(( قصيدة الشاعر " سعود العواجي " في شاعر المليون ))

هذا أول بيت شعري قاله
الشاعر ( سعود العواجي )

[poem=font="simplified arabic,6,white,normal,normal" bkcolor="transparent" bkimage="backgrounds/21.gif" border="inset,6,crimson" type=0 line=1 align=center use=ex num="0,black""]
الكلمة اللي مالها حق علي = عيب علي أقولها وسط الرجال [/poem]

أبيات أختارها الشاعر
وألقاها قبل دخوله مسرح شاطىء الراحه

[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="double,7,blue" type=1 line=1 align=center use=ex num="0,black""]
الشعر ماجيته وأنا أطلب اغاثه = الشعر بدعٍ مبتكر من مزاجي
نذر علي لاطلقه بالثلاثه = إذا حروفه ماتلبي احتياجي
وإذا الشعر ينساق عبر الوراثه = كلي فخر جدي عقاب العواجي[/poem]

هذه أبيات المقدمه
التي ألقاها الشاعر أثناء دخوله المسرح

[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=1 line=1 align=center use=ex num="0,black""]
سلام يامن منجزاته غير ومحياه غير = سلام يامن بيرق أمجاده على العز اركزه
سلام يامن صار للشعر وهله عون ونصير = سلام يامن يستحق الذكر عن مايحرزه
رجعتنا لعهد الفرزدق وأبو تمام وجرير = وأنت الوحيد اللي قدرت يمناك صنع المعجزه
لا يابعد من جمع أمواله وهو مافيه خير = والا أنت مالك تنفقه يوم أكثر الناس اكنزه
كبير يامحمد ولد زايد من سلالة كبير = وأنا أشكرك بإسمي واسم ربعي على ماتنجزه
ماجالك أبن عقاب وحداني معه جمعٍ غفير = لأن العواجي لاحضر يحضر باسم كل عنزه[/poem]

وهذه قصيدة المشاركة
بعنوان
( أسمى مكان )

[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="groove,7,blue" type=1 line=1 align=center use=ex num="0,black""]

على الله والمكان أسمى مكان وطاب ليلي طاب = على المسرح وهالقاعه دخلت بإذن حاجبها
ترخصت لدخولي بالأدب ماجيت أدف الباب = ثقافة ربع قرن بالحنايا وجيت أبي اسكبها
هنا للشعر شرع ومدرسة ماهي شريعة غاب = هنا عقول تمد النصح ماننكر مواجبها
وأنا جيتك ياأبوضبي أتشرف وأكسب الإعجاب = سريت ولك سرت معي القصايد من مكاتبها
دعاني طيب أهلك الحاتمي وجوك الخلاب = وأصالة شعبك اللي طيبها من طيب شايبها
خذاني شعري لدرب الطموح وياأولي الألباب = بدأ المشوار والساعة بدت تمشي عقاربها
سبرت بعين منظار الجزالة قمة المرقاب = ولا اتضحت لي الصورة ولا بانت جوانبها
ثلاث سنين والصبر الجميل لشرهتي جلباب = وأنا عيوني على الصورة أبعدها وأقربها
وأشوف اسباع بتاعه لها مخلب شطير وناب = تسن أنيابها لاشاشت وتشهر مخالبها
وأنا لي ناب مثل انيابها شاطر ولي مخلاب = أزاحمها على القمة وأجي وأدحم مناكبها
يشوش من السطر رأسي وأهيبها ومنها أهاب = ومن لاهاب منها بالملاقى مايهيبها
معي قافٍ صليله يوم أسله مثل سيف عقاب = حساب الوقفه اللي مع فحول الشعر حاسبها
يجمعنا الشعر ماهو تفاخر في أصل وأنساب = ومغنيني من الدنيا ذكر وايل ومنسبها
وإذا عيون الشعر عيت لحرفي ترفع الأهداب = لك الله غير تسطربه لو تعقّد حواجبها
ماأبيه يقال لي لاجيت بعد غياب ليته غاب = لذلك كل كلمه طايشه باحسب عواقبها
تمرست الأدب والحلم منهج والحياة كتاب = بها تعلمت صفحات التجارب كيف أقلبها
حشمت أذني عن مصافح كلام الحاقد الكذاب = مثل ماعادت رجال الوفاء حشمت شواربها
ألوم المرء لامنه سقط في ثورة الأعصاب = ولكن النوايا لاخطأت ربي يحاسبها
ولابه شخص مايخطي لكن الأخذ بالأسباب = سمت بعض الرجال اللي ضمايرها تأنبها
يقال أحسب لهرجك قبل لاتحكيه ألف حساب = وعامل كل خلق الله بحسن أخلاق تكسبها[/poem]

أرجوا المعذره إذا كان هناك أخطاء في بعض الكلمات
لحيث تمت كتابتها بمجهود شخصي أثناء تسجيل الحلقة
أما بخصوص عدم ترشيح الشاعر من قبل اللجنة
وتعليقاتهم ( التي تبين خفايا نفوسهم خصوصاً على قبيلة عنزه )
لاأريد أن أعلق على ذلك لأني أخاف عنصرتي تتغلب على تمنياتي و89
لذلك أترك لكم التعليق على القصيدة بشكل عام
وعلى تعليقات لجنة التحكيم 659/5

تحياتي وتقديري للجميع

كل الشكر لكي يابنت على اتحافنا بهذه القصيدة وتغطية الحدث

احب ان اضيف بأن لجنة التحكيم ليست مقياس للشعر ورأيهم لم يعد مهما لدى الجمهور بقدر ما يتذوق الجمهور القصيده ولو لاحظتي بأن جمهور التصويت بشاطيء الراحه يخالف اللجنه دائما وينتقم منهم.
شاعرنا كان على علم او احساس بان اللجنه ستق ضده بدليل انه ختم قصديته بأربع ابيات موجهه للجنه على شكل تحذير عل غير عادة الكثير الذين يتملقون اللجنه.

شاعرنا سعود بكل فخر مثلنا خير تمثيل ولو ان رأيي ان نترك شاعر المليون لان المكتوب واضح من عنوانه وهو المتاجره بالشعر = شاعر المليون

تقبلوا تحياتي
وصباحكم سعيد

صح لسان الشاعر سعود العواجي

قصيدة جزلة ورائعة جداااااااااااا

كل الشكر لك يابنت أبوها على مجهودك الكبير

اختي الغالية بينت ابوها اشكرك على مجهودك الرائع
انا لا اتابع شاعر المليون ومقاطع تمامآ
لانة بصراحة حصلت اهانات للسعوديين خاصة بغض النظر عن قبيلة عنزة
لان هذا البرنامج قائم على اهانة كل سعودي وهذا هدفهم وخاصة حمد السعيد

اما بخصوص تقييم القصيدة انا لست اهل ان انقد لكن ممايظهر لي انها اكبر من حمد السعيد وشاكلتة

الله يعطيك العا فيه أختي بنت أبوها على ألأ هتمام في مثل هذه ألأمور

وبا رك لأخونا سعود العواجي هذا الحضور المميز والقصيده الرائعه

وأما عن اللجنه وشا عر المليون كثير الكلام وسبق أنه تأكدت عدم نزاهتهم فأعتد لم يتغير شي عن المواسم السابقه

كل التقدير لك

المشاركة الأصلية كتبت بواسطة طالب العرجان

كل الشكر لكي يابنت على اتحافنا بهذه القصيدة وتغطية الحدث

احب ان اضيف بأن لجنة التحكيم ليست مقياس للشعر ورأيهم لم يعد مهما لدى الجمهور بقدر ما يتذوق الجمهور القصيده ولو لاحظتي بأن جمهور التصويت بشاطيء الراحه يخالف اللجنه دائما وينتقم منهم.
شاعرنا كان على علم او احساس بان اللجنه ستق ضده بدليل انه ختم قصديته بأربع ابيات موجهه للجنه على شكل تحذير عل غير عادة الكثير الذين يتملقون اللجنه.

شاعرنا سعود بكل فخر مثلنا خير تمثيل ولو ان رأيي ان نترك شاعر المليون لان المكتوب واضح من عنوانه وهو المتاجره بالشعر = شاعر المليون

تقبلوا تحياتي
وصباحكم سعيد

هلا وغلا أخوي طالب
نور المنتدى بحضورك
وعوداً حميداً
سعيده جداً لهذه المداخله
كل الشكر لك

تقبل تحياتي وتقديري

المشاركة الأصلية كتبت بواسطة فواز أبوخالد

صح لسان الشاعر سعود العواجي

قصيدة جزلة ورائعة جداااااااااااا

كل الشكر لك يابنت أبوها على مجهودك الكبير

هلا وغلا أخوي أبو خالد
العفو أخوي لاشكر على واجب
وهذا أقل شيء نقدر نقدمه لشاعرنا
وباقي ماهو أهم هو التصويت له
كل الشكر لك على مرورك

تقبل تحياتي وتقديري

المشاركة الأصلية كتبت بواسطة برنس الويلان

اختي الغالية بينت ابوها اشكرك على مجهودك الرائع
انا لا اتابع شاعر المليون ومقاطع تمامآ
لانة بصراحة حصلت اهانات للسعوديين خاصة بغض النظر عن قبيلة عنزة
لان هذا البرنامج قائم على اهانة كل سعودي وهذا هدفهم وخاصة حمد السعيد

اما بخصوص تقييم القصيدة انا لست اهل ان انقد لكن ممايظهر لي انها اكبر من حمد السعيد وشاكلتة

هلا وغلا أخوي برنس
العفو أخوي لاشكر على واجب
لكن تدري يابرنس وش أتمنى ؟
أتمنى مره وحده بس أحصل لك مشاركة مافيها بدليه هههههههه
كل الشكر لك على مرورك


تقبل تحياتي وتقديري

حصح السانك اختي بنت ابوها

وصح السان الشاعر سعود العواجي

ماقصرتي بيض الله وجهك

ونتمنى التوفيق والسداد لسعود

المشاركة الأصلية كتبت بواسطة عيـد العنزي

الله يعطيك العا فيه أختي بنت أبوها على ألأ هتمام في مثل هذه ألأمور

وبا رك لأخونا سعود العواجي هذا الحضور المميز والقصيده الرائعه

وأما عن اللجنه وشا عر المليون كثير الكلام وسبق أنه تأكدت عدم نزاهتهم فأعتد لم يتغير شي عن المواسم السابقه

كل التقدير لك

هلا وغلا أخوي عيد
الله يعافيك أخوي
كل الشكر لك على مرورك

تقبل تحياتي وتقديري