توك صغيره وأبتديتي تحبين

توك صغيـره وأبتديتـي تحبيـن
من علمك ليل السهر ياصغيـره ؟

بدري عليك العشق يابنت هاللحين
حرام هذا القلب وشهو مصيـره ؟

أنتي بريئه في الهوا ليه تشقيـن ؟
دروبه طـوال ٍ عليـك وعسيـره

رحتي بدرب ٍ ماله أصلا ً عناوين
وأنتي مشاويرك من أول قصيـر ه

ياطفلة ٍ حبّت وراحت على وين ؟
عقب الهنا ذقتي الحيـاه المريـره

وينك ووين الحب والشوق والبين ؟
عنّيتي عيونك وصرتـي سهيـره

أمحق تسلّـي كـان ودّك تسلّيـن
الورد لولا اللون وشهو عبيـره ؟

خلّيتي دروسك وصرتـي تحاتيـن
الدرس في ديره وصرتـي بديـره

وصرتي بعد من غير هذا تغارين
والمشكله يابنـت منتـي خبيـره

نصيحتي لـك كـان ودّك ترديـن
يـم السعـاده والحيـاه المثيـره

خلّـك بجـو العايلـه لا تعدّيـن
ماما وبابـا والعجـوز الضريـره

شيبانك اللي مـا يبونـك تعانيـن
من بينهم عشتـي كأنّـك اميـره

الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره

الحب يفضح لا انكشف داخل العين
وأنتي بنفسـك ماهقيتـك بصيـره

طيعي كلامي واحذري لا تماديـن
تراجعي لاعل في الأمـر خيـره

عيشي الطفوله والبراءه لك سنيـن
وبعدين حبـي لا غديتـي كبيـره

قصيده وكلمات في قمة الرووعه




صح لسان شاعرها ولاهنت على هالاختيار


دمت بهكذا تآلق



لك التقدير وخالص الاحترام

حلا الويلان

الله يسلمك وعطرتي متصفحي بقدوكم الغالي

لكي جزيل الشكر

قيد الريم

أختيار رائع صح لسا نك ولسان شا عرها

عيد العنزي

هلا والف غلا بمرورك الغالي

لك جزيل الشكر والتقدير

بس اخوووووووووووي ركز في الاسم

كاتبه خطااااااااااا


ولا يهمك مسموووووووووح

[align=center] صح لسانك ولسان الشاعر
تسلم أخوي قايد الريم
على هذا النقل الموفق

تحياتي وودي لك

[/align]

الريم


يسلموا على المرور الغالي