قصيده وطنيه للشاعر الملازم / مشعل بن محماس الحارثي

[align=center]السلام عليكم ورحمة الله وبركاته

وبعد

يسعدني ان انقل لكم هذه القصيده للشاعر / الملازم/مشعل بن محماس الحارثي
والتي القاها امام ولي العهد اثناء معايدته للمنطقه الجنوبيه [/align]

[poem=font="Simplified Arabic,6,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
خل النياح وفارق العـش يـا طيـر=غرد وهز الريش فـي كـل عالـي
اليـوم هـذا غيـر وأيامنـا غيـر=والبارحه ماهـي سـوات الليالـي
الأرض صارت في عيوني نواويـر=والبـدر تـم وجامكـان الهـلالـي
وأبها تحدت فـي بهاهـا الغنـادير=فلـت جدايلهـا وقامـت تـلالـي
وفي وجه خالد للفرح ألـف تعبـير=وحجاج فيصل فيـه كـل ابتهالـي
من السعادة باقـي شـوي ونطيـر=عز الله ان اللي لفـا الـدار غالـي
يامـر حبـا ماغـرد العصافـيـر=يامرحبـا مـازاف نبـت السهالـي
ترحيب أحلى من حليب المصاغيـر=وضح رعت روض ربيـع وخالـي
باللي شكت رجله طوال المشاويـر=ياطابهـا درب الخطـر مايبـالـي
قرت عيون اللـي يحبـون ياميـر=طاريك.. والاالحين شفتـك قبالـي
ياما حسبت الوقت حسـب الدنانيـر=اسامـر انجـوم الثريـا لحـالـي
مبطي وانا اسمع فيك وصف البياطير=واليوم جالي في القصيـده مجالـي
يا سيـدي مـال القوافـي معاذيـر=عـن البيـوت الوافيـات الجزالـي
من لاجعل للمـدح قيمـه وتقديـر=ماضنتـي يلفـت ذهـون الرجالـي
وانت الذي معك السحـاب المزابيـر=تمشي. ميتبعـك الحيـا والخيالـي
وانت الذي بسمك تبـاع الأساريـر=ومثلك له اسماءً عـراضٌ طوالـي
سلطان يا سلطان من يومك صغيـر=مافي تسلطانك وشخصـك جدالـي
كانـوا ولازالويسمونـك الخـيـر=وياكثر الاسما اللي تزاحـم فبالـي
كريـم سبـلا الأزبـون المخاسيـر=طلـق الحجـاج الابعيـد المدالـي
درع البـلاد الاطويـل الاشابـير=أبـو اليتيـم الاعشيـق المعـالـي
لو الله ابن مسطر المجـد تسطيـر=على حصى الأرض ونفودالرمالـي
واخو فهد ذروة سنـام المشاهيـر=صفوت ملوك الارض بـاول وتالـي
فهد ولاقلنـا فهـد جـاوب النيـر=تهتـز لسمـه راسيـات الجبالـي
زعيمنا اللي للعـلا واصـل السيـر=حتـى تعلينـا علـى كـل عالـي
مال الطموح بوسط راسـه معاييـر=ولا للعوج عنـده ياكـود اعتدالـي
اليازعل تزعـل ملـوك وجماهيـر=وليا رضى ينهـى جميـع الجدالـي
ما يشبه غير الثنيـن ألمنـا عيـر=انته وابو متعـب كريـم السبالـي
عبدا لله اللي فيه من سالـم الزيـر=خطل اليمين الليـث حـام التوالـي
سقم العـدو الياهـرج دون تفكيـر=رده على العـدوان جاهـز وحالـي
نفخـر بكـم والاالقصايـد تعابيـر=يا شيوخ نجد الشعب كلـه موالـي
والله لوفيكم عـن الملـك تقصيـر=ما خصكـم ربـي عظيـم اجلالـي
منا وفينـا مـا لفيتـو مـدا ويـر=حكامنـا وقـت الدهـور الهزالـي
ورث الجدود امن الليال المعا سيـر=قبل القصور وقبل صـرف الريالـي
هاك الزمام سلاحنـا حملـة بعيـر=ومـن يومهـا متوثقيـن الحبالـي
منها جنـا واضـح ولافيـه تغييـر=نموت ما نرضـى عليـه البدالـي
ما استعمرونا اللي غذاهم خنازيـر=تشهد لنا شهب السنيـن الخوالـي
من قبل عاشر جد ابو بوش وبليـر=ماهي ثلاث شهـور والاحوالـي ؟
واليوم فـي وقـت الرخاوالتياسيـر=شفنـا العجـب لااوالله الاالهبالـي
يا كثر ما قمـت تسـوق المقاديـر=وياشيب عينـي لاذكـرت وطرالـي
المسجد اللي هزه أصـوات تفجيـر=في حـزة فيهـا يجـاب السوالـي
والمسلم اللي ذبح من دون تبريـر=ودم الرضيع اللي على الوجه سالي
ينشدك يا مكفر هـل الديـن تكفيـر=وش حكم ذبح المسلميـن العزالـي
تدبـر القـران والـهـدى تدبـيـر=واخذ الجـواب بصيغـة والكمالـي
فضحكم الله يـا لوجيـه المغابيـر=ياطغمـة التخريـب والانحـلالـي
واللي على الفتنه تـدق المزاميـر=نعرف مطامعهم علـى كـل حالـي
ونعرف من يدفع رسـوم الفواتيـر=يا لحيه اللـي جحرهـا الاحتلالـي
لنحورهـم حنـا سـوات الازاريـر=حنا حمـاة الديـن ياهـل الظلالـي
الأرض نزرعها رمـاح ومساميـر=يحـرم عليهـم وطيهـا بالنعالـي
ديارنا مـا هيـب كابـل وكشميـر=ياهملالـي صــدق ياهمـلالـي
حامينها الاجـداد عـج ومعاصيـر=بسيوفهم علـى ظهـور الجمالـي
واليوم يا سلطـان شفهـم طوابيـر=ملو من المجلاس تحـت الضلالـي
يبـون يـوم فيـه للحـق تكبيـر=عن الكـلام تبـان فيـه الفعالـي
ياسيدي قل وش تبي بـس ويصيـر=حدد هدف لـو هـو عسيرالمنالـي
فالجـو نفاثـه وفالقـاع جنـزيـر=وان مت هاك اليوم من طيب فالـي
هـذا وطنـا ماسكـنـاه تهجـيـر=الجيش واحـد ماجمعنـا الحثالـي
لوينتخـي عرعـر تلبيـه خرخيـر=كل الجنوب يصير جنـب الشمالـي
لا يا وطن لا تحسـب انـا مدابيـر=لوالدهر في بعض الاحيـان مالـي
طالبك لاتجفل مـن الوقـت وتذيـر=وكــلٌّ ابـنـاك وبالله الاتكـالـي
وان كان ما شفت السعد والتباشيـر=عيـبُ علينـا لبسـنـا للبـدالـي
نذرً على لحرسك وافديـك واغيـر=ديني وعرضي فيـك واغلىحلالـي
واللـي ياثـر فيـك بيـات تاثيـر=ابرى منه لوكـان عمـي وخالـي
وان مت واخذتني صروف المقاديـر=والله لوصـي فيـك حتـى عيالـي[/poem]

[align=center]
وسلامتكم


مع تحيات


تركي النومسي[/align]

أحسنت وماقصرت ... يعطيك العافيه .

قصيده جزله

يعطيك العافيه ياتركي

أحسنت وماقصرت ... يعطيك العافيه

تركي النومسي

الله يعطيك العافيه

ومشكوووووورررررررررررررررررررررررر

القناص


الله يعافيك


وتحياتي لك




تركي النومسي

رمضان العنزي


الله يعافيك


مع الاحترام والتقدير



تركي النومسي

الوايلـــي


الله يعافيك


واحترامي لك



تركي النومسي

الكابتن


الله يعافيك


والعفو طال عمرك


وتقبل ودي واحترامي



تركي النومسي