البر احبه واحب اللي يحبونه

البر احبه واحب اللي يحبونه=من صغر سني وفيه النفس مولاعه

هواية في صميم القلب مدفونه=تجري مع الدم في مشيه ومرجاعه

خصٍ اليا الوسم مزنه مالت ردونه=واسقى الضوامي ونبت العشب في قاعه

وقام الشمالي يلاعب لين غصونه=يازين مع نفحة النسمه تمرياعه

اعشق زهوره ويسحر ناظري لونه=واشم عطره واقوم اعدد انواعه

نفل وبسباس وخزاماه وفنونه=وربله ونوار والحوذان واتباعه

والقحويان ويهق ياللي تعرفونه=وشرشر وحميّض وشقاراه واقشاعه

احب ازوره قبل لا البدو يرعونه=اروى النظر منه لامن زان مرباعه

واحب حرٍ يشاف الفيد بعيونه=ربحان من يشتريه وخاب من باعه

حرٍ ليا شافوا البرقا يهدونه=واليا طلع في سماها صابها راعه

لاشافها بامر رب العرش مضمونه=لاهوا على صيدته ماخانه ذراعه

وخوّة نشاما خوي الجنب يغلونه=على النقا جامعين الطيب والطاعه

الفرض لاحان في وقته يصلونه=وفي مغفرة خالق الاكوان طماعه

البال لاحل به ضيقه يسلونه=ووقت الله الله فزاعه وجزاعه

اليا بغوا درب مايمسون من دونه=اسباع ليل ونهار ونومهم ساعه

باسج معهم طرب والروح مرهونه=وتالى الزمان العمر مدري عن اوضاعه

[align=center] اختيار رائع اخوي ابو تركي
صح لسانك ولسان شاعرها


تحياتي وودي لك


[/align]

صح لسسانك اخوي ابو تركي



من الي ما يحب البر



تقبل مروري




لك كل الود والتقدير

صح لسانك ولسان شاعرها

المشاركة الأصلية كتبت بواسطة سلطان المشيطي

صح لسسانك اخوي ابو تركي



من الي ما يحب البر



تقبل مروري




لك كل الود والتقدير

صح لساااانك اخووي ابو تركي ولساان شااعرها


البر رااحه لنفوس العليله

دمت بود وخير يالغالي

قصيده وكلمات في قمة الرووعه


صح لسان شاعرها ولاهنت على هالاختيار

احترامي وخالص تقديري

يالبييييييييييييييييييييييييه الف الف صح السانك ونقلك وكلك
قصيدة رااااااااااااااائعه اشكرك بقووووووووووووة

الريم

سلطان

راكان


مسامر

نايف العنزي


حلا الويلان
معيض بن عريفج



صح بدنكم

الله يعطيكم الف عافيه على مروركم الراااائع

صح لسانك ولسان شاعرها
الله يعطيك العافيه اخوي ابو تركي