غلاتك وش نهايتها

رواد هذا الصرح الشامخ
مساكم نور وسعاده
اضع لكم ابياتي المتواضعه للتواصل واتمنى تنال رضى الجميع[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلا ياطلة الفرحه هـلا ياغايـة المشتـاق=هلا يافرحتـن بالقلـب حـط الله مكانتهـا
احبك والغلا ينبع ومنباعـه مـن الاعمـاق=ولاادري وش بعد هذا غلاتك وش نهايتهـا
تدلل يابعد عمري ترى سلك الغـرام رقـاق=عسى تفداك بنت شيوخ مع جرت عبايتهـا
يميل القلب لك ميل السحاب وداخله بـراق=ويرعد فوق حايل يوم اجا للسحب ضمتهـا
هويتك دون ماشاهد ولاشفتك مع الاسـواق=هويتك بالعلوم اللـي تواردنـي بلهجتهـا
دخيلك دام طراد الهوى في داخلـه سـراق=لصوص الحب برواح البشر تسرق بضاعتها
ابي ترفق بقلبن منك همه عـوده بطـراق=ويسرقني غـلاك وكـل سرقاتـه يشتتهـا
دخيلك لملم شتاتي ابي ترفق علـي ارفـاق=دخيلك ياخلية شوق يـوم الريـح مرتهـا
تعال اقبل ولك قلبي كما الفنجال لك ينسـاق=تعال اقبل ولك روحن هبوب الحب ساقتهـا[/poem]
تحياتي للجميع
سلطان سعد النومسي

يميل القلب لك ميل السحاب وداخله بـراق
يرعد فوق حايل يوم جا للسحب ضمتهـا

الشاعر الكبير/ سلطان بن سعد النومسي

صـــــــــــ لـسـانـك ـــــــــــح يــــالــــوايـــــلــــي

أبيات بديعه تمتاز بقوة الكلمة وجزالة المعنى

لك مني أجمل تحيه ،،

اخوي سلطان

صح لسانك

فاانت تصنع من الاحرف نسيجآ حريرياً وكسـاءاً
مخمليآ يطرزها قلمك بحلة بهية تظل دائماً مبدع


رآقت لي بحجم آلسمآء

/

{ اخوي سلطان }

ألف شكر لك

دمت في سعآدهـ

تعال اقبل ولك قلبي كما الفنجال لك ينسـاق

تعال اقبل ولك روحن هبوب الحب ساقتهـا

الله يعطيك العافيه اخوي ابووافي تقبل تحياتي

صح لسااااانك على هذة
الرائعة

فارس عنزه
لاهنت وطال عمرك
اعتز بمرورك اللذي شرفني واسعدني
صح بدنك
ولاهان راسك الجزل ومرورك اللي اسعدني
نورت متصفحي بمرورك الجزل

حلا الويلان
صح بدنك
وانا راقلي ردك العذب اللذي عطر متصفحي
لاهنتي ولاهان مرورك الرائع
نورتي متصفحي

لهب النفود
عافاك الله
نورت متصفحي بمرورك الجزل
اللذي اسعدني وشرفني

كلي امل
صح بدنك
نور متصفحي مرورك الرائع
شاكر لك

صح السانك ابو وافي

ابيات رائعه كاروعت وجودك هنا

دمت مبدعاً اخي سلطان