ضاقت بي الرياض ..!!

لامن رمـى ليـل العنـا همّـه علـي لْحالـي
وغيري قضى هالليل نايم في حضـن محبوبـه

وآنا اسهره متوسـدٍ حزنـي وضيقـة بالـي
من وحدة ٍ طالت وفرحـة خافـق ٍ مسلوبـه!

والذكريات اللي مضـت لـي زوّدت غربالـي
والنفس طابت.. والصبر عوّد علـيّ عقوبـه

"يا ؟؟؟؟؟؟؟؟؟" الحكايـه كلّـهـا ياغـالـي
ودّي أفضفض لك خوافـي نفسـي المغصوبـه

مانيب شاكي من سواليـف الهـوى واطلالـي
ولانيب شاكي لك جروحي من جفـا رعبوبـه

مشتاق لك والله وانا كـل مـا ذكرتـك خالـي
أتذكّـر أيـام (الخُبـر) والجامعـه كـل نوبـه

اشتقـت للشرقيـه وكـل مابـهـا يحـلالـي
واشتقت لسنين الدراسه.. والسكن.. وقروبـه

ماكنت أحسّـك ساكـن بجنبـي ودوم قبالـي؟
كنت انت ساكن وسط قلبي وعارف ٍ مطلوبـه

ياهو كئيب الكـون وايامـي فـلا تهنـا لـيي
اخي بعد فرقاك .. عنـدي ماهـي بمحسوبـه

خلاااااص ضاقت بي الرياض بكبرها من تالـي
ماعاد لي فيهـا مكـان وحاجـة ٍ مرغوبـه!!

هي عامره بوجود أهلهـا فـي أمـان الوالـي
والعاصمه من كـل شعـب المملكـه مخطوبـه

بس البـلا لا ضـاق قلبـي عارفـه مايبالـي
هو ياخذ الحاجه .. ويتركني غريـق ذنوبـه!

؟؟؟؟؟!! تخيّل.. من كثر همي وسـوء أحوالـي
مابه مكان ولا صديق اسلى وأسيّـر صوبـه!!

من شقتي .. لين الدوام .. لشقتي .. منوالي!
لا الوضع هـذا يصلـح لخيّـك ولا لأسلوبـه

مافادني صدري الوسيـع اللـي ملتـه آمالـي
وحشة .. وخلّت دنيتي مـن عقبهـا مقلوبـه

كثـر الشكـاوي ماتفيـد المحبطيـن أمثالـي
أدري.. ولاتشره على مـن يهـذي بغيبوبـه

يارب أبي تيسيرك لأمـري.. وغيـرك مالـي
وان كان – نقلي- (للخُبر) حاجه مهي مكتوبه؟؟

طالبك أنا كنز القناعـه/ واقتنـع فـي بالـي
:ويصير لي حضن الرياض أدفى من المحبوبه!!



لشــاع ــر// عبد الله الظفيري

صح السانك والسان الشاعر اخي حفيد

صح بدنك ابو مشعل تسلم على المرور العذب

صح لسانك ولسان شاعرها

تسلم خيي مخاوي الويلان الا انت منهم حياك حبيب قلبي

صح السانك والسان الشاعر اخي حفيد

صح بدنك خيي ابو تركي مرور جميل