|
منتدى الشعر المنقول منتدى خاص بالشعر والقصائد المنقولة |
الذهاب إلى الصفحة... |
|
أدوات الموضوع | انواع عرض الموضوع |
01-19-2011, 04:44 AM | #1 |
تاريخ التسجيل: Oct 2007
المشاركات: 1
معدل تقييم المستوى: 0 |
قصيدة لشاب فقير بيخطببنت عمه المليونير؟؟
سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن ***أموت واعرف بس من وين جابـه وإذا سألته قـال بعـت الدكاكيـن***ما يدري إني ما هضمت الإجابـة الشاهد إني رحت له قبـل يوميـن***في قصره العامـر ودقيـت بابـه قال أرحب أرحب عدّد ورد البساتين***يا مرحبا باللـي لفـا يـا هلا بـه قلت البقا عـدّ النفـل والرياحيـن ***يا شيخ شمل أهل الكرم والذرابـه قال اسلم الله يحفظك لي من العين***وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن***والكون ترخص لجل عينك رقابـه لكن ترا عندي شـروط وقوانيـن***قلت اشرط اشرط يا حبيب الغلابـة قال أولاً مهر العروسـة ثمانيـن***غير الرسوم وغير حق العصابـة والثانية عمك يبي منـك سبعيـن***رسم الأبـوّة والنسـب والقرابـة وأم العروسة حقها منـك ستيـن***عشانها ست الحسـن والمهابـة وإخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس عطهن من ثلاثين***عشان تتوثـق عـروق النسابـة وتجيب طقم عيار واحد وعشرين***وخاتم من الماس المصفى ترابـه وأكياس متروسة كعوب وفساتيـن***ألوانهـا وأشكالهـا مـا تشابـه وموتر بسواقـه وفيـلا بدوريـن***أثاثهـا مـن بطرتـه ينحكـى بـه واحجز لنا قاعة بقصر السلاطيـن***واحجز بهـا رقاصتيـن وربابـه هذي الشروط اللي على بالي الحين***وذكرني اللي ما حسبنـا حسابـه قلت اذكر الله يا عـدو المساكيـن***واستغفـره لا يبتلـيـك بعـذابـه الظاهر إنك منت عارف أنا ميـن ***أنا لو أرقى فـوق متـن السحابـه ما جبت حتى نص درزن مواعيـن***واضحك بكيفك واعتبرهـا دعابـة شروطكم هذي شـروط المجانيـن***شروطكم شغـل ابتـزاز ونهابـه شروطكم تقصم ظهـور البعاريـن***شروطكـم همّـن وغـم وكآبـه شروطكم والله سيوف وسكاكيـن***تذبح بنات المجتمع مـع شبابـه وين الرضا والعطف واليسر والليـن***اللي ذكرهـا الله بمحكـم كتابـه وين الصفات اللي أمرنا بها الديـن **وين اختفى نهج النبي والصحابـة يا عم جعل اللي خلقنا من الطيـن**يرد عقلك مـن خطـاه لصوابـه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحيـن***ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن***وأنت اهتمامك بالشعـر والكتابـة والشعر ما ينفعك لو هو دواويـن***ما دام جيبك مثـل بيـت الخرابـة يا بوك لا تسمع كلام المصاخيـن***واسأل مجرب عاش في وسط غابه قلت الله أكبر يا محـرر فلسطيـن ***من يسمعك يحسبك ذيـب الذيابـه تراك شايب رأس مالـك رياليـن ***والبنت ما تسوى جنـاح الذبابـة <<< خربت الأخلاق قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه وسلامــتــكـــم ، ، التعديل الأخير تم بواسطة mos3b ; 01-19-2011 الساعة 04:50 AM سبب آخر: منقووووووووول |
01-19-2011, 08:10 AM | #2 |
تاريخ التسجيل: Jan 2011
المشاركات: 20
معدل تقييم المستوى: 0 |
رد: قصيدة لشاب فقير بيخطببنت عمه المليونير؟؟
صح لسانك ولسان شاعرها كلمات حلوه ومعبره وهذا اللي حاصل الايام هذي عسى الله يكفينا شر اشكال عمه تقبل مرور وفائق احترامي اخووك شهامة ذرب . |
01-19-2011, 08:19 AM | #3 |
تاريخ التسجيل: Mar 2010
المشاركات: 1,001
معدل تقييم المستوى: 193 |
رد: قصيدة لشاب فقير بيخطببنت عمه المليونير؟؟
صح لسان الشاعر
ولا هنت على النقل الرائع للاسف الشديد ان بعض الاباء يطلبون مهر غالي لبناتهم ولا يراعون وضع الشباب ما نقول الا حسبنا الله ونعم الوكيل
__________________
اللهم احفظه واهديه وطول بعمره واصلحه واجعله قرة اعين لوالديه امين يارب العالمين للتواصل http://www.facebook.com/profile.php?id=100000922562291 |
01-19-2011, 12:43 PM | #4 |
تاريخ التسجيل: Nov 2005
المشاركات: 6,831
معدل تقييم المستوى: 361 |
رد: قصيدة لشاب فقير بيخطببنت عمه المليونير؟؟
بارك الله بك اخوى نقل رائع
|
01-19-2011, 01:44 PM | #5 |
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: قصيدة لشاب فقير بيخطببنت عمه المليونير؟؟
صح السانك اخوي بس عتقد انها مكرره وانا غلطان
__________________
|
01-19-2011, 01:58 PM | #6 |
تاريخ التسجيل: Aug 2009
المشاركات: 124
معدل تقييم المستوى: 182 |
رد: قصيدة لشاب فقير بيخطببنت عمه المليونير؟؟
صح لسانك ولسان شاعرها
__________________
ويوم سألني خالي قلت لا تسأل $ الغاليه لفوا عليها كفنها قدام عيني تحتضر مامعي حل $ ومافى يدي حيله ولااًمر ولاانها ماتت وأنا مثل السجين المكبل $ضعيف محتملت أمنع الموت عنها صار الثرا لأمي مقرآ ومنزل $ولامس تراب القبر طاهر بدنها أدخل لغرفتها وأقوم واتأمل $ الحزن من بعد السعاده سكنها يارب يامعبود ياخالق الكل $ أجعل جنان الخلد يالله وطنها |
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|