يااااااااا سعود

قصيده اعجبتني مرررررررره



ياسعود لا تنشد عن الحال ياسعود
الحـال ولـى فـالزمان المولـي
.
.
والجسم الأقشر قام ينحل كماالعود
ولا الهم خاواني معي مثل ظلـي
.
.
لو قلت لك موجود ماني بموجود
اضحك واجامل واحدن مافطن لي
.
.
متبعد عن كل شاذب ونمرود
ومنزحن بين الخلايق مـحلي
.
.
من خوف يلحقني من الناس منقود
وانــزل مكانن ماهـو بـمنزللي
.
.
احسب حساب النقص واطمع ورى الزود
وافـرح إلـيا جاء مـثلكـم زايـرلـي
.
.
ولا بيح بأسراري على كل مقرود
وصدري معوّد فـوقها مـايملـي
.
.
إلا على مثلك ليا رد مـردود
امشي على رايه ومنه استدلي
.
.
ياسعود يوم الهرج له وقت وحدود
ودي اني اكتب لك عن اللي حصلي
.
.
وانت من اهل الشعر والطيب والجود
يـامـا تحل معـوقـدن مـايحلـي
.
.
واللي حصلي له مصادير و ورود
واقـفت صدوره والورود اقبللـي
.
.
من عقب ماسافر على زورق النود
عـوّد وجاء من سفرته راجعلـي
.
.
اول جـوابه لـي مقابيـس وزنـود
ونارن تشل اطراف الاضلاع شلـي
.
.
وان قلت مالك من ورى القلب مقصود
وان كـان لك مقصـود عبـر وقلـي
.
.
قال الزمان يبين البيض والسـود
لا تحسبنـي راجـع لك تسلـي
.
.
وان قلت وش رجعك لا فت بالفود
قال انشد اللـي جابني من محلـي
.
.
لا شك ماجابه مهرّج وهابـود
يوم اتذكر في سنينن مضلـي
.
.
ماجابه الا اللي يقود الهوى قود
قـود البعير اليا امتنع لا يفلـي
.
.
الغالي اللي دونـه الحزم ممـدود
بأقصى جبالن حيدها عارضن لي
.
.
أرسل مراسيله يبى العلم ماكود
ياليت مرسوله جلس ماوصلـي
.
.
عقب السنين مشيبت كل مولود
اليوم مـن فرقاي دمعه يهلـي
.
.
مايدري انه دونه الدرب مقعود
واللي يباني فيـه مترصدلـي
.
.
ياسعود قلبي راح ماعنه منشود
كب الضلوع وراح مرواح خلي

من خوف يلحقني من الناس منقود
وانــزل مكانن ماهـو بـمنزللي
.
.
احسب حساب النقص واطمع ورى الزود
وافـرح إلـيا جاء مـثلكـم زايـرلـي
.
.
ولا بيح بأسراري على كل مقرود
وصدري معوّد فـوقها مـايملـي


اخوي قايد الريم
روعة وقمة وابهار
صح لسانك ولسان شاعرها
ابدعت اخوي بما اخترت

.
ياسعود قلبي راح ماعنه منشود
كب الضلوع وراح مرواح خلي


صح لسانك قايد الريم امتاع رائع

وقصيدة في قمة الخيال

مودتي لروعة حظورك

سامي التويجري
هلا بك اخوي اسعدني تواجدك وحضورك

لك مني جزيل الشكر المرور الغالي

برنس الويلان

هلا والف غلا بحضورك الغالي ياغالي

لك مني جزيل الشكر والامتنان على المرور

قايــد الريـــــم

لا شلــــت يمينــــــــك ع الاختيـــــــار

قصيـــــده بمنتهــــى الروووعه والجمــــــــــال

تقبل مـــروري واعجابـــي بمنقـــولك

دمــت براحــه البال

جدا رائعه لا عدمتك


من زمان نفسي اعرف القصيده كامله


سلمت يمناك

اخوي قايد الريم
صح لسانك ولسان شاعرها

وآروع ماخترت

زيد الخرشاوي

يسلم راسك اخوي الغالي ولك مني جزيل

الشكر على مرورك الكريم تقبل ودي

يوسف العضياااااني

هلا بك اخوي الغالي

وشكرا على المرور تقبل ودي