لا تضيقها ..وهي اصلا ضياق

لا تضيقها ..وهي اصلا ضياق
ولا تقصرها.. وهي عدة سنين
العمر لو طال يختم بالفراق
وكلنا عن هالحياة مفارقين
من قبل تاكل من الدنيا طراق
عيش عمرك ماانت عايش مرتين
لا تحسِب للسمين وللدقاق
الدقاق يزول ويزول السمين
وانظر بقلبك شف احوال العراق
تقتنع لا شفت دار الرافدين
والهموم اللي على قلبك رواق
فلها بالصبر والذكر المبين
ما احد مع هالزمن سوا اتفاق
يوم عسر ويوم يسر ويوم بين
غامر بدنياك لو فيها اصطفاق
دلو ماء ودلو نص ودلو طين
ما يزيد الرزق كثر الاحتراق
ولا ينقص فيه حبك للثمين
ولايجي بالهم والا بالطقاق
ولا بحرقة قلب والا سهر عين
القناعة كنز طول الدهر باق
والطمع ضيع كنوز الطامعين
واللوازم ودها رجل حقاق
دون ستر الوجه لايمكن يلين
بس حاول مايجي دينك نفاق
وش حلاة الآدمي من دون دين؟








ممـــــــــــــــــــــااااااااااا رااااق لي

صح لسان اشاعر وناقل القصيدة

صح السانك


الله يعطيك العافيه



ولك تحياتي

صح نقلك
قصيده في قمة الرواقان

[align=center] صح لسانك ولسان شاعرها
تسلم اخوي نايف
على هذا الاختيار الرائع
الله يعطيك العافيه

تحياتي وودي لك


[/align]

صح لسانك ولسان شاعرهاا