يوتيوب .. محاولة اختطاف بنات الجامعة

مقطع فيديو يجيب القهر والموووت ياربي ترحمنا
احداث كثيره صرت اشوفها .. مدري وش سببها
بس يمكن كنت اعمى وتوني فتحت ؟؟ او كنت اتعامى
يمكن كنت غبي وتوني عقلت ؟؟ لا اتوقع اني ماكنت اسمع وتوني سمعت
بس اكيد اني الحين اشوف وافهم
اخاف المشكله هي اني كنت صغير وتوني كبرت ؟؟
لا مااتوقع انا يوم كنت صغير اذكر اني كنت اميز الصح والغلط
والدليل اني مره شفت واحد سرق علك وقلت له حرام
يعني كنت اعرف الحلال والحرام
ياربي تبعد عننا عيال الحرام
اشياء تقهر كثيره ماعرفتها غير من تالي ..
تتوقعون وش هو السبب؟؟
تكفون قولوا لي وش السبب
بس لحد يجيني ويقول الملك فهد مامات
ترى اقسم بالله ازعل .

مرثية الملك فهد

مرات تصـدق علــوم لــيت ماتصـــدق ،،، وأشين جميـــع العـلـوم الـموت والفرقا

لا مـــات ابوك الذي بمحبتــه تفـــرق ،،، تشوف حتى السماء سودا وهي زرقــا

الليلة الدمع لحروف الحبـــر يسبــق ،،، واوراقنـــا مــن دمـــوع عيـــوننــا غـرقـا

سحــاب حزن مزونه للصــدر تحـــرق ،،، يامــر هــالـمــزن والرعـــاد والبـــرقـــا

ياثوبي اغرق بدمع من غــلاه اغرق ،،، راح الذي مـن خلقــه الـله وهـو يـــرقــا

راح الذي اعداه من قولة فهـد تشرق ،،، محرق قلـــوب الاعــادي كلهــا حرقـــا

له صــورة بالبيـــاض تـــزود ماتعبــق،،، حتى وهـو في القبر في هيبتـه فرقـــا

رمى عنان الفرس والسيف والبندق ،،، ودع عــروس الديــار الشيخــه الطرقـا

اللي ربــت بيــن كفينـه وهـو يفتـق ،،، صدر الدجى لين شاف شموسها شرقا

والله هــو الذي يميت ويحيي ويخلق ،،، والعين تدمــع نهــار المــوت والفرقـــا

الحين هذا المقطع شوفوه وتأكدوا ان ابو فيصل مات

http://www.youtube.com/watch?v=1Sv9nU_ZIR4&NR=1

[frame="7 80"]
اخوي سلطان المقطع قلب مخي وين اللي بيخطف <<<مافهمت شي وبعدين بيخطف باص من بين العالم كذا <<<ليه الدنيا سايبه659/5 <<<على كلاً شكراً على هذا المقطع المرعب <<<<:dهههههههههههههه<<<احسه سوالف بنات مو اكثر
[/frame]

ماطلع شي عندي بس الله يعافيك على المجهود

أخوي سلطان زمانه

حسبي الله ونعم الوكيل

وصلت لهالدرجة في وضح النهار

والله لو أنا بشيكاغو مايتجرؤن على هالشي لكن الموضوع كلة لكاعة وصياعة شباب ودلع بنات مفجوعات والله يستر على عوراتنا وعورات المسلمين وشكراُ لك أخوي سلطان زمانة على هالفلم

اختي جروح حياك الله اشكرك على مرورك ياخيتي الغاليه

وبالنسبه للمقطع هو مكون من ثلاث مقاطع مختلفه

الاول يطرد البنات وهو سكران بالددسن حقته ومن غير ملابس

والثاني يطرد الباص يبي يتحرش فيه والمجرم هو اللي كان يصور

والثالث وهو الواضح والمقطع الطويل

فيه ناس يتحرشون بالبنات وبعضهم دخلوا داخل الباص كان واقف والسواق مو موجود

وجوهم ناس يلحقونهم فيهم حميه

سعوديين واجانب والبنت تصور

بس انتي حلليها براسك ليش الناس فزعوا ولحقوهم ....؟؟؟؟؟؟؟؟

وهذا رابط ثاني

http://www.youtube.com/watch?v=3jjPS-wZcp8

يعافيك ابو سلطان

حطيت لك رابط ثاني

شفه بالرد اللي فوق

حياك الله ياسامي

لاتستغرب من شي العالم انهبلت وربي

يعافيك ربي اخوي كلي امل

الموضوع صحيح ياالغالي مو مفبرك

شوف العالم كيف صابتهم الحميه

وصدقني لو انت موجود كان تسوي عمليه انتحاريه من القهر

لاحول ولاقوة الابالله


يعطيك العافيه اخو سلطان زمانه