محمدالبراهيم

أدري تركتي داخلي قلب مسكين
لا جيت الومه صد عني و عصاني..

لاجيت ابمشي تظهر لي عناوين
وشلون اضيع سكتك يا حناني..

و انتي الحبيبة و ادري انك تعرفين
حبك شربته و ارتويته و كساني..

حبك جمعنا روح من عقب روحين
حبك سكنته غير سكن المباني...

به من صفاتك يمكن الزين و الشين
بس في عيوني انتي شيخة زماني..

و لو ان سنيني في العمر فوق الالفين
نذر لحبه لين دفن المحاني..

منسا سنينك لو بغيتي تناسين
منسا ولو يقسى الدهر ما قواني..

اذكر في مرة قلت ابكرهك يومين
حتى خفوقي يوم كرهك جفاني..

و اذكرك مرة في حلومي تباكين
قمت و لقيت الدمع غرق مكاني..

قمت و لقيتك في رموشي تسيلين
حتى خيالك في دموعي بكاني..

صح لســـآآن شآعرهـآ ملآآآآآآآآييييين


إختيااار فخم .. لاعدمنااك ياارب

تحياااتي:وخالص تقديري

صح بدنك حلاالويلان يامنبع الذوق والحلاكله