شبية الريح ( مما راق لي منقول)

وحي الخواطر للأمير عبدالرحمن بن مساعد ....‏




شبيه الريح





هي تكابر ما اشتكت
و هي تكابر ما بكت
فيها أمل إنها تطيب
لين طاحت
إيه طاحت


و ودوها طبيب
قال :
حامل توها أول شهر
لا تشيل أشياء ثقيلة
و امنعوها من السهر
كيف حامل و البنت عذراء ؟
قال :
انت أبوها و انت أدرى
يمكن أخطت مع حبيب


قام أبوها و ما تكلم
ناسي منهي و شنهي
ما ذكر إنها وحيده
ما لها أخوان و خوات
صد عنها و ما سألها


ما درت وش ف الحكاية
تسأله و هي تبتسم
يا يبه وش قال فيني ؟
ليه ما تبغى تعلم ؟
وش يقول فيني الطبيب ؟
يا يـبـه تكفى تكلم
يا يـبـه قلي فديتك


غير الوجهه و طوّل
كان في النيه عجّل
و اسألت ريم بخجل
يا يبه انت ضيعت بيتك !

وقف الموتر و حوّل
ثم مسكها مع شعرها
و مال عنها ثم نحرها
و غرقت ريم ف دمها
و اظلم الليل و قبرها
شك فيها في شرفها

ما اقسى قلوب الرجال
صدَّق حتى الخيال
حتى ماتت ما بكوها
ما درت اظلموها
و ما سألت ليه و أنكروها
و ما سألت ليه اطعنوها
و ليه يقتلها أبوها

و بعد ما ماتت بيوم
و قبل لا يذّن الظهر
رن هاتف البيت رد ابوها
قالوا بيت فلان ؟؟..

أبشرك طلع تحليل بنتك سليم
بس غلطنا ب الأسامي
و شف ملف بنتك امامي
بنتك معها زايده
ما درى الدكتور إن ابوها قتلها
يوووهـــ
لو انه بس سألها !

مماااراق لي.

يسلم لنا روقانك ابو وائل
وصح لسانك ولسان الامير عبدالرحمن بن مساعد

صح لسانك اخوي رمضان العنزي

وصح لسان شاعرها الأمير عبدالرحمن بن مساعد

ومشكور ابو وائل على النقل

الله يعطيك العافية

يعطيك العافيه ابو وائل على هالنقل

الرائع والموفق تقبل مروري وتقديري

فى العجلة الندامة

صح لسانك ابوائل ولسان شاعرها

يسلم لنا روقانك ابو وائل

وصح لسانك ولسان الامير عبدالرحمن بن مساعد