أول الحب يوما شفت بنتا صغيرة

الليالي بها عميا وفيها بصيرة = أغتنمها مطولك بأول العمر ساير

وكم عقيدا يعزل في ضحى الكون خيرة = يوم لحق الطلب صارت عليه الكساير

ياوجودي وجود اللي تصوب بعيرة = قام ينخى ربوعه والفشق فيه ثاير

ذبحوا عيال عمه هم خيار العشيرة = ثم خلي منيعا في يدين النحاير

عند قوما خساس ولا لهم سلم جيرة = يقطعون الوجيه وياخذون القصاير

اسحب الرجل وامشي بالدروب الخطيرة = والقدر مايعرفه كود رب السراير

البلاوي بلتني والرحى مستديرة = والجهد عقب طول العزم فاتر وخاير

وأول الحب يوما شفت بنتا صغيرة = في وسط سوق تدمر لا سقته النثاير

بنت شاوي زرع بضمير حنطة وميرة = جوا يبيعون زيت ويشترون الزقاير

اسمعه يوم ناداها هنا ياسميرة = وجت تلفت تقل ظبيا من الرمي ذاير

لابسه بنطلون وفي يديها سويرة = والقميص المورد فاتحا للزراير

وقفت و غمزت لي بالعيون النظيرة = وضحكت لي بوجها كنه البدر داير

قالت انتا سعودي باي وايات ديرة = يمكن انا نعرفكم لا ذكرت العشاير

قلت انا جعفري وربوعنا بالجزيرة = اه ياويل قلبي ليت ربعي حظاير

والله اني عليكم غير اجر الجريرة = تحتميني هل الجدعا وما كان صاير

لا تعرف النفود ولاتعرف الحفيرة = ولا تعرف الكتيب ولا تعرف العماير

قال ابوها مشينا قلت ياعم غيره = لا تروحون عني معكم القلب طاير

يوم قفوا وانا واقف وبالقلب حيرة = ألعن الحظ الاقشر والحياة العزاير

ليت من حاش مثله بالحياة القصيرة = يتهنى معاها لو تدور الدواير

كل من سمي محيسن حياته جهيرة = يسهر الليل وعيونه تهل العباير





الشاعر / عبدالمحسن الجلوي

ليت من حاش مثله بالحياة القصيرة = يتهنى معاها لو تدور الدواير

كل من سمي محيسن حياته جهيرة = يسهر الليل وعيونه تهل العباير

صح لسانك وعلا شانك
اخوي محيسن
ونعم فيك
شكرا لمشاركتنا هذه القصيدة الرائعة
ودي واحترامي لك

الشاعر عبد المحسن الجلوي
صح لسانك
على القصيده

[align=center] صح لسانك اخوي عبد المحسن
تسلم ولاهنت على هذه القصيده
لا تحرمنا من جديدك


تحياتي وودي لك


[/align]

اخوي عبد المحسن صح الله لسانك ودام تواجدك

لاعدمناك ولا عدمناتواجدك

مبدع لاتحرمنـــا جديدك

صح لسانك أخوي عبد المحسن
تسلم ولاهنت على هذه القصيدة

تقبل تحياتي وتقديري

الشاعر عبد المحسن الجلوي

صح لسانك

على القصيده

اخوي عبدالمحسن

انت ماشاءالله عليك شاعر كبير

وصراحه انت اجبرتني اني دايم اقرا قصايدك واطلع عليهن

ماشاءالله عليك انت عندك تلاعب عجيب بالمفردات

وعندك التشبيهات خطيره

وفوق كذا الوصف عندك اخطر واخطر

وانت ختمتها ببيت ماتوقع ان فيه احد سبقك عليه

صحيح انت شبهت قصتك بقصة محسن الهزاني

والحمدلله ان مااسمي محيسن

اسمح لي ابدي اعجابي بقلمك وتميزك واسلوبك الراقي وتالقك

يعطيك اااالف عااافيه

يسلمؤؤؤؤؤؤؤؤؤؤؤؤؤؤؤ

تحياااااتي

اميره الذوق

عشره ع عشره اخوي روعه ومننحرم من جديدك