يابنت أنا لاغبت ماهو من الضيق!!!

يآبنت أنا لآغبت ماهو من الضيق ..

خلّي علوم آهل الهروج الكذوبـه ..

في لآزمي والله ولّي المخاليـق ..

والرجل فاللآزم يكمـل دروبـه ..

العمر فرصه والليآلـي توافيـق ..

والوقت يجري والسنين محسوبه ..

رجلٍ يبي يرقى لروس الشوآهيق ..

ما قآل عن درب المكآسيب توبه ..

يثبت .. ولآ منه رسى كنه طويق..

ويعلّي البنيـان طوبـه وطوبـه ..

ترى قلوب الناس مثل الصناديق ..

مفتاحها هرج اللسان إن حكوبـه ..

لو باحت صدور الرجال المغاليق..

أسرارها صارت عليهم عقوبـه ..

كم . واحدٍ يصبرعلى نشفة الريق ..

مـن شيمتـه رفاقتـه مادروبـه ..

يدري خماله عن هروج المطآفيق ..

والآدمي مايستـره غيـر ثوبـه ..

والشعر يآبنت النشآمـا موآثيـق ..

سمعه وقيمه وأبتكـار وعذوبـه ..

وأنا قصيدي مادخل بـه تلافيـق..

أنقآه عن درب الخطا والمعوبـه ..

لو إنّي أبحث عن قصيد العشآشيق..

حطيت لي في كل دآر محبوبـه ..

لكني أبحث عن جزآل الطواريق ..

أم المعانـي حبكهـا بالصعوبـه ..

شومي قصيد مدوريـن الغرآنيـق..

وأخذي قصيد اللي ربوعه هقوبه ..

كلمة ولاتحتـاج شـرحٍ وتعليـق..

والعلم ما ينعـاد عشريـن نوبـه ..

إن كآن عيبي خوتـي للمطاليـق ..

تراى رجلٍ يفتخر فـي عيوبـه ..!

اختيار موفق ياقمر


صح لسان شاعرها


وتسلم يدين من حملتها لنا


يعطيكِ الف عااافيه

تقبلي خالص محبتي وتقديري

اخترتي فأبدعتي

صح لسانك ولسان شاعرها

حبيبتي ..حلا الويلان
ربي يسر أمرك ويحلي أيامك يالحلا أشكرك من كل أعماق قلبي ع المرور حبيبتي..
سامي التويجري ..
ربي يسر أمرك ويستر عليك إن شاء الله ويرزقك الجنه يالغالي
أشكركـ من كل صميم قلبي ع المرور العطر

اخترتي فأبدعتي


صح لسانك ولسان شاعرهاحضور مشرق
اختيار موفق وفقك الله

أخوي معيض
الله يــبيض وجهك يالغالي ع المرور العطر