08-12-2011, 09:23 PM
|
#1 |
  
تاريخ التسجيل: Jun 2010
المشاركات: 8,059
معدل تقييم المستوى: 331  |
اليله سالفه طريفه يحبونها الكبار والصغار
اليله سالفه طريفه
يحبونها الكبار والصغار ........................................ ..................................... كان فيه ناس عندهم واحد أعمى وواحد محرول ( مقعد ) المهم كانوا ناوين يرحلون من مكانهم لمكان ثاني تشاورا قالوا بلشنا بهل الأعمى والمحرول شيلهم نزلهم نبي نرحل وهم نايمين ونتركهم حياتهم وموتهم عند الله المهم رحلوا ويوم صحى المحرول ويناظر مافيه أحد إلا العمى قال عميان عميان قوم قام عميان وش فيه قال جماعتنا رحلوا وتركونا قال قول والله قال والله هذا الصحيح قال العمى وش الحل قال المحرول الحل عندي تشيلني على كتوفك وأنا أقول لك لف يمين لف يسار حتى نلحق عربنا شال الاعمى المحرول وهذا هم ماشين لف يمين قدامك شجره لف يسار قدامك حصاه وهكذا وصلوا لأرض فيها أشجار كثيفه ( غابه ) يوم دخلوا في الغابه شوي وإذا الأسد قدامهم قال المحرول عميان قال نعم قال الأسد قدامنا وعميان يرمي المحرول على الأرض وهو يبدى يركض قدامه شجره مايشوفها صكها براسه غير إتجاهه وإذا الشجره الثانيه صكها براسه الأسد قام إيتفرج في هل الأعمى اللي يصك راسه بالشجر ضحك الأسد ضحك ضحك ضحك حتى مات من الضحك قال المحرول ياعمياااان ياعمياااان رد عليه وش فيه قال الأسد مات قال قل والله قال والله قام يوجهه المحرول يمين يسار يمين يسار لين وصل عنده إلا جبهة العمى متورمه من الصقعات في الشجر قال المحرول هالحين يالمهبول ترميني للأسد وتبي تنجي بنفسك قال أعذرني والله يوم قلت الأسد ماذكرت إلا نفسي قال المحرول ولا يهمك أردها لك المهم شال الأعمى المحرول ثم واصلوا المسير وصلوا لأرض فيها أرانب ماقدروا يصيدون إلا أرنب وحده فكّر المحرول قال الأرنب ماتكفيني وش أسوي بعميان المهم شاف داب تحت شجره قال للعمى نزلني في الأرض المهم ذبح الداب وشب النار وشوى الأرنب والداب ويوم إستوت صار يقطع من لحم الداب ويعطي الأعمى وهو يأكل من الأرنب قال الأعمى والله ماشاء الله أرنبك هذي سمين كلها شحم قال المحرول الله يهديك تخبرني ما أصيد إلا السمين أخذ الاعمى ياكل ويدهن وجهه من شحم الداب فشافاه الله ناظر يمين يسار إلا وهو يشوف كل شي لم يخبر المحرول إنه يشوف قال عطني لحم ناظر إلا يقطع له من لحم الداب قال خذ قام الأعمى قال تحسبني ما أشوف تعطيني لحم الداب وتاكل الأرنب وشال المحرول ورماه في النار المحرول من شدة الحراره صاح آآآآآآآآه وطار فوق كأنه طير من النار اللي أو نسها وقام يركض يمين يسار إلا ماعاد فيه شي قال ياعمياااااان أبشرك أمشي على رجليني شافاني الله قال أحمد ربك لو ماحطيتك في النار كان لا هالحين محرول قال وأنت أحمد ربك لو ماعطيتك من لحم الداب كان لا هالحين عمى المهم وصلوا إلى عربهم ناظروا فيهم أهلهم بسم الله أنت عميان قال إيه كنت عميان قالوا وأنت المحرول قال إيه كنت محرول تركتونا ولا كن الله لم يتركنا وشافنا وسلااااااامتكم سالفه طويله وأتعبتني في الكتابه ولا كن تستاهلون كل خير
__________________
|
|
|
|
08-12-2011, 10:19 PM
|
#2 |
  
تاريخ التسجيل: Nov 2008
المشاركات: 7,355
معدل تقييم المستوى: 338 |
رد: اليله سالفه طريفه يحبونها الكبار والصغار
[align=center] ههههههههههههههههههههههه قصة حلوة
اقول يابو تركي ماتخبر داب لونه زراقي لي حويجتن به ههههههههههههههههه [/align]
__________________
 I thank those who work for me this signature Is not necessary to know who I am |
|
|
|
|
08-12-2011, 11:33 PM
|
#3 |
   
تاريخ التسجيل: May 2011
الدولة: السعوديه
المشاركات: 948
معدل تقييم المستوى: 176 |
رد: اليله سالفه طريفه يحبونها الكبار والصغار
الله يعطيك العافيه اخوي ابو تركي
سلمت يمينك |
|
|
|
|
08-13-2011, 01:39 AM
|
#4 |
   
تاريخ التسجيل: Feb 2007
المشاركات: 2,672
معدل تقييم المستوى: 263 |
رد: اليله سالفه طريفه يحبونها الكبار والصغار
الله يعطيك العافية
ابو تركي على هالقصة النادرة كل الود
__________________
ياالله ياالمعبود يامنشي الكون & تلطف بحال الي فجعني خبرهم يالله أنا طالبك ياالله بالعوون &عسى المرض يبعد ويبرا جسدهم أثنين في عيني يسوون مليون & لكن حكم الله وهذا قـدرهـم 
|
|
|
|
|
08-13-2011, 02:47 AM
|
#5 | |
|
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: اليله سالفه طريفه يحبونها الكبار والصغار
اقتباس:
ههههههههههههههههههههههههههههههههههه وابو وليد وشتبي في الدااااااااااااااب عليك بجبال العويند تحصل نوااااااااااااااااع الثعااااااابين هههههههههههههه ههههههههههههههههههههههههههههههههه مرورك عسل ابو وليد
__________________
|
|
|
|
|
|
08-13-2011, 02:49 AM
|
#6 | |
|
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: اليله سالفه طريفه يحبونها الكبار والصغار
اقتباس:
الله يسلمك الماااااااااااااااااسه مرورك عسل
__________________
|
|
|
|
|
|
08-13-2011, 02:50 AM
|
#7 | |
|
تاريخ التسجيل: Jun 2010
المشاركات: 8,059
معدل تقييم المستوى: 331 |
رد: اليله سالفه طريفه يحبونها الكبار والصغار
اقتباس:
اخوي الحيداوي مرورك عسل
__________________
|
|
|
|
|
|
08-16-2011, 09:21 AM
|
#8 |
  
تاريخ التسجيل: Aug 2010
الدولة: K.S.A
المشاركات: 4,105
معدل تقييم المستوى: 249 |
رد: اليله سالفه طريفه يحبونها الكبار والصغار
الله يعطيك العافيه اخوي ابو تركي
سلمت يمينك |
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 12:26 PM.