وش مشكلة الشباب السعودي ؟

استهل موضوعي بالتسائل .. وش مشكلة الشباب السعودي ؟

طبعا لايختلف اثنان على كثرة مواهب الشباب السعودي واللي مو مصدقني يضغط على اليوتيوب ويكتب فقط شباب السعوديه

شبابنا ماشاء الله عليهم فيهم مواهب وطاقات متعدده والدليل على ذلك انها تدرس ف الخارج

تبون تعرفون كيف تابعو موضوعي لنهايته << يقاله تشووييييييق

..

انا صراحه استغرب واحط مية علامة استفهام . ليش شبابنا السعودي مهمش من قبل الجميع

ليش مافيه لشبابنا في بلدهم مراكز لتنمية المواهب الاختراعيه او مراكز لدورات ثقافيه . رياضيه ... الخ . من هالاشياء اللي تمسك الشباب عن الدوجه بالشوارع وقلة السنع

دايم اسمع كلام الشاب السعودي كسول . الشاب السعودي متخلف . الشاب السعودي مدري وش فيه !!

صراحه استغرب . ليش يقولون هالكلام وهم اصلا مافيه شي سووه لآجل هالشاب المسكين << بالله موسيقى حزينه لاهنتوا

يعني اقل اقل شي سالبينهم حقهم فيه .. مايدخلون مولات الا بعوائل

صراحه من جد احس البنات عندهم اشياء تونسهم اكثر من الشباب

من عذرنا يوم نطلع ونسافر برا . مالقينا شي يونسنا بديرتنا

حتى الملاهيات الترفيهيه . اغلبها ياعوائل يانسائيه فقط فقط فقط

حرام والله . احس مافيه مكان يرتاحون فيه من سالفة العوائل الا البـر , وياخوفي يجونكم بكرا ويقولون بعد عوائل


والمسأله مو بس عوائل .. المسأله ليش مافيه اماكن مخصصه فقط للشباب . يعني مهرجانات خاصه فيهم . مراكز صيفيه . ليش مايسوون عندنا مسابقات عالميه كسباق السيارات ( غير رالي حايل اللي بس موجود بحايل ) . ملاهيات ترفيهيه .. الخ من الاشياء اللي تونس



,,


مشكلة البطاله ؟

اغلبيه الشباب السعودي يجب صعوبه في التوظيف . ليس لعدم قدراته وامكاناته

بل لان الشركات الخاصه وغيرها تفضل الاجنبي عن السعودي .

ف بالتالي يصبح الشاب السعودي لا وظيفه ولا هم يحزنون

ماغير جالس بالبيت وغاث اهله ههههههه

ليش بدل هالجلسه مايطور من اي موهبه فيه . مابي اقول يروح لعرب قود تالينت

بس على الاقل اي شاب يشوف عنده موهبه مميزه . يقدر يلقى بكل سهوله من يتبناها . اعتقد فهمتوني صح ؟


..


الشباب السعوديين ماشاء الله ياكثر ماينزلون مواهبهم باليوتيوب.

وللأسف محد من هالمسؤولين طق صدره وحس بشبابنا وتبنى مواهبهم

لكن التقدير يجي للشاب السعودي . من الخارج

شوفو هالمقطع

YouTube - ‫إقلاع الشباب السعودي أصبح دراسة‬‎

لحد يجي ويتفلسف ويقول انتم تحرضون على المخاطر ..وو الخ

محد ينكر ان هالمقطع من اخطر المقاطع اللي شفتها بحياتي . بس ايضا لاننكر انها موهبه وقدره مو طبيعيه . عمركم شفتو احد يتزلج بنعال الله يكرمكم والسياره تمشي بخط سريع وسرعه هائله

شوفو هالاجنبي حاول يقلدهم بكل الطرق ماقدر . وكل من شاف هالمقطع منهم انهبل

يعني مثل هذي الاشياء ليش ماتتبنى بطريقه صحيحه وماتعرض الشباب للخطر

.

ايضا لو تلاحطون مقاطع السعوديين باليوتيوب سواء كانت مضحكه ااو اي شي ثاني

تلقونها مبنيه على افكار عجيبه .. ليش حنا مانطور هالافكار بشبابنا بطريقه صحيحه ؟



..


بهالموضوع حبيت كل شاب يدخل ويتكلم عن الهموم ووش مشكلة الشباب بالضبط . ووش الاحتياجات اللي يبونها في بلدهم ؟؟
يمكن احد يسمعكــــــــــــم
ووش الاشياء الترفيهيه اللي يتمنونها ولا لقوها عندهم .. وابشروا بعزكم ان شاء الله نلبيها لكم هع هع >


وبصراحه من عنده موهبه ويبي احد يتبناها له ؟ ووش موهبتك بالضبط ؟

بصرآحـــه موضوعك رآئع وجيد ومشكله آجتماعيه / وين ما رحنا حنا يالشباب قالوا عوائل ,, يعني بالله وين نروح ؟؟؟ كأنهم يقولون انثبروا بالبيت والا موتوا هههههههههههه
بصرآحه طفشنا ,, حتى البر صارت الدوريات تلحقنا عليه ويقولون طفوا النار يمكن تسببون حريقه وربي صارت معاي ...
يعني بالله شفيه البر عشان يحترق ,, بكره نجي رايحين للبر الا كاتلبين لوحه ((( للعوائل فقط )) ويكونوا حاطين حارس أمن بعد /. ههههههههههه

اييييييييييه الله يعين ويزين الحال .
مشكور أخوي مشعل النايف ع الموضوع الناااايس مرررررررره ..

هع هع هع

خلها على الله ابو تايه

أجل على كذا خلك في البيت شبت نار وفله وبلوت

فيه غير كذا تسويه اللهــ يعين ويزين الحــــال

مرووركـ أسعدني

تحيه خاصه من القلب

السلام عليكم ورحمة الله وبركاته
مشكور اخوي على الموضوع بس انا عندي وجة نظر اخرى ,, اتمنى التقبل ,, والله الاماكن واجد موجوده للشباب بس الشباب يروحون ويدورن عن اماكن العوائل ,, واذا كان الاماكن عوائل خذ اهلك واطلع مهعم وبس هذا الحل ببساطه
طيب قصدك على المواهب بصرحه بهذا معك حق مثل فن قيادة السياره ,,
انا اطلب نوااادي بس ,,,

وعليكم لسلام

أخوي عبد السلام

شاكر لكـ مرووركـ
ونحترم وجهة نظركـ بكل تأكيد

بس أنا ابي أطلع مع أخوياي مابي مع أهلي مقدر أروح منتزهات حديقة حيوانات شي زي كذا


على العمووم مرورك زاد من جمال الموضوع ومن بريقه واعطاه تميز آخر شكرا لمرورك العطر