الحااااااااااجه

الحاجـة اللـي حدتـنـي يــم الانـذالـي

بأصـبـر عـلـى مـرهــا وأشـــوف ناتـجـهـا

بأصبـر عليهـا عشـان الـلـي عـلـى بـالـي

وأغيـض الانـذال لــو زادت تحججـهـا

صحبة عيال الرخم مثل أشهب اللالي

تـثـر عـلـى الكـبـد عـلــه مـــن يعالـجـهـا

وسـهـم الـعـداوه مــن الادنـيـن قـتـالـي

والـكـلـمـه الـنـاقـصـه مــانــي مـروجـهــا

أكنـهـا فــي ضمـيـري خـــوف عـذالــي

يـسـمــع بــهــا نــاقــص ٍثــــم يـتـولـجـهـا

أشــوم عــن زلــة الأدنـيـن مـــا سـالــي

مـا همنـي مـن علـى الأدنيـن هارجهـا

خـلــه يـولــي تـــرى مــهــوب رجــالــي

نفسـه عـن الطيـب تعـجـز لــو يبرمجـهـا

واللي يبي الطيبة يرخص مـن المالـي

ويـــروض الـنـفـس للصـعـبـه ويـحـرجـهـا

مـا فيـه شـيٍ يـجـي مــن دون غربـالـي

يـا كـود تتعـب وتـدرس فـي مناهجـهـا

وذا طــبــع الأيــــام رحــــال ٍونــزالـــي

وســود الليـالـي تـعـذب فــي تمـوجـهـا

اخوي قايد
عودتنا على كل مميز

صح لسانك ولسان الشاعر

بيض الله وجهك على جميل اختيارك

سااامي التويجري

الله يسلمك يالغالي

ويخليك لعين ترجيك