غلا الناس سلطان

غلا الناس سلطان
ليـت المـرض ينقـل عـن اللـي نـودّه
والله لاشيله عن غلا الناس سلطان
شـيـخ جمـيـع الـنـاس ذخــر تـعــدّه
إن ضـاقـت الأيــام واشـتـدت أزمــان
ملجـا الرفيـق ومـن بعـد كـان ضــدّه
حتى العدو ينصاه لي ضاق به شان
محد(ن) وصل بالجـود والطيـب حـدّه
وانا اشهـد إنّـه أكثـر النـاس إنسـان
كم واحد(ن) عـن لحظـة اليـاس ردّه
حتـى زرَع لـه بالأمـل روض بسـتـان
أمّـا الشجاعـة فاسـأل الـلـي يـنـدّه
وعـزّي لمـن لاقـاه سلطـان غضبـان
يمنـاه إذا هـمّـت بحـصـن(ن) تـهـدّه
ويسـراه يـامـا عـدلّـت راس غلـطـان
وكل(ن) عطـاه الله مـن الحمـل قـدّه
ونصيـب ابوخـالـد هــزع كــل مـيـزان
وتضـحـك لـهـا عيـنـه وسـنـه وخــدّه
ما كنها إلا ريشة(ن) شالهـا حصـان
يـــاالله يـاربــي مـــن الـعـمـر مـــدّه
كـم عيـن محـتـاج ترجـلـه باحـسـان
الشاعرالأميرخالدالفيصل

الله يحفظ ولي العهد من كل شر
ومشكوووره خيتو على النقل الراائع

صح لسانك عزيزتي شيهانه
وصح لسان الشاعر الامير خالد الفيصل

اختيار راقي يالغاليه
الله يعطيك العاااااافيه

دمتِ بوود وتقدير ,,,,,,

يسعدني مرورك أختي بحرالوفاء