منتدى الشعر المنقول منتدى خاص بالشعر والقصائد المنقولة |
الذهاب إلى الصفحة... |
|
أدوات الموضوع | انواع عرض الموضوع |
05-10-2011, 03:35 AM | #1 |
تاريخ التسجيل: Apr 2006
الدولة: الرياض
المشاركات: 7,935
معدل تقييم المستوى: 380 |
ياوجودي
يا وجودي كل ما هـبّ نسـناس الشمـال وجد من حدّه زمانه علـى اللـي مـا يبيـه.. ويا وجودي كلما اضحيـت ثـم مـال الظـلال لا غفت عينـي ولا ذقـت شـي ٍ مشتهيـه... وجد من قفّى وهْـو فـي رجـا كلمـة تعـال وإلتفت من عقب ماْ اقفى ..ولا أحد ٍ لدّ فيه..!!! ويا عذابي لا دنـا الليـل مـن روس الجبـال وانتهى يوم ٍ من العمـر مـا عـاد أرتجيـه.. وانتي أبعد من سمـا الحلـم ووصالـك محـال يا بعد من هلّ دمعي ضحـى الفرقـا عليـه.. يـا غناتـي لا تحسبيـن دمعـي يـوم ســال ضعـف ولاّ خـوف ..ولاّ كـذا ولاّ كذيـه !! والله إنـي مـن رجـال ٍ يضـدّون الـرجـال لكن الحظ ّ الردي ..ساق دمعـي كـل أبيـه !! ووالله إنـي كلـمـا دار حولـيـك الـجـدال قمت كنّ الموت يشّـر علـى قبـرى بديـه !! ووالله ان قد لي وانـا اصّـد لا جالـك مجـال صدّة اللـي لا تضايـق تذكّـر قبـر أخيـه ! ومن سألني قلت مـدري..وإذا عـاد السـؤال قلت له تكفى سؤالـك تـرى ماهـو وجيـه !! وش تبيني اقول عن من ترى ذبحـي حـلال ؟ والخطا منها عليّ..صـرت أحبـه وأهتويـه!! عذرها لو مـاْ تْعـذّر مثـل واضـرب مثـال.. واحد ٍ ما يعـرف الحـرّ الاشقـر يشتويـه !! وان رجعناللـتـواصـيـف لله الـكــمــال لاْ انتهـى ليـل المزاييـن جاتـك تبتـديـه ! كنّهـا غفـل ٍ مـع البـدو طاويهـا الحـيـال مـا يميّـز وصفهـا إلا نبيـه ٍ مـن نبيـه.!! وآهنـي اللـي وصلهـا وذاق مـن الــزلال شربـة مـع غفلـة النـاس مـن فيهـا لفيـه ياْ اول أحـلام الطفولـه علـى حـد ّ الخيـال الرجى باللي حمى البيت مـن حملـة بريـه.. حال دونك سيف عنتـر وتاسـع حـول حـال باْثر حول ٍ حال دونك وانا ادعى هيـه هيـه !! هيه ياللي غـرّك الحسـن واطغـاك الجمـال والله أني اموت ما شفت لأوصافـك شبيـه !! لـو يسـام الحسـن والتيـه بجنيـه وريــال ما بقى في سوق غيـرك ريـال ولا جنيـه !! كيـف أهـدّك للمقاديـر وانتـي راس مـال؟؟ راس مال ومال..والمال ماْ يغطـي السفيـه !! حافظك حفظي لعينـي ورمشـي لـك جـلال وانتـي تْشحّيـن بالما..وانـا شفّـي مويـه !! شايف ٍ ظلمـك وساكـت وطـال الليـل طـال لا نويتي طعن قلبـي وانـا مـا قلـت ليـه... لو بقـى للهيـل صبـر ٍ علـى فـوح الـدلال ما بقـى للهيـل صبـرٍ علـى شـي ٍ يجيـه!! وانتـي تْسوقيـن عقلـي علـى حـدّ الهبـال تحسبين ان من بغى شي ..يقـدر يشتريـه !!! ولاّ انا يـا وجـد حالـي وجـود ٍ مـا يقـال وجد مـن ضحّـى بغاليـه لْرضـا والديـه... ويا وجودي بأول العمـر قبـل ألبـس عقـال وجد من باع آخر العمر ..في رغبـة ذويـه !! ويا وجودي كل ما هـبّ صوتـك مـن شمـال وجد من حدّه زمانه على اللي ما يـبيـه !!!
__________________
|
05-11-2011, 05:49 AM | #2 |
تاريخ التسجيل: Jul 2008
المشاركات: 7,960
معدل تقييم المستوى: 352 |
رد: ياوجودي
اخوي حفيد صح لسااااان شاعرها ويسلم لنا اختيارك تقبل مني خالص احترامي وتقديري
__________________
اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار •• اللهم انسه فى وحدته وانسه فى وحشته وانسه فى غربته • اللهم اجعل قبره روضة من رياض الجنه ولا تجعله حفره من حفر النار • اللهم اعذه من عذاب القبر وجاف الارض عن جنبيه |
05-11-2011, 07:14 AM | #3 |
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 689 |
رد: ياوجودي
[align=center]
صح لسانك ولسان شاعرها رائع اخوي حفيد الاسدين تحياتي وودي لك [/align]
__________________
|
05-11-2011, 09:05 AM | #4 |
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: ياوجودي
حفيدالاسدين صح السانك والسان شاعرها
__________________
|
05-12-2011, 04:05 AM | #5 |
تاريخ التسجيل: Apr 2006
الدولة: الرياض
المشاركات: 7,935
معدل تقييم المستوى: 380 |
رد: ياوجودي
حلا الويلان الله لا يحرمني مرورك من هنا وهناك
__________________
|
05-12-2011, 04:05 AM | #6 |
تاريخ التسجيل: Apr 2006
الدولة: الرياض
المشاركات: 7,935
معدل تقييم المستوى: 380 |
رد: ياوجودي
الريم يا سلام عليك رائعه وعذبه
__________________
|
05-12-2011, 04:06 AM | #7 |
تاريخ التسجيل: Apr 2006
الدولة: الرياض
المشاركات: 7,935
معدل تقييم المستوى: 380 |
رد: ياوجودي
الله لازم نحطلك لقب وانا اقترح الجندي المجهول رائع حضورك ابو تركي لا حرمت اطلالتك
__________________
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|