنا كسول جداً مثل مانتم شايفين غير انا اكتب عنه القصيده المشهوره بالجيب وكل ماحضر شاعرنا محفل اول مايطلب منه الجمهور هذه القصيده [poem=font="Simplified Arabic,5,darkred,bold,italic" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black""] يا لعنبوه الشاص الألفين وأثنيـن=عز الله أن المبدعيـن أبدعـو بـه تساعدو في صنعه أطلق خبيريـن=باشراف عالم مبتـداه أبتـدو بـه بروفسـور مخترعلـة براهـيـن=فعله حصانة عن خطـاه ورسوبـه حصل شهادة علم مع خبرة سنيـن=ولة جائزة نوبل زمـان محسوبـة من عائلـة بالعلـم دايـم ملميـن=تاريخهـم بالعلـم توارثـو بــه أبـوه يابانـي سياسـي قوانيـن=في دولته يصـدر نظـام العقوبـه والأم نازيـة موالـيـد برلـيـن=وخوال خاله من مواريـث كوبـه صحيح ناقص لأن ماهو على الدين=عالم وعلمـة مـا يكفـر ذنوبـه أهم أختراعاته على الراس والعيـن=يشكر على أفكارة ودقـة أسلوبـه أسخر بصنع الجيب من قبل عامين=بالسر حتى دولتـه مـا درو بـه لين أنتجه وأنتاجه أزين من الزين=رغم أختراع الغـرب تفاجـأو بـه من جودته له بالصحافه عناويـن=بالسوق ربح كل من تاجـرو بـه رجـح موازيـن وهبـط موازيـن=كل الدول بالبورصة ساهمـو بـه نزل من الـدولار بالسعـر ثلثيـن=ودعم رصيد اليـن نوبـه ونوبـه لاند الكروز اللي تعشقـه ملاييـن=قبل يجـي للشـرق تباشـرو بـه من دولته جابـه وكيلـه بتأميـن=لدولة آل سعود مـا الفاهـدو بـه أسعد نفوس اللي لرويـاه شفقيـن=كل دعـا لـه بالجـزا والمثوبـه أباصفه كله مـن يسـار ويميـن=لو أن في وصفـه عليّـا صعوبـه بين كما أبو الهول مبنى الفراعيـن=كله حجـر مابـه حديـد وطوبـه وبين المواتر سكبته تجلـي البيـن=سكبه زعيم ومحتفل فـي خطوبـه واللون بيج وبويتـه مـن بلاتيـن=ضد الحـرارة والهـوا والرطوبـه وحَمَار خطه مثل سيـل البراكيـن=والا حَمَار الشمس حـزه غروبـه وكبوته أنحف من حجم بديَه شوين=ورفارفـه متناسقـه مـع جنوبـه ونظام دفع الحركـة دفـع تربيـن=فريد من نوعه وهـم طـورو بـه وماطور صماماته أربع وعشريـن=وبخاخ مصروفـه يقلـل شروبـه وتحظيرتين أمام وخلاف عكسيـن=وستة عشر جنطة على قـد هوبـه ومساعدات أربـع وقـدام ياييـن=ودفرنس وفريـول يحـرك كعوبـه وكوابح آي بي أس تعمل نظاميـن=وبكـل هـوب للكوابـح أنبـوبـه وونشين سحب ويسحبن وزن طنين=وهزاز يمنع بالصحـاري نشوبـه وحمولته بالكيلـو ألفيـن وألفيـن=على الشدايد فيه عـزم وصلوبـه من قوته يصبر على الزين والشين=الطقس ما همـه جليـده وشوبـه متعـدد الأغــراض للأتجاهـيـن=ما فيه عيب أقول ذا مـن عيوبـه لأقفى مكوك كـل طقمـه مغاديـن=علم الكواكب والفضـا كلفـو بـه لأقبل كما الجاكوار والا السقستيـن=في وقت غاره والعدو ولعـو بـه لأعرض شهاب مرسـل لشياطيـن=ظرب غلاف الجو وأحدث شبوبـه منوة غريب شـف بالـه بعيديـن=الدرب لو طـول بسرعـة يلوبـه ما يمنعه لا رمل لا أحجار لا طيـن=غريب ما تمشي المواتـر دروبـه وأن قلت للسواق يا الأخو من وين=يعطيك علم أرض قفر ما وطو بـه ما هو زماله عايـلات ووراعيـن=ولاهو زمالـه للعفـون وجلوبـه سلعـة ثمينـة للرجـال الثمينيـن=راع الولع يشريه لـو بـاع ثوبـه لوأملكه لـو قيمتـه كلهـا ديـن=أهديـه للـي بالكـرم مجـدو بـه [/poem] امل ان تنا استحسان الجميع
__________________
التعديل الأخير تم بواسطة نايف النمران ; 01-12-2010 الساعة 11:55 PM |
01-13-2010, 01:58 AM | #2 |
تاريخ التسجيل: Feb 2008
المشاركات: 266
معدل تقييم المستوى: 203 |
رد: الشاص 2002
وماطور صماماته أربع وعشريـن وبخاخ مصروفـه يقلـل شروبـه وتحظيرتين أمام وخلاف عكسيـن وستة عشر جنطة على قـد هوبـه ومساعدات أربـع وقـدام ياييـن ودفرنس وفريـول يحـرك كعوبـه صح لسانك يا حمود يا بن نايف والله انك خطير ماشاء الله عليك وتسلم يانايف النمران على وضع القصيده
__________________
و*12 اللهم لا تجعل الدنيا اكبر همنا ولا مبلغ علمنا ولا الى النار مصيرنا واجعل الجنة هي دارنا اللهم انك عفوا تحب العفو فاعفو عنا |
01-13-2010, 10:23 AM | #3 |
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 689 |
رد: الشاص 2002
[align=center]صح لسانك ولسان شاعرها
تسلم ولا هنت عمي ابو مشعل الله يعطيك العافيه على نقل هذه القصيده للشاعر حمود النايف تحياتي واحترامي لك [/align]
__________________
|
01-14-2010, 02:11 AM | #4 |
تاريخ التسجيل: Sep 2007
المشاركات: 8,400
معدل تقييم المستوى: 371 |
رد: الشاص 2002
صح لسان الشاعر حمود
وبيض الله وجهك ابومشعل على نقل القصيدة الجميلة
__________________
|
01-16-2010, 12:58 AM | #5 |
تاريخ التسجيل: Aug 2008
الدولة: قلب امي
المشاركات: 86
معدل تقييم المستوى: 193 |
رد: الشاص 2002
ابو مشعل
انت اخي الاكبر !!!!! وتمون علي باالطيب ياالغالي واعجابك بما اكتب شهاده بشاعريتي انا فخور بك وبكل صاحب وصاحبة ذائقه رفيعه الف شكر ولاتزعل عندما اقول اخي الاكبر اقصد باالقدر ليس باالعمر رغم انك اكبر مني لكن ماني معلم احد هههههههه تحياتي لك والقصيده لها تكمله ولكن مادونته انت كافي |
01-16-2010, 01:45 AM | #6 |
تاريخ التسجيل: Nov 2008
المشاركات: 7,355
معدل تقييم المستوى: 338 |
رد: الشاص 2002
الله الله
صح السانك يابو مشعل وصح لسان الشاعر حمود النايف قصيده اكثر من رائعه انا دائم السمعها وكل ماسمعتها كأني اول مره اسمعها قصيده بالفعل جزله ومن القصايد الشيخات بوصف الجيب صاغها الشاعر بطريقته الخاصه وبأسلوبه الفريد الذي يمتازبه حمود عاد يالربع وعدم المؤاخذه قولو لحمود لايروح حول الشيوخ اللي يقرون على اللي معهم مس وان بغى يروح علموني اصير حوله اذا طلعت جنيته ابي القطها منه هههههههههههههههههههههه الف شكراً لك يابومشعل على هذا النقل الرائع ولك تحياتي وتقديري ودمت بالف خير وعافيه
__________________
I thank those who work for me this signature Is not necessary to know who I am
|
01-16-2010, 01:32 PM | #7 |
تاريخ التسجيل: Jan 2009
المشاركات: 350
معدل تقييم المستوى: 194 |
رد: الشاص 2002
صح لسانك ودام حضورك اخوي حمود نايف وشكرا لك الخ ابو مشعل
__________________
|
01-17-2010, 12:05 AM | #8 |
تاريخ التسجيل: Aug 2009
المشاركات: 5,076
معدل تقييم المستوى: 281 |
رد: الشاص 2002
صح لسانك ولسان شاعرها
__________________
فديت روحك يابعد روح مغليك=غالي ولاجلك كل (سلطان) غالي
يحفظك ربي وادعي انه يخليك=ياقرة عيوني ويارأس مالي |
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|