آمــر وســـم

أعاهدك مااقول : غير ..( آمر وسمْ )

حتى لو إنك قلت : برحل .. وأخليك
بقول لك : تامر على ماتبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم انا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

وأضيع في شعرك .. ودافي أياديك
وأذوب بالوانك .. وروجك على الفمْ

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ

مما اعجبني

الله يعطيك العافيه على الابيات الرائعه صح السانك كل الو د

اخوي الشريف

الله يسلمك ياااااارب ومشكور

على المرور الغالي

لقلبك كل الود والتقدير

اخوي نايف
روعة باختياراتك

الله يعطيك ا لعافية

صح لسانك



اخوي نايف العنزي


قصيده رائعه ومليئه بالاحساس العذب


سلم بوحك

سامي التويجري....حلا الويلان

الشكر على مروركم الغالي

لقلوبكم كل الود والتقدير

نايف العنزي

صح احساسك المرهف

شهادتي في روعة حظورك مجروحه

لاتبخل بجديدك

نايف العنزي يعطيك الف عافيه على البيات
وصح السانك اخوي

ولك كل تحياتي

اقتباس:
المشاركة الأصلية كتبت بواسطة برنس الويلان
نايف العنزي

صح احساسك المرهف

شهادتي في روعة حظورك مجروحه


لاتبخل بجديدك
اخووووووي برنس الويلان

مرورك هو الاغلاء يالغالي

وحضورك بحد ذاته رد على هالقصيده

دمت بخير يالغالي

اقتباس:
المشاركة الأصلية كتبت بواسطة ابوتركي النمران
نايف العنزي يعطيك الف عافيه على البيات
وصح السانك اخوي


ولك كل تحياتي

اخوي ابو تركي النمران

يعطيك الف عافيه على هالمرور الغالي
دمت بخير وصحه