يالله استر وش علام الزين ضايق؟

يالله استر وش علام الزين ضايق؟
ماهي عاده ياحبيبـي وش بـلاك



منخطف لونك وحالك مانت طايق
مابقى للحـزن لـون الا كسـاك



عادتك تضحك حبيبي دوم رايـق
ماذكر انك ضقت يوم اني معـاك



الحزن ماهو على وجهك بلايـق
لا تكـدر قـم تبسـم يـامـلاك



بالصدر شبيت لك نار وحرايـق
حالتك هذي تراهـا لـي هـلاك



مايصير تضيق وتخبـي حقايـق
قول وآمر ياعسى عمري فـداك

*

*



الله اكبر كيف تسأل وانت بايـق؟
فرحة وجودك ومعطيني جفـاك؟



تجمع اغراضك مسافر في دقايق
ما رحمت اللي دقيقـه ماسـلاك



كيف ابفرح والوداع المر فايـق؟
والله اني مافـرح الا فـي لقـاك



حس فيني لا تقول الزين ضايق!
وانت تدري يا حبيبي عن خطاك



انثر اغرضك وقول الحب عايق؟
وإلا سافر وقتل اللـي ماعطـاك

*

*



انت ياللي تملـك القلـب بوثايـق
ما دريت اني متيـم فـي هـواك



لو يضيق الكون وتضيق الخلايق
ما رحلت ولا طلبت الا رضـاك



دامنا بالصـدق خـلان ورفايـق
لا يجي في بالك ارحل عن سماك



الحياه بشوفتـك روض وحدايـق
ودون شوفك موت مابيها بـلاك



بس تطمن ياحبيبـي لا تضايـق
ورسم البسمه على جمرة شفـاك


مودتي
:
:
:
:
حفيد الأسدين

عادتك تضحك حبيبي دوم رايـق


ماذكر انك ضقت يوم اني معـاك


تسلم حفيدالاسدين


كلمااااااااااااات رووووووعه الله يعطيك الف عافيه

ولك تحياتي

الله يسعد ايامك ابو تركي هذا من ذووقك

اختيار جميل وحضور اجمل

مايصير تضيق وتخبـي حقايـق
قول وآمر ياعسى عمري فـداك

تسلم حفيد ع هيييك اختيار
ينطيك العافيه

حس فيني لا تقول الزين ضايق!
وانت تدري يا حبيبي عن خطاك



حفيد الاسدين
تسلم اناملك على الطرح الحلو

الله يحفظك ابو مشعل تسلم

الله يسلمك تناهيد مرور عذب

الله يسلمك ندوووش تسلمين الحلووو حضورك

تسلم يدينك على حسن الاختيار. ..

ويسلم ذوقك روعه كروعتك

لي عوده في متصفحك في موضوع جديد لك

لك مني اجمل تحيه واجمل تقدير