يوم قفى والخفوق يفوح

والله انى كنت ألــوم اللى يضيق أن غــاب خـــله
لــين جربت الـمحبه والفراق وقلت تـوبـــه

لعنبو جد المفارق فيه هم وفيه ذلـــــــــــــــــــه
أثـر كل الحب لـذه والــفراق أكبر عـيوبــه

امس فــارقـت الـغـلا ومفارق الـخــلان عــلــــه
والعلاج الوصل لا تبلش طبيب ولا حبوبه

الــــــزعـــــــل هو سبه الفرقا يـهـز الحب كـلـه
ليتنى طولت بالى قـبل لا يعلن غـــروبـه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارفً قدره.. وقدر اللى يـحبــه فى محــلـــه
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عـشـرين نوبــه

لا وربـى.. كنت أحــبــــــه حيل مـادورت زلـــه
لا تشكك فى غـــلاه ولا تساعد فى هـروبــه

لايـمـى قبلك تعبت ألـــوم شـعـار المـجـلـه
وكنت مؤمن فى مقوله اعذب الشعر الكذوبه

وأثــر كلن فى حيــاتـه له تـجــارب مستقله
وانت لا تشره علــى مثلـى وتـبـلا لك بحوبه

كان جابتك.. الحميه روح لــه تـكـفـى وقـله
لا يخــلينى واذا وده يخــفـف مــن ذنــوبــه

يستخير وله غــــلا قلب صــدوق مــايمـلــه
فدوة له كل قلبي من شماله لـــى جـنوبـه

يوم قفى والخفوق يفوح عقبه فوح دله
وسط وقدرة واحد عز الشتاء والســهر دوبه

لا تقهوى بــارده من بــرد فــنجــاله وزله
ثم قــربها على جــال الجمر وأرهى شبوبه

ويــن يــدله هالخفوق وكــل مايـدله يـتـله
طاري اللى يــاكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بــلادى مــع شـعارات العـــروبــه

كل هاجوس يجيبه جعل شعرى فدوة له
وأعـــذابــى كــل ماجبت لى الجبله هــبــوبــه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتـــى ياعــل تــفـداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره أفضل عيوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

القصيده للشاعر حمد السعيد
من دولة الكويت

صح لسانك ولسان الشاعر
مع أني مااطيق هذا الشاعر هههههههه
تسلم ولاهنت أخوي
قايد الريم
على هذا النقل الموفق

تقبل تحياتي وتقديري

اختي بنت أبوهااااااااا

هلا بك على المرور

فعلآ لا يطاق هذا الشاعر قبل

لاكن انا قابلت حمد السعيد

وكان انسان متواضع لابعد حد وطيب القلب

واثناء الحديث قلت له تصدق ماكنت اطيقك

ضحك شوي وقال مو بس انت كل النااااس

تكرهني ليش مادري

علما انا انسان طيب

هذا اللي حصل

اختي الله لايهينك على مرورك السلس والغالي

صح لسانك ولسان الشاعر

اخووووووووووي ابو سلطان

هلا بك يالغالي

نورت متصفحي يالغالي الف شكر يابعدهم

اخوي قايد الريم

صح لسانك ولسان حمد السعيد

لله يعطيكـ العافيه

على هذا الطرح

تقدري لك

اختي حلا الويلان

هلا بك في متصفحي

وشكرا على مرورك الغالي

ذااائقه رااائعه
سلمت يمناك اخوي قايد الريم
والف شكــر لك

بحر الوفااااااااااء

تسلمي على المرور الغالي

لكي من الشكر اعبقه واجمله

[align=center] صح لسانك ولسان الشاعر
تسلم أخوي قايد الريم
على هذا النقل الموفق

تحياتي وودي لك

[/align]