الجـــــــــــــــادل

حبيبتي والقلم يشـره علـى أوراقـي

وأوراقي البيض للمشروه خضاعـه

خذت القلم والعيـون تخيـل براقـي

وأمطر قصيدي على صيفه ومرباعه

هلت سحايب قصيدي فايح اشواقـي

وانبت جمالك قصيدي باجمل انواعه

يامن جمالـه تعـدا هقـوة الهاقـي

خلا قصيدي على النفنـوف دراعـه

واقول للنـاس هـذي عـز ميثاقـي

اللي لها لين اموت السمع والطاعـه

الجادل اللي من اهل المستوى الراقي

رفيعـة الـذوق للمعلـوق مزاعـه

الله فرقها علـى زينـات الاخلاقـي

بيت الشرف بيتها وتعيـش برباعـه

بنت الترف واسم ابيها درعها الواقي

والخال شيخ يحوش الطيب بذراعـه

مـن ماكـر مالجابـه كـل نعاقـي

ماكر حرار تشوق العيـن طلاعـه

ريحانة في ظـلال وتحتهـا ساقـي

من دونها الموت والسلال واتباعـه

خذت من اوصاف يوسف كل ما لاقي

زعيمة الحسـن مياسـه وجزاعـه

ان اقبلت قلت ماتت لوعـة افراقـي

وان دبرت قلت عاش البين واوجاعه

ان اقبلت قلت ماتت لوعـة افراقـي

وان دبرت قلت عاش البين واوجاعه

وان وقفت وقفـن تلعـات الاعناقـي

وان عرضت من لمحها دق باصباعه

يخضع لها الراهب العاصي وينساقي

وقلوب الابطال منها شبـه مرتاعـه

حبيبتـي والغـلا ماعـاد ينطـاقـي

شرواي ماتدركـه فزعـاة فزاعـه

انتي مدار الفلـك وعيونـك افاقـي

وانا الذي عاش حبك باربع ارباعـه

لبيه...لبيـه يافـيـي ومشـراقـي

ياغلا غلا في حياتي يااثمن بضاعـه

يالذ من فرحتي بـك لحظـة عناقـي

قلب وهبته عيونك ترفض ارجاعـه

مدامني لك مليك وترفـض اعتاقـي

قلب يكسب الكنز عاش ومات ماباعه

حبيبتي والقلم يشرب مـن اعماقـي

عساي بينك وبين الشـر واطماعـه

لا يابعد عمري اللـي راح والباقـي

ياجعل يومي قبل يومك لو بساعـه

صح لسانك .. اخوي حفيد الاسدين


وبارك الله فيك على النقل .. الطيب ..




تقبل مرووري

صح لسانك .. اخوي حفيد الاسدين



ولك تحياتي

صح لسـان شاعرها ولا هنت على هذه القصيده الرائعه

لاعدمناك ولا عدمنـا تواجــدك

تقبل ارق تحياتي

سلطان المشيطي صح بدنك اخوي اسعدني مرورك

صح بدنك خيي ابو تركي لا حرمت هالحضور والتميز

صح بدنك حلا الويلان لا هنتي على المرور الجميل

[align=center] تسلم اخوي حفيد الاسدين
على هذا النقل الرائع

تحياتي وودي لك
[/align]

صح بدنك خيتي الريم شكرا على المرور العسل