الحلم واحساس الفشل

بسم الله الرحمن الرحيم ,,
هنا قصيده جديده نجدد بها العهد والموده عسى ان تنال استحسانكم ..




الحلم واحساس الفشل والتـنـاجـي
بين العقل والقلب ، خطوه سليمه ..

والعلم مصباحي في عتم الدياجـي
منه استـنـير من الجهل والظليمه ..

ومصاحب الطيب ، يثير ابتهاجـي
اللي يسندني فـي قـطـع الخريمه ..

له في خفوقي منزل وبـرج عاجـي
ولي (عين) عن زلات فعله (كريمه) ..

والنذل ما عكَـر صـفـاوة مزاجـي
لانه كـشـف سخف النفوس السقيمه ..

والشعر: ناتج من عناصر نتاجـي
اجلد بـه الخفاق وأحـيـي رمـيـمـه ..

وماهو طموحي يا زمان الاحاجـي
تلقيبي (ابشاعر) شعوره نديـمـه ..

لان الشعر في يـديـن مادح وهاجـي
صارت مفاهيمه خـريـط وشـتـيمه ..

والناس، من جـرف لعدام وعفاجـي
تـتـنـاول الطـقـه بـدون اتـعـلـيـمـه ..

مدري وش اللي طار وسط العجاجـي
(ثقل العقل) ولا (القلوب الرحيمه) ..

ولله حـكـمه في ((جناح الدجاجـي))
مثله مثل بعض ((العقول العـقـيمه)) ..

هـذا جـنـاحـن ما يـطـيـر ويفاجـي
وهـذي عقولن دون معنى وقـيـمه ..

يالله يـسـر لـي طـريـق انتهاجـي
وجنـبـنـي درب العايبه والذميمه ..

وسـنـعـنـي اليا قلت وين الخراجـي
من عالمن منها العـوض ف البهيمه ..

بـسـايـر الدنـيـا بـقـدر احتياجـي
وبمشي حسب خطواتي المستقيمه ..

بتـبـصـر الواقع في وقت انزعاجـي
وبلاعـب التفكـير مع كــل غـيـمـه ..

وبين التـبـصـر في قراح وهماجـي
قلت اشهد ان احلام عـمـري مقيمه ..

وبين التـفـكـر ف (الهدو والزعاجـي)
اتضحت الرؤيـه (نجـاح و هـزيـمـه) ..

وبين التـأمـل بعـد عـقد الحجاجـي
صار الصبر درب الرجال الحكـيـمـه ..

وعقـب الصبر ما بين ضيق وفراجـي
( الزهـد نـبـراس العقـول العظـيـمـه ) .....

مع كل الحب والتقدير لشاعرنا

صح لسانك دائم جميل ماتطرح ننتظر مزيدا من الابداع اخوى

صـــح لسانك اخوي

الله يعطيك العافيه

ولك كل الشكر والتقدير

يحفظكم ربي وأشكركم على مروركم
تقبلوا خالص ودي وتقديري

صح لسانك

ننتظر ابداعك


تقبل مروري


لك كل الود

صح لسانك

ننتظر ابداعك


تقبل مروري


لك كل الود