اخر قصايد الشاعر خلف المحدى ....

السلام عليكم ورحمة الله وبركاته اسعد الله ايامكم اما بعد :

هذه قصيده وجهها الشاعر الكبير / خلف المحدى الغبين العنزي.

لشاعر العبادله من عنزه / محمد الصفوق العبدلي.

وذلك بخصوص حفل الشيخ/ هزاع الروسان.

وخلف المحدى شاعر لا يعرف المجامله ينقد بشعره ويقول للخطا خطا وللصواب صواب
وهو معروف في مواقفه في غيرته على قبيلة عنزه
وقد راى الشاعر خلف المحدى و كما راى معظم الناس التنظيم السئ من قبل اللجنه المنظمه للحفل الشعري التي حدثت في ام رقيبه.
فوجهه هذه القصيده لمحمد العبدلي يعبر فيها عن ما حصل من سوء تنظيم .



[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سار القلم بالطرس والفكر بداع =اخذ من عيون المعاني جزلها
للعبدلي وجهت زينات الابداع = مثايل بالقيل نادر مثلها
وجهتها للعبدلي طايل الباع = مثايل ما كلفت من نقلها
يا محمد ابن صفوق ضاع السنع ضاع =واهل الزلل عم القبيله زللها
يالعبدلي خلك للي قلت سماع = ولو كان تزعل كلمة الحق قلها
اللجنه اللي نظمت حفل هزاع= ما وفقت يالعبدلي في عملها
لجنة فلس على الفلس ذكرها شاع=ياليت لو هزاع قام وعزلها
تقدموا فيها مدورت الاطماع=واللوم من كل الجوانب شملها
لو فيهم اللي مدركن عارف واع = ياخذ من علوم النشاما صملها
لاشك وين اللي تدارك للاوضاع =لجنة فلس للناس بين خللها
اضاعها الله ضيعت درب الاسناع =خسرت وخابت خيب الله املها
بسم القبيله شكلوها للانزاع =من العام ماحدن عن خطاها عذلها
قامت تمادى بالخطا دون رداع =تخطي ولا احدن عن خطاها سالها
تنظيمها يزعل بعيدين الارماع=فاشل وبين يامحمد فشلها
ما شيف منها خير ياشهم الاطباع= منها كثير الناس بين زعلها
تبينت ماهي خرافات واخداع= وخوافي اللعبه على من فعلها
بانت حقايقها بلا شرح واقناع=والملعبه صار الجويهل بطلها
واعلم ترا اللجنه غريبين الانواع= كل السوالف هم سبايب عللها
والحق له روس الرجاجيل تنصاع =والسالفه بانت وبين خملها
واللي حصل ما يقبله كل بتاع = ومن قدم الهزلا يعمه هزلها
وبعض القصايد قدمت مالها داع = والشتله الشينه على من شتلها
وروس الرجال اللي تبين بالافزاع= لو حطها الروسان لجنه عدلها
اقصد شواعير القبيله بالاجماع= اللي تنومس لا حضرت محفلها
كسابة الطوله قويين الاضلاع =اللي يشرف بالمواقف سجلها
شعار وايل لا اختفى كل رعراع = ما تختفي لا قام يضرس فحلها
والا الكراع كراع لو قدم كراع= واهل النفل تبقى نعم في نفلها
وبوب تذل النفس مدخل ومطلاع= ما ادخل بها لو كان غيري دخلها
ما صار يا ابن صفوق وقف سما القاع=ازعل كثير من الرجال وشغلها
مما تشوف العين يرث للاوجاع= اغضب مناعير الرجال وذهلها
ذكرت لك شوف النظر سمع الاسماع= تنظيم حفل كل نفس خجلها
جاك الكلام اللي نظمته بالاسراع = جتك المعاني وانت عطني بدلها
وجهت لك ما قلت كتبي بالاصباع= ولا نبدي الدعوى على غير اهلها
واختام قولي عد ما هب ذعذاع = صلوا عدد ما لاح بارق هللها[/poem]

ودمتم بخير

اقـصــد شـواعـيـر القبـيـلـه بـالاجـمـاع الـلــي تـنـومـس لا حـضــرت محـفـلـهـا

كـسـابـة الـطـولـه قـويـيــن الاضــــلاع الـلــي يــشــرف بـالـمـواقـف سـجـلـهـا

شـعـار وايــل لا اختـفـى كـــل رعـــراع مــا تخـتـفـي لا قـــام يـضــرس فحـلـهـا


كفو والله
صح لسانك انت والشاعر خلف المحدى

[frame="2 80"]
صح لسان الشاعر ولسانك
[/frame]

ويلان / كامل الخدلي
صح ابدانكم جميع وشرفتوني بحظوركم عسى الله لا يهينكم

صح لسانك ولسان شاعرها

وتقبل فائق ودي واحترامي