((( قصيدة زوجة المتقاعد )))

من شعر واحد متقاعد


في قالب من الشعر الفكاهي دار هذا الحوار بين جارتين افتقدت احداهن الأخرى وكان السبب هو تقاعد الزوج

فلنقرأ معاً مادار بينهما :


قالت الجارة:
وينك يختي ما جيتينا ...... ومن زمان ما قهويتينا
عسى منتي نسيتينا ...... او زوجك مجاز وقاعـد

قالت زوجة المتقاعد:
أبداً ما نسيتك يختي ..... لكن صعيبه مشكلتي
واكبر مما توقعتي ..... زوجي من شغله تقاعد
وصاير رئيسٍ في المنزل ..... وكلامه أبداً ماينزل
إن ناداني جيته اجري..... ورميت ولدي من حجري
ولو أتأخر مدري شيجري ..... زوجي غيره التقاعد

ردت الجارة:
يختي وش هللي تقولينه ..... هذا شيئٍ ما تطيقينه
زوجك طاقاته دفينه ..... وشلون يعطونه التقاعد
ترى التقاعد للشايب ..... او الشباب اللي عايب
اما هذولى مصايب ..... تفنى المره وهو قاعد
لكن استغلي وجوده ..... وخلي في المطبخ مجهوده
زوجي إذا عطل أقوده ..... ويساعدني لو هو قاعد
مره يخرط لي ملوخية ..... ومره يغسل لي الزوليه
ولو يرفع صوته عليه.....الى غرفتي ماهو صاعد
أنا اغسل وهو يكوي ..... وأنا أتبل وهو يشوي
وكل ما اطلب منه يشري ..... وانتي خلي زوجك يساعد

ردت زوجة المتقاعد:

أنا حظي يختي مايل .... والا شبي بهل حايل
لابس لي عقاله مايل .... ويهدد ني به ويواعد
لا قال لي يابعد حيي .... وش نوحك يفقدني وعيي
والخوف في اوصالي يسري .... وشلون تبينه يساعد
مابـــيه يساعد بالمره.....من خــيره كفاية شره
ليتي اسلم من المضره ..... ومن طلباته هالمتقاعد
تقاعد وتفضّـــــى لي .....واشغلني واشغل عيالي
وبعض افعاله ما تنقالي ..... وينتصف الليل وهو قاعد
مدري وش معنى زي تايم.....يهددني به وهو نايم
واحلامه في العمل دايم ..... وكن رئيسه عنده قاعد
قال لي مره وهو صايل ..... عندي لك ميمو تو فايل
وقمت احايل فيه محايل ..... وانا مدري وش هو قاصد
مره صاح شبّت حريقه ..... ورحنا نركض للحديقة
واثره وهمي مو حقيقه ..... طيّر عقلي هالمتقاعد
ومره خذني للهولدي إن .... وسوا لي حفله اتجنن
اثره يسوي له ادراي رن .....و يبي يعرس هالمتقاعد
ذبحني بالبيتي كاش ..... حتى بغيت عنه انحاش
افلس و ماعاد فيه عراش ..... وعلى الراتب يتراعد
طلباتي في ابلكيشن ..... مدعومه بالجستفيكيشن
والله هذي خربطيشن ..... و ما عرفنا للمتقاعد
والزبده كثرت حركاته ...... وقلت دراهم مخباته
ليته جلس في مصفاته ..... وما قدم على التقاعد

ههههههههههههه

الله يعين المتقاعد حتى المره طفشت منه


وين روح

الله يعطيك العافيه حفيد الاسدين

حياك ابو سلطان

عاد هذي الحياة

الله يعين المتقاعد حتى المره طفشت منه

وين روح ابوسلطان بس نتقاعد لازم نشوفلنا حل

الله يعطيك العافيه حفيد الاسدين

اسعدني مرورك ابو يوسف وانت للحين شباب الله يحيك خل الكلام هذا للشيبان

[align=center] الله يعين المتقاعدين ...![/align][align=center]

مشكور اخوي حفيد الاسدين
على هذا النقل

دمت بخير


[/align]

ههههههههههههههههههههه

خااااااااالي معيض انت ونايف النمران

واين تروحون بعد التقاعد

ههههههههههههههههههههههههه

اهم شي خوذوني معااااااااااكم لا تخلوني

تسلم اخوي على الطرح الحلو

الريم شكرا على مرورك الجميل

حياك اخوي قايد الريم افااااا قمت تفكر بالتقاعد من الحين

حلووووووووووووووووووه ..

مررررررررررررررررررررررررره

والله اللي قال هالقصيده ماكذب صحيح جلست الرجال في البيت ماتنفع ابد

بس الجاره والله سنعه ياليت كل الحريم مثلها

اجل تخليه يفرم الملوخيه ويغسل الزوليه ههههههههههههه رهيبه

حفيد الاسدين مشكور