يــا قــلب

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟



اللي تعـدّى عمـر ماهـوب هيّـن
والعالم الله كم مـن العمـر باقـي !



يمكن يطول .. ويمكن اليـوم أعيّـن
موتي .. ويبكون الحبايـب فراقـي



وش عاد أسوي وسط قبري وأزيّن ؟!
لاجفت عروق .. وعيون .. وسواقي



لا عاد بـه فرصـة عشـان آتحيّـن
ولا عاد به زفـرة وأفـك اختناقـي



باكـر وكـل اللـي سترتـه يبيّـن
وانا علـى هالحـال ميّـس وهاقـي



مـدري متـى يهدينـي الله وأديّـن
وأكف عن بعض المشاوير ساقـي !

صح لسانكـ اخويـ؛ سلطان

تقبل مروريـ ؛

صح لسانك

الله يعطيكم العافيه على مروركم الرائع

فديتكم والله

[align=center] صح لسانك ولسان شاعرها
تسلم اخوي سلطان
على هذا الاختيار الموفق
كل الشكر لك

دمت بخير


[/align]

صح لسانك ولسان الشاعر
تسلم أخوي سلطان
على هذا الأختيار الموفق
كل الشكر لك


تقبل تحياتي وتقديري

لا هنتي على المروور الجميلـ ..

وربي ما يحرمنى منك ومن طلاتكــ ..