قصتي واقعيه وليست من خيالي

عزيز


عاش عزيز طفولة رائعة ,فهو الصبي الاول للعائلة,طلباته اوامر لاترد,هاديء بطبعه,وبمراهقته لم يتعب والديه,فعلاقاته واصدقائه محدودين,يحب العزلة,له جلسات مع نفسه يتخيل بها فتاة احلامه, ولها في كل يوم اسم وشكل,لكنه ارادها طيبة حنون,وذات احساس مرهف,
عند بلوغه العشرين, انتقل والديه للسكن في حي جديد, خرج عزيز من منزله وهو واقف عند سيارته—رآها وهي تحاول ان تمسك اخاها الصغير قبل ان يصل للشارع,وقف مشدوها,رفعت رأسها لتراه ينظر اليها,خجلت واغلقت الباب خلفها,عاد للمنزل,اغلق باب غرفته,واخذ يتذكر ملامحها,سنتان وهي فتاة احلامه بشكل ثابت واسماء متغيره,مااسمها ياترى—ومع الايام والشهور تعلق قلبه بها---يقف كل يوم امام سيارته ليراها وهي تخرج في الصباح للدراسة وتعود في الظهيرة للمنزل,
في يوم جلس مع والدته
عزيز:امي ليه ماتتعرفي على جيرانا اللي يسار قدام بيتنا,شكلهم ناس محترمين
امه:أي بس احنا سكنا وهم فيه المفروض هم يسألوا ويتعرفوا علي,بعدين يمكن مايحبوا يتعرفوا على احد
عزيز:انت جربي وهذول جيرانا والرسول عليه الصلاة والسلام وصى على سابع جار
امه:غريبه منك ياعزيز ,عمرك ماقلت تعرفي على فلان واتركي علان,ايش عندك؟
عزيز:مافيه شي,بس حبيت تتعرفي عليهم لانهم محترمين,وابوهم رجال طيب اشوفه بالمسجد ,
امه:انشاء الله برسل اخوك اسامة اليوم لهم واشوف متى يستقبلوني
وثاني يوم كانت ام عزيز عند جارتهم ام عبدالله,
ام عبد الله:اعذريني ياام عزيز لكم سنتين جيرانا ولا جيناكم ولا تعرفنا عليكم,
ام عزيز:تبين الصدق والله اني استغربت الكل جاني وتعرف ,والكل يمدح فيك,
ام عبد الله:الواحد مايدري عن الناس ,جيرانا اللي جنبنا اول ماسكنوا رحت لهم,وطلع زوجها مايحب مرته تتعرف على احد من الجيران ولا تختلط فيهم,عشان كذا ماتعرفت عليكم
ام عزيز:عسى جيرتنا جيرة خير,وحياك الله بأي وقت,
وكان عزيز ينتظر امه تجي على احر من الجمر
عزيز:وهو يحاول يداري لهفته,كيف الجيران ,عسى ام عبد الله مثل زوجها ناس طيبين,
امه:أي والله بنت الحلال ماعليها,وارتحت لهم
عزيز:هي مالها اولاد كبار ,كلهم صغار؟
امه:العيال صغار ,اكبر شي عندها بنتها امل
عزيز:الله يخليهم لها
وراح لغرفته—يفكر بأمل ,الله اسمها مره حلو
وتعلق فيها بصمت يسمع اخبارها من امه,لان علاقتها فيهم تعمقت وصاروا يوميا مع بعض
وبعد سنتين,
جت ام عزيز لغرفته
امه:عزيز وانا امك,ابي اكلمك بموضوع
عزيز:امري فيه شي
امه:أي ,انت الحين عمرك 24 سنه وانا وابوك نفسنا نزوجك
عزيز:تزوجوني؟توي مخلص دراسه وما توظفت!!!
امه:الوظيفه انشاء الله تجي,احنا بس نخطب لك,بنت عمك تبيك,واهلها بعد.
عزيز:بنت عمي مثل اختي,وزواج الحين ماابي,خليها تشوف نصيبها.
ومع الايام تعمق تعلقه بأمل—واحتار كيف يعرف شعورها,كيف يوصل لها,والى متى وهو متحمل,مخايف انها مع الايام تتزوج وهو ساكت مااحد درى عنه
في يوم قرر انه يكون جريء—وهي جايه من المدرسه,ارسل اخته الصغيره تعطيها ورقه,كان كاتب فيها مشاعره واحاسيسه,وفي نهاية الرساله:اذا كان لي مكان بحياتك هذا رقمي,والا انسي واعذريني انا احبك من سنين وساكت---
وكان جواله مايطيح من يده ينتظر منها رساله او اتصال---وبعد اسبوع –ارسلت له رساله عالجوال:
عزيز انا كنت متردده كثير---انا بعد افكر فيك,وكل يوم اشوفك واقف تنتظرني –كنت حاسه بهالشي---مااقول اني احبك,لكن دايم افكر فيك—ولا ,انا مافي احد بحياتي—انتظرك
كانت الفرحه ماهي واسعته,وماصدق خبر واتصل عليها,وكان يكلمها ليل نهار,وزاد الحب بينهم—واستمر ت علاقتهم سنتين,وهو ينتظر الوظيفه وما خلا باب ماطقه—في النهايه انوعد بوظيفه بس ينتظر دوره.
راح لامه وطلب منها تكلم ابوه ويخطب بنت جيرانهم امل,وفعلا خطبها وابوه وافق—بس تجيه الوظيفه,
بعد عدة اشهر ,تقدم لامل رجل من قبيلتها,ذو رتبه عسكريه عاليه,فرح والدها لان امل بدأت تكبر بالسن,ومن تقدم لها رجل ذومكانه,
رفضت امل وطلبت من امها ان تكلم والدها,فهي تريد عزيز,لكن امها نصحتها بعمل مقارنة بين عزيز وبين سعود الذي يريدها,وتضع في حسبانها ان عزيز حتى وان توظف سيكون راتبه بسيط لانه في بداية سلم الوظيفه,وكذلك عمرها—حيث بلغت 29 عاما,
بعد شهر ,كان عزيز خارج المنزل وعندما عاد—وجد عند بيت ابو عبد الله سيارات كثيرة,دخل على امه فوجدها تبكي,
عزيز:امي عسى ماشر—فيك شي—صاير شي؟
امه:لا ياعزيز ماصار شي
عزيز:امي جيرانا بيت ابو عبد الله عندهم شي,صاير لهم شي
امه:عزيز—انت تدري ياقلب امك ان كل شي بالدنيا قسمه ونصيب,والدنيا ماتوقف عند شخص
عزيز:امي—ايش اللي صار؟امل صار لها شي؟وكان حاس ان قلبه بيتوقف,وانه يبي يصرخ من داخله
امه:عزيز الليله ملكت امل على واحد من جماعتها!
عزيز:جلس وهو يحس الدنيا دارت فيه,امي –ايش قلتي
سكتت امه لما شافت حاله
عزيز:انت غلطانه—او تمزحين معي---انت تمزحين صح؟
هي تحبني!!!مستحيل توافق اكيد اغصبوها---صح اغصبوها
امه:لا ماهي مغصوبه---البنت موافقه وبرضاها,انساها ياعزيز وانا ازوجك اللي احسن منها—اسمع يا---
ولم تكمل كلامها لان عزيز فقد وعيه,بقي بالمستشفى عدة ايام بدون أي كلام---مجرد دموع تتحدث عن معاناته وما يدور داخل نفسه
حار اهله به---!!اعتزل العالم –لايخرج من غرفته—لايتحدث حتى مع اهله—لايسمعون سوى صوت ماجد المهندس ,كان يستمع اليه عزيز ليل نهار—يتذكر كيف كانت تخبره بعشقها لماجد المهندس—يستمع لاكثر الاغاني التي احبتها,احضر والده شيخ ليرقيه وبأطباء لعلاجه—فقد كانت تأتيه تشنجات والام –بعدها يفقد وعيه
استمرت حالته هذه شهرا كاملا—بعدها بدأيستوعب ماحوله—اتته الوظيفة التي طال انتظاره لها—لم يفرح ولم يكترث فحبيبته تزوجت بغيره—اصبح بعد ثلاثة اشهر النت عالمه وغرفته محيطه,وعن طريق الفيس بوك تعرف على ليالي---ومع الايام ادمن وجودها في حياته,وهي ايضا اصبحت تنتظر ه بفارغ الصبر---لم يضعوا لعلاقتهم مسمى سوى الارتياح والاعجاب بشخصيتيهما,
ومرت الايام والشهور—وازداد اعجاب عزيز بليالي—ففيها ماكان يبحث عنه—البراءة—المرح---الحنان---الرقة—الاحلام والخيال—
بعد سنة من تعارفهما—قرر عزيز ان يخطبها
عزيز:ليالي بدون مقدمات انا تعلقت فيك ,واتمنى تتزوجيني,
ليالي:انت متأكد من قرارك؟انا احيان احس من كلامك انك مانسيت امل!!
عزيز:امل صعب انساها لانها اخذت من عمري وحياتي وقت كبير—هي ذكرى ياليالي—ذكرى
ليالي:عزيز اخاف يجي يوم وتندم-
عزيز:فكري ليالي لاتردي الحين ,خذي وقتك-
ليالي:عني انا عزيز موافقه—واتمناك—بس خايفه انت تكون ماانت متأكد من مشاعرك
عزيز:ليالي—انت الوحيدة اللي خلتني ارجع للحياة—انت اللي طلعتيني من وحدتي—من عذابي—ليالي –عيشي معي باقي حياتي—ليالي انتي نور ليلي—ونسمة نهاري—انتي صباحي ومساي,
ليالي:ماعندي شي اقوله عزيز—موافقه
وكلم عزيز امه ,وكانت فرحتها كبيره—
عزيز كان يتجهز عشان يروحوا يخطبوا ليالي—دق جواله
عزيز:الو---الو—الو
امل:عزيز—
عزيز:امل؟
امل:أي امل مانسيت صوتي عزيز؟
عزيز:كيف انساه وانا سمعته سنين—امري امل
امل:عزيز—سامحني—
عزيز:امل انت شفتي حياتك,وانا بشوف حياتي,
امل:عزيز انا رجعت بيت اهلي!!عزيز حياتي معه كانت جحيم—شايف نفسه—ياعزيز مو شايفني شي
عزيز:اختيارك—تحمليه
امل:عزيز انا احبك—تسمع احبك
سكت لحظات –كان حاس بشي غريب—غريب
دق على ليالي
ليالي:هلا عزيز—فيه شي—اهلي ينتظرونكم
عزيز:ليالي—احــــــــــــــــــــــــبك
بـــــــــــــقلمي ..................... اخوكم جــــرحني زمــــاني

صراحه قصة تقطع القلب

تسلم جرحني زماني والله ممتعه وومؤثره بنفس الوقت في انتظار جديدك

اخوووي اسعدني تواجدك الجميل لبي روح روحك

[align=center][tabletext="width:70%;background-color:black;border:9px ridge sandybrown;"][cell="filter:;"][align=center]
هلابك زود جرحني زماني


كيف تقول انها واقعيه وانه قصه بقلمك لبي عيينك>>>>>>تفكر


ليكون انت عزيز ههههههههههههههههههههه

المهم الحب الاول هو الي يبقي ولا يمحيييه الدهر

اما ليالي انساها تراها سد فراغ لكي تنسا امل>>>>>>>>>>اثري قلب عزيز فندق هع هع

لك من الود اجزله


الم الزمن


[/align][/cell][/tabletext][/align]

تسلم اخوي جرحني على القصه

ماشاء الله جرحني زماني
لاتتدققين ألم الزمن !!!!!

فرح الزمن هههههههههه اي عزيز قلبه باص شكله حبك بعد خخخخخخخخخ شكرا عالمرور الجميل

ابوتركي شكرا ياخال ع المرور الجميل

ابوسلطانشكرا ع المرور ياعسل اما الام الزمن شكل عزيز حبهااا هههههههههههههه بينزل قصه فيهااااااايفكر....<<<<<<<<<<<< خخخخخخخخخخخخ