يناشدن عن حالي الحمد لله(سعد جدلان)

قصيدة الشاعر الكبير سعد جدلان بالامير عبدالعزيز بن تركي الكبير



ياناشـد ٍ عـن حالـي الحمـد لله
انا خوي اللـي عسـى الله يدومـه

سعـادة الرجـل الكرامـه بدنيـاه
لـو ماعليـه إلا سمايـل اهدومـه

يفـرح محبينـه ولايفـرح اعـداه
والناس محد ٍ ميـت ٍ قبـل يومـه

في ضف ابوتركي راع الوجه والجاه
معه اخويـاه مقـدره وامحشومـه

يتلى هوا عرب ٍ من البّـر مطغـاه
سود ٍ لها فـوق المجاهيـم زومـه

تلـع ٍ تلـوح اشناقهـا فالممـاراه
كنها على قصر المضيف معزومـه

في زينهـا كنهـا تباهـي مباهـاه
وانفوسها عنـد المزايـد حدومـه

ذود الامير اللـي زهاهـا وتزهـاه
يقفى الربيع اليـا تتالـت اغيومـه

لاجات خطوا خايـع ٍ ماحـد ٍ جـاه
قفر ٍ مشاقيقـه تضاحـك انجومـه

كن الزهر مثل البشـوت الموطـاه
متشابك ٍ عشب السهل مع ارجومه

علـى ارجومـه لأم سالـم مـلالاه
متسلقي ٍ كن القطـا فـي اكمومـه

ذوده الياشافـت خباريـه تـرعـاه
علـى الربيـع موفقـه وامغنومـه

ياطيب ابو تركي وياطيـب مجنـاه
علـى خوالـه تاعبيـن ٍ عمومـه

الخال ابـن عـواد بيضـه مبنـاه
والجد من تعرف على الماء اوسومه

من سلسلة حكـام نجـد المسمـاه
عزوة راع الاجرب زمام الزعومـه

شيخ ٍ تهاويـه المراجـل مهـاواه
دايم على العليـا تسوقـه عزومـه

حـر ٍ بطلعاتـه فجـوج ٍ نهـايـاه
له من ورى حومات الاحرار حومه

عويـن مـن وراه وقتـه اجفيـاه
يحلـم وعيـت ماتحقـق احلومـه

عبدالعزيز اللـي اطروقـه مخـلاه
حكومة ٍ تمشي لهـا فـي حكومـه

لو ملك قارون ٍ تحـت كفـه افنـاه
الكـف هيلـع والروابـع طهومـه

وان كان فالناس محرومه ومعطـاه
الناس ماهي من عطـاه محرومـه



سعد بن جدلان الاكلبي

صح لسسسسسانك ولسسسسان شاعرها




تقبل مروري




ولك تحياتي

صح بدنك اخوي سلطان

شاكر مرورك


وطلتك البشوشه

صح لسانك خي وصح لسان شاعرها تقبل مروري المتواضع

صحّ لسسآإنّ شآإعرهآإ آلعذبّ

وصحّ آختيآإرك آلرآقيّ

ارق التحايااااا

اخوي شمغمووووووم

صح لسانك ولسان شاعرها


ولك تحياتي

نايف مستور حلا الويلان ابوتركي



شاكر مروركم وصحت ابدانكم

ودمتم بعز وطاعه

اخي شقمووووم

صح لسانك ولسان شاعرها

ولك تحياتي

شاكر مرورك
وصح بدنك,,,

[align=center] صح لسانك ولسان شاعرها
تسلم اخوي شغموم
على هذا الاختيار الرائع
الله يعطيك العافيه

تحياتي وودي لك

[/align]