منتدى الشعر المنقول منتدى خاص بالشعر والقصائد المنقولة |
الذهاب إلى الصفحة... |
|
أدوات الموضوع | انواع عرض الموضوع |
07-14-2011, 04:15 PM | #1 |
تاريخ التسجيل: May 2011
المشاركات: 44
معدل تقييم المستوى: 0 |
الزواج
ابيك تزوجني كريمتك (يابة)
سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن *** أموت واعرف بس من وين جابـه وإذا سألته قـال بعـت الدكاكيـن*** ما يدري إني ما هضمت الإجابـة الشاهد إني رحت له قبـل يوميـن*** في قصره العامـر ودقيـت بابـه قال أرحب أرحب عدّد ورد البساتين*** يا مرحبا باللـي لفـا يـا هلا بـه قلت البقا عـدّ النفـل والرياحيـن *** يا شيخ شمل أهل الكرم والذرابـه قال اسلم الله يحفظك لي من العين*** وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن*** والكون ترخص لجل عينك رقابـه لكن ترا عندي شـروط وقوانيـن*** قلت اشرط اشرط يا حبيب الغلابـة قال أولاً مهر العروسـة ثمانيـن*** غير الرسوم وغير حق العصابـة والثانية عمك يبي منـك سبعيـن*** رسم الأبـوّة والنسـب والقرابـة وأم العروسة حقها منـك ستيـن*** عشانها ست الحسـن والمهابـة وإخوانها كلن يبي منـك خمسيـن*** عداً ونقـداً تنـدرج فـي حسابـه وخواتها الخمس عطهن من ثلاثين*** عشان تتوثـق عـروق النسابـة وتجيب طقم عيار واحد وعشرين*** وخاتم من الماس المصفى ترابـه وأكياس متروسة كعوب وفساتيـن*** ألوانهـا وأشكالهـا مـا تشابـه وموتر بسواقـه وفيـلا بدوريـن*** أثاثهـا مـن بطرتـه ينحكـى بـه واحجز لنا قاعة بقصر السلاطيـن*** واحجز بهـا رقاصتيـن وربابـه هذي الشروط اللي على بالي الحين*** وذكرني اللي ما حسبنـا حسابـه قلت اذكر الله يا عـدو المساكيـن*** واستغفـره لا يبتلـيـك بعـذابـه الظاهر إنك منت عارف أنا ميـن *** أنا لو أرقى فـوق متـن السحابـه ما جبت حتى نص درزن مواعيـن*** واضحك بكيفك واعتبرهـا دعابـة شروطكم هذي شـروط المجانيـن*** شروطكم شغـل ابتـزاز ونهابـه شروطكم تقصم ظهـور البعاريـن*** شروطكـم همّـن وغـم وكآبـه شروطكم والله سيوف وسكاكيـن*** تذبح بنات المجتمع مـع شبابـه وين الرضا والعطف واليسر والليـن*** اللي ذكرهـا الله بمحكـم كتابـه وين الصفات اللي أمرنا بها الديـن ** وين اختفى نهج النبي والصحابـة يا عم جعل اللي خلقنا من الطيـن** يرد عقلك مـن خطـاه لصوابـه ويجعل نصيبي عند غيرك قل آمين** ويحسن عزا الصابر ويجزل ثوابه قال أنت لو فكرت تفكير صاحيـن*** ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن*** وأنت اهتمامك بالشعـر والكتابـة والشعر ما ينفعك لو هو دواويـن*** ما دام جيبك مثـل بيـت الخرابـة يا بوك لا تسمع كلام المصاخيـن*** واسأل مجرب عاش في وسط غابه قلت الله أكبر يا محـرر فلسطيـن *** من يسمعك يحسبك ذيـب الذيابـه تراك شايب رأس مالـك رياليـن *** والبنت ما تسوى جنـاح الذبابـة <<< خربت الأخلاق قال انقلع مالت على وجهك الشين**** لا عاد أشوفـك عندنـا يالزلابـه قلت ابشر أبشر لكن الباب من وين** وأقفيت من عنده على صوت بابـة |
07-14-2011, 04:58 PM | #2 |
تاريخ التسجيل: Nov 2008
المشاركات: 7,355
معدل تقييم المستوى: 338 |
رد: الزواج
[align=center] الله الله
صح نقلك ولسان الشاعر والله انه صادق اذا كان الموقف حقيقي تحياتي لك[/align]
__________________
I thank those who work for me this signature Is not necessary to know who I am
|
07-14-2011, 06:42 PM | #3 |
تاريخ التسجيل: May 2011
الدولة: السعوديه
المشاركات: 948
معدل تقييم المستوى: 176 |
رد: الزواج
يعطيك العافيه على النقل الرائع والجميل
سلمت يداك تقبل مروووري |
07-14-2011, 06:55 PM | #4 |
تاريخ التسجيل: Feb 2007
المشاركات: 2,672
معدل تقييم المستوى: 263 |
رد: الزواج
صح لسانك ولسان شاعرها
ومشكور على النقل يابو فايز كل الود |
07-16-2011, 12:26 AM | #5 |
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: الزواج
صح لسانك ولسان شاعرها
ومشكور على النقل يابو فايز كل الود
__________________
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|