اكبر قهر

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك



وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك



وأكبر قهر تبني من سنيـن بنيـان
وتشوف بنٌيـك مـا تعـدى ترابـك



وأكبر قهر تسقي من الورد بستـان
وتموت بين يديـك زهـرة شبابـك




وأكبر قهر تارد على البير ضميـان
وتشوف بعض الطين حايس شرابـك



وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك

.....


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

.....

إن كنت فيما قلـت تحتـاج برهـان
ناظر وتلقى فـي قصيـدي جوابـك

....

وإن كنت فيما قلت مخطي وغلطـان
أترك خطانا وأنـت عطنـا صوابـك

[align=center] صح لسانك ولسان شاعرها
تسلم اخوي قايد الريم
على هذا الاختيار الرائع
الله يعطيك العافيه

تحياتي وودي لك

[/align]

وإن كنت فيما قلت مخطي وغلطـان
أترك خطانا وأنـت عطنـا صوابـك
الله الله

صح لسانك ياقايد الريم وصح نقلك

وبيض الله وجهك مشكور على هالمشاركة

الرائعه ولك تحياتي وتقديري

صح لسانك ولسان الشاعر
تسلم أخوي قايد الريم
على هذا الأختيار الموفق
كل الشكر لك

تقبل تحياتي وتقديري

صح لسانك ولسان شاعرها
الله يعيطك العافيه

صح لسانك مليون اخوي قايد الريم
يعطيك الف عافية على النقل المميز
دمت على المحبة

الريم ....معيض بن عريفج......بنت أبوها....ابو سلطان

شكرا لكم على المرور الاكثر من رائع

وتقبلوا فائق ودي وتقديري

اخوي قايد الريم

كلام جميل ومعاني في قمة الروعه

صح لسان شاعرها ولاهنت

دمت بود واحترام

حــــــــــلا الويلان
تسلمي وانتي على اسمك ومشكوره على المرور
لك مني اجمل ود وتقدير

رائعه لامست السماء
وعانقت النجوم
وامطرت سحاباتها
قطرات شافية
اروت بها ضمائر عطشى