قصيده العقوق..........

تقرأ القصيده كذا هذا البيت الاول والباقي نفس الطريقه

سعادتي ماتـت بعـد حـرب الاحـزان

ياعيـن بدمـوع الاســى غسليـهـا

سعادتي ماتـت بعـد حـرب الاحـزان

ياعيـن بدمـوع الاســى غسليـهـا

وياقلبي انسـج مـن عذاباتـك اكفـان

وعنـد المـوادع كفـن الـروح فيـهـا

دامي غريبـه داخـل حـدود الاوطـان

وصفحـة كتـابٍ مايْـعـرّج عليـهـا

واعصى جروحي من حبايـب وخـلان

تبيعنـي فـي حيـن انــا أشتريـهـا

إن قلت , عافوني ! واذا اسكت , سيان !

وارضـى وكبـدي جمرهـا يكتويـهـا

وفـلان يقصينـي ويرخصنـي فــلان

ريـشـه عواصـيـف الاذى تقتفيـهـا

وخان الذي لو خانـت الـروح ماخـان

مـدري تناسـى عشرتـي او نسيـهـا

اللي بمكمـن مهجتـي كـان لـه شـان

واسرار ضعفـه فـي قـرار احتوايهـا

اللي مـن اجلـه احتملـت الـذي كـان

كيسـان باصنـاف الغبـن أحتسيـهـا

قل , وعدم انصاف , عيله , وحرمـان

واحيان نفسـي مـن عنـاي ازدريهـا

انا الـذي ماارضـى بذلـي ولا انهـان

لجلـه مواقيـف الهـوان أمتريـهـا !!

حقي يضيع رْضا لمـن حقـه مصـان

والحاجـه اتركهـا ونفـسـي تبيـهـا

واضحك وقلبـي مـن بلاويـه مليـان

واداري خصومـي واجـامـل ذويـهـا

ياما ابتسمت ودمعتـي فـوق الاوجـان

واحـط كفـي لـى تـمـادت عليـهـا

واصبـر صبـر ايـوب لادام ماحـان

ساعـة نزولـي مـن ذلـول امتطيهـا

اخـاف يوخـذ مـن حنانـي لنيـران

غيـري , وهـو طفـلٍ غريـرٍ سفيهـا

رسالتـي اديتـهـا رغــم خــذلان

النـاس وظروفـي , وكـف ارتجيهـا

واذعنـت لايـام الشقـا أيمـا اذعـان

نِحّيت عـن حاجـه لـي الحـق فيهـا

ذقت الاذى اشكـال واصنـاف والـوان

كـلـي أمــل إن السـعـاده تليـهـا

واثـر الاذى فـارس ويحتـل مـيـدان

امالـي , وخـيـل الـرجـا مبتليـهـا

واخر سلاح استخدمـه سيـف نكـران

بيـد الـذي مـدت وفــاه احتريـهـا

حشاشـة فـوادي وذخـري اذا شــان

وجـه الليـالـي واخنقـنّـي يديـهـا

صك ولـدي دون الرجـا فيـه بيبـان

شفـي , وعلـق تضحيـاتـي عليـهـا

قسـى علـي وتـوه الوقـت مـالان !

اجهـز علـي لعيـن بنـتٍ يبيـهـا !

صرنا بعينه دونمـا ذنـب , عـدوان !

وليت السبب في رميتـه لـي وجيهـا !

ياكيـف ياللـي مالـي القلـب قــرآن

بمفارقـي دنيـا الهـنـا تبتديـهـا !!

ياذا الهنا اللي إرتـدى ثـوب الاحـزان

اشــلاه ياعـيـن الشـقـا غسليـهـا

وان مت دسيها معـي وسـط الاكفـان

يمكـن تحـت ثقـل التـراب اهتنيهـا

وقولي له امك جـازت السـو باحسـان

مسمـوح ... حتـى المقبـره لاتجيهـا

اختي الوايلية

صح لسانك ولسان الشاعر
والله يوفقنا لبر والدينا
والعمل على إرضائهم

أحسنتي الإختيار
الله يعطيك العافية
وننتظر كل رائع

وايلة شقاويه

صح احساسك

وهذا اقل جميل نقدمه لوالدينا

والله يقدرنا على رضاهم

مودتي خيتو

ســـــــــــــــــــــــــــــــــــــــامي التويجري
برنس الويلان

مروركم ع مواضيعي شرف لي