خــلاص

اصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

صح السانك ابو سلطان والسان الشاعر

اختيارمميز

صح بدنك
والمميز مرورك
ابو مشعل

اخوي ابو سلطان قد أبدعت في كلماتك العذبه

شكراً لهذا التميز .. والحضور المميز

دمت بنقاء لا ينتهي

تسلم ايدك على هذه القصيدة كلمات روووعه
لاهنت أخي ابو سلطان على هذه القصيدة الرائعة
والنقل المميز .... تسلم يمينك


دمت بووود

[align=center] تسلم اخوي ابو سلطان
على هذا الاختيار الموفق
الله يعطيك العافيه

تحياتي وودي لك


[/align]