واللي يذل النفس بايع ضميره

عبدالكريم الجباري الشمري يطلق قصيدة راااااااااائعه ..

صار الوطن غربه وصار السفر دار
لويـن مـدري لكـن لأي ديــره

من عاش وقته مايحسـب للأشـوار
يضيـع مايـدري توالـي مصيـره

للنفـس حـد ولـو تعدتـه تنهـار
ماعاد تفرق بيـن خيـرن وخيـره

بعض العرب في جوفها علوم وأسرار
والله هو اللي عالـم(ن) بالسريـره

كم واحد(ن)يشرب قراطيع الأمـرار
ولكن صابـه مثـل حـب الشعيـره

وكم واحد(ن)لو صابه أدنات ماصـار
خلى الصغيره فـي عيونـه كبيـره

اذا معـك دينـار قـدرك بديـنـار
مـع أحترامـي للوجيـه السفيـره

كب الدلال وصك بابك عـن الجـار
وغيـر مسماتـك وخـل العشيـره

تلقـى مـع العالـم معـزه وتعبـار
الطيب تال الوقت أصبح معيـره ..!!

ماعاد بها الوقـت حشمـه ومقـدار
لو انك أنت شيـخ فخـذك وأميـره

المال يغسل من مـلا وجهـه العـار
والفقر ذل أهل السيـوف الشطيـره

يحقر اللـي ماعلـى ساسـه غبـار
ويعز من شـان النفـوس الفقيـره

الفقر قصر مـن طويليـن الأعمـار
والمال طـول فالأعمـار القصيـره

هذا الصحيح ولو تجيبـون الأعـذار
عذر أنسحاب القوم عقب الكسيـره

الميت لـه دعـوه وللكسـر جبـار
والهرج ماسـر الجـروح الخطيـره

اللي مشى في عزة النفـس مابـار
واللي يـذل النفـس بايـع ضميـره

قدامـنـا جـنـه وقدامـنـا نــار
واللـي بغينـاه الهـدى والستيـره

صح السانك اخوي قايد الريم

وصح السان الشمري

قصيده جزله تحدث عن الواقع

نقل موفق اخوي قايد

اخوي نايف النمران

وجودك اكبر فخر يالغالي

وابي اكثر منهاااااااااااااااااا

لك جزيل الشكر على المرور الغالي ياغالي

اخوي قايد الريم
صح لسانك ولسان شاعرها

سااااااااامي التويجري

الله يسلمك يالغالي

على مرورك الكريم