عرفت وجيه

ياكثرهم .. لا قلت لك .. عرفة وجيه

وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه

ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه

ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حزه

ورجلٍ يهزه .. بعض موقف ويشقيه

ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه

ورجلٍ .. كلام اعـداه .. مايستفـزه

ورجلٍ .. تلزه يعترف لك .. بخافيه

ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه

ورجلٍ .. يزعّل من يحاول ، يـوزه

ورجلٍ .. تكزه لا زم انك .. توصيه

ورجلٍ .. بليّا ما توصيـه .. كـزه

من لا فرش .. للمرجله .. ماتغطيـه

ومن لايخز .. الناس .. محدٍ يخـزه

ان كنت تعرفني فهي .. عرفة وجيه

مو شرط لك بالقلب قدر .. ومعـزه

الشاعر خلف المشعان

الله الله ...
قصيده قمه وهذا مو مستغرب من ابو موسى
والله يعطيك الف الف عافيه اختي شيهانه على النقل الموفق

أختي بنت وايل يشرفني مرورك

سلمت اناملك بما سطرت غاليتي

فأشگرگـ علي تسطير حروفگـ الراقية

ربي يعطيگـ العافيهـ على الطرح الرائع

لاعدمنا طلتگـ ولا طيب طرحگـ

دمتي بـوٌد

اختي شيهانه

لقد سطرتي بنقلك انواع الرجاااااااال

والشاعر اسم على علم لكي

جزيل الشكر على هذا الطرح الراقي

اكرر شكري لك بحسن انتقاءك الجميل

حــــــــــــــلا الويلان يشرفني مرورك يااااااااااالغلا
قـــــــــــــــايدالريم يسعدني مرورك