مرد نايف النمران على قصيدة لهب النفود (ابو مشاري )

القصيـــــــــــــــــــــــــــــــــــــــــــــ ــدة ::

[poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
مشكور ياصاحبي مشكور=مشكور يالصاحب الغالي
جتني بيوتك ونا مسرور=جتني وسايط بجوالي
تشكي عنا وقتنا والجور=من سو الايام مهتالي
والي تقولهً مضاله دور=روح مع المر والحالي
اشرق ظلام الجهل بالنور=والعلم نبراساً ايلالي
وبنت الغزاله بدلها اسبور=وريمان جا جمس دينالي
ومن عقب الحنه صرير اسيور=ثلاث ميه وجفالي
ودرالعشاير بدله انكور=امجفف ومن الدسم خالي
يابو مشاري ترا معذور=اللي طرالك طرا ابالي
واللي وطاه الزمن مجبور=يحن للماضي البالي
بس التمني عنا المثبور=وش ينفعه عاد لو قالي
من قدم العذرالميسور=وزين النبا يشرح البالي
حقي وصلني ولاهنا قصور=يامعرب الجد والخالي
ترثت حراراً ومرباصقور=وقت اللقى تلحق التالي
نوامسه فعلهم مذكور=سجل لهم جزل الافعالي
من عصرنومس الى ذا الدور=قديم وفي وقتنا الحالي
جعافره تنطح الصابور=بجوارهم يامن الجالي
خيالهم يحتم المضهور=و ينعد عن الف خيالي
مدحي لهم صح ماهو زور=والحق ملزوم ينقالي
مادمت شاعر فانا مجبور=اقف مواقيفاً اجزالي
شاعروصفق لي الجمهور=مستانس ومنشرح بالي
نغوص بغبه وسبع بحور=ونشرب قراحاً من ازلالي
انا يجملني شروف وحضور=ولاتلومني لاقرط اعقالي
[/poem]

صح لسانك ولسان ابو مشعل

الله يعطيك العافيه

شكرا لك على الابيات الجميلة تقبل مروري :

قصيدتك والله كستها كسور............... والوزن فيها كما الخالي

اقتباس:
المشاركة الأصلية كتبت بواسطة الجعفري الغريب
شكرا لك على الابيات الجميلة تقبل مروري :

قصيدتك والله كستها كسور............... والوزن فيها كما الخالي

مادام ياصاحبي دكتور .............. وشاعر وناقد وخيالي

يالجعفري ياغريب ابحور............ عطنى المثل واكمل التالي

اخوي لهب

صح لسانك ولسان الشاعر ابومشعل
ابدعت بنقل هذه الرائعة

ياصاحبي دامك عرفت بحور...... خلك من القيل والقالي
الشعر ناصـع كمــا البلور...... مايطعنه رمح قتالـي
مانـي مهندس ولا دكتـور...... ميـر القوافـي تشكالي

صح السنتكم جميعا

البيت وافي ولاهنا قصور ،،،،،، والوزن مقفي ولامالي

والي يجيد المثل مجبور ،،،،،،، يجيب من زين الامثالي

واللي غدا يمسك الطابور ،،،،،، عن قولت افلان ماقالي

من ظااع يضرب طريق الغور؛ ؛؛؛؛؛ياخذبه اقفاي واقبالي

ماهو بذنبي عيونك عور ،،،،، تشوف ولا على الخالي

نبيع ونشري طلوع النور ،،،،،،،، وبالسوق نبيع بريالي

مار المثل بننا مقصور ،،،،،،،،،،، وللعلم مردود مرسالي

صحت السنتكم وبيض الله وجيهكم

كلام مايحتاج كلام تحياتي لكم

صح الله ألسنتكم يا.............. شعراء الويلان ....