ابو عدوان ياللي رقيت بعاليات المشاريف

عايد بن ضافي بن سليمان وهذه القصيدة التي يتوجد بها :






ياللي رقيت بنابيـات المشاريف == قبلك رقيـت بروسهـن واتعبنـي
حمر الهضاب النابيات المشانيف == اللي بهن سحـم الذيابـه عونـي
تجاوبن بارض بها الزول ماشيف == واستسعرن يـوم الديـار امحلنـي
عسى المزون اللي تقافا مراديف == تسقي نـدف نيـال مايجنبنـي
واليا اقبل عليهم برقها له رفاريف == صكن على فوقيـه ثـم ارعدنـي
سيله يجعف قوع الاشجار تجعيف == ياما نحف من قوعهـن وارتكنـي
شال الغضا اللي نابت بالاطاريف == ركب على روس النـدف واتقنـي
فج الطعوس وذرف القاع تذريف == خبرا الطرودي والهبـوج امتلنـي
وعروس تزمي كنها شاطي السيف == هابنها القطعـان لايشرعـنـي
من مدلهمن كنـه الليـل ياشيف == البرق يلعـج والرعـد مايونـي
يسقي طفيحا والغوار المكاهيف == يرجع لها يـوم الديـار ارجعنـي
ياربعت ماتنوصـف بالتواصيف == ولو اتمنى ماتـجـي بالتمـنـي
تلقا بها عجف العشاير مشاعيف == حلايب الخـطـار لاروحـنـي
تلقا الجوازي يوم الاقفار والريف == هن والمهـا بحزومهـا يرتعنـي
العين هلت من دموعـه ذواريف == تبكي على مافات والقلـب حنـي
حنيـن ذود للمـدوه مـــوالــيف == سمعن لهن صـوت بعيـد يغنـي
عز الله اني مثلهـن بالتواصيف == لا روحن عقب العشـا واعولنـي
طرى علي اقفايت النجع بالصيف == يوم الضعـون بدورهـم غربنـي
ياما توطن فيضه الهجم وطريف == صوب الحزوم اللي شماله زمني
تنحرت ديرة ضنا عبيد بالصيف == بالشط يامـا ضعونهـم يشربني
دشن ضنا ماجد حماة الاطاريف == نطاحة العايل برمـــح الـــمطني
والولد نذخرهم لصعب المواقيف == انا اعتزي بالـــولد والـــولد مـــني
هذي مناتي لو تجي لي على الكيف == وعزي لمن رغبات قلبـه تمنـي

صح السان الشاعر كل الود لك

رحمك الله يابو عدواااااااااان


والله لا يهينك اخوي عبد المحسن على هالنقل الجميل


تقبل مروري يالغالي

صح لسانك ولسان شاعرها


يعطيك العافيه على حسن الاختيار


دمت ودام تواجدك العذب

الشريف ابن الاشراف والله شرفتنا بمرورك طال عمرك...

حلا الويلان ابرك الساعات شوفت اسمك ومرورك..

نايف العنزي مية هلا والله مايسدن فديتك يابن العم...

الله يرحمك يابوعدوان والله ونعم الرجل
من مات واسمه حيّ مامات لو مـات ** ومن مات ذكره مات لو كان به روح

مشكور اخوي عــــ النقل

[align=center] صح لسانك ولسان شاعرها
تسلم اخوي عبد المحسن
على هذا الاختيار الموفق

تحياتي وودي لك

[/align]

صح لسانك اخوي اابو عبد المحسن

ولسان شاعرها

يعطيك الف عافيه

قصيدة اعجبتني جدآ

هذي مناتي لو تجي لي على الكيف == وعزي لمن رغبات قلبـه تمنـي

الله الله
رحمك الله يابو عدواااااااااان رحمة واسعه


والله لا يهينك اخوي عبد المحسن على هالنقل الجميل


تقبل مروري يالغالي