أنواع الحب

و89[gdwl]احبتي هذه القصيدة اعجبتني كثيراً واتيت بها الى هنا لعلها تعجبكم وهي منقولة ولا اعرف قائلها[/gdwl]
[gdwl]

حبٍ يشيّب صاحبه ما بَعَدْ شاب

.وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب

وحبٍ يدوم وصاحبه في غيابه
وحب يذوّب خافقٍ ما بعد ذاب

وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب

وحبٍ يزيدك رغبةٍ في الكتابه
وحبٍ حياته كلّها لوم وِعْتاب

وحبٍ حقيقي ما يضرّك عتابه
وحبٍ بلا معنى وحبٍ بلا اسباب

يبدا غريب وينتهي في غرابه
وحبٍ ضعيفٍ مثل حبرٍ على كْتاب

تمحيه دمعه في ثواني كآبه
وحبٍ قويٍ مثل قصرٍ له ابواب

لو هبّ عاتيْ الريح ما اهتز بابه
وحبٍ بداية رحلته نظرة اعجاب

واخر مطافه مثل يومٍ بدا به
وحبٍ يعيش بداخل قْلوب الاحباب

وحبٍ يشيع وكل حَيٍ درى به
وحبٍ مقامه في ضلوع الصَدِر طاب

وحبٍ يعدّي مثل مرّ السحابه
وحبٍ على قبره نعق بوم وغْراب

وحبٍ تغنّى به لحون الربابه
وحبٍ بمقدارٍ وحبٍ بلا حْساب

وحبٍ بمعروفٍ وحبٍ نهابه
وحبٍ يعيش أهله وسط داره اغراب

ويموت قهر ويندفن في ترابه
وحبٍ غدا سرّه سوالف للاجناب

وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب

وحبٍ يشيب صاحبه في شبابه

[/gdwl]

الله يعطيك العافيه أخوي قايد الريم

وحبٍ حياته كلّها لوم وِعْتاب

وحبٍ حقيقي ما يضرّك عتابه


اخوي قايد الريم

صح لسانك ولسان شاعرها

الله يعطيك العافية على اختيارك

أبو سلطان ..... سامي التويجري

الف شكر على مروركم الغالي

ولكم خالص تقديري

يعطيك العافية اخي قايد الريم
دائما مميز في طرحك
تقبل مروري