بعدالفقر حطت شريحه وجوال

بعد الفقر حطت شريحـه وجـوال 0000يسعد مسـاء جوالهـا والشريحـه
كانت تجيني تشتكـي قلـة المـال0000وتصيح لا جاء طاري الفقر صيحه
تقول أبويـه دايـم الـدوم رحـال000وامي كبيرة سـن دايـم طريحـه
وانت الوحيد اللي لك القلب ميـال000دايم يصارحني وانا لـه صريحـه
طفله وانا معشوقها بيـن الاطفـال0000جريح حب وطاح له في جريحـه
كنا سوى نرسم على التربه أمـال0000واحلام تقتلهـا الحيـاه الشحيحـه
كم دمعة كانت على الخـد تنهـال0000واذا انزلت ضاقت علي الفسيحـه
الله كم صرخـه وهمسـه ومـوال0000 الله كـم جـادت علينـا القريحـه
الله كم بيـت(ن) كتبنـاه يختـال0000واقول انا ضيدان وانتـي المليحـه
نخيل لو ما بالسماء برق وخيـال0000وانكذب الايام لو هـي صحيحـه
وتقول لا حطيت لك بشت وعقـال0000وسخر لك الرحمن عيشه مريحـه
أخاف تتركني على عثـرة الفـال 0000للفقـر ووجيـه الحيـاه القبيحـه
وحبيتها بيـن الخلايـق والازوال0000حب يطول الوقـت محـدٍ يزيحـه
وسلمتها قلـبٍ تباريـه الاهـوال0000وطاح الخفوق وطيحة القلب طيحه
راحت وخلتني مع القيـل والقـال0000شاعر صواديف الدهـر تستبيحـه
ودار الزمان وغير الحال بالحـال0000وجاها الزمان بكل ورده وشيحـه
فلـه وخدامـه ولكـزس وجـوال0000وانا عجزت ادفع رسوم الشريحـه


للشاعر ضيدان بن قضعان

شيهانه

أبيات رائعة لشاعر مبدع

إختيار يدل على ذوق متميز

تقبلي تحياتي ،،

فارس عنزة تسلم أخوي ويسعدني مرورك

اي الزمن دوار ياخيتي




سبحان اللي يغير ولايتغير



حبيبتي الشيهانه



ربي يعطيك الف عافيــه على الاختيار الرائع


لاعدمناك ولا عدمنا مشاركاتك الاروع


تقبلي أجمل التحــايا

ربي يسعدك حلاالويلان ويشرفني مرورك