الهاجس

السلام عليكم .. هنا اجدد ما بدأته .. ابيات اوردها للمشاركه وتجديد الحضور ..



الهاجـس اللي مـن صـبـاح الله خيـر
وانـا مـا بـيـن اوجــاعـي ولعـانـتـه

كـرهـنـي بقـعـادي وزادي والمسـيـر
وصـالت شياطـيـنـي سبـب شـطانـتـه

اتعوذ امـن ابلـيس وادعي يا مجـيـر
اجـــر عـــزيـــزاً دنــيـتـه اهـانــتــه

وانفث على صدراً على الحمل الكبير
سـود اللـيـالـي مـا اخـلـفـت تـكـانـتـه

اسـتـوحد بنـفـسي ولـي جفـنـاً سهير
واللـيـل ,, لـيـتـه ما طـرح مـيـانـتـه

يـطـري علـي ما فاتـني وانـوح مـيـر
النــوح يـجــحـد دمـعــي ومـكــانـتـه

اســتــذكــر الآيــام والواقـع مـريـر
واسـتـبـشـر بـوقتي رغـم خـيانـتـه

وان جـف قـاعـي ما تحريت البشير
بــقــنـع قـنـاعـة قـلـبــي بـديــانـتـه

مـدام لـي مـنـهـج ومبـداي الضمير
كـذا رفـعـت الراس عن طـمـانـتـه

ما خـانـي عـقـلي ولو خان العشير
وما خـانـي سـاقـاً دروبه خـانـتـه

خطو الولد لا جا القدر شـره شرير
يصبر , وقو الباس وشي خانـتـه ؟؟

وخطو الولد من يصبح لبعد الآخير
ما تـنـقـطـع فـي ربـه اسـتـعـانـتـه

لا ياللـيـال الغـبـر وش ذنب البعـير
اللي قصمت ظهره حمول امانـتـه

مـير البلا كثر الرغـا عقـب الهدير
مـــا فــاده .. الا روَح بــرزانــتــه

لسـان حاله غـبـنـه وحـوسة مرير
وشلون طاحـت يا زمن حصـانـتـه

بصبيَ عيـني شفت ما شاف الفقير
اللـي زهــد لـيـن ابـتـلا بـديـَـانـتـه

الوقت مثل البحـر والمـوج الغزير
الـيـا التـطـم يلـطـم حصاه ودانـتـه

لكن لنا الله لـه عمـلـنـا والمصير
ولا الزمـن مـحـدن خذا ضمانـتـه

والهـاجس اللي من صباح الله خير
يـفـرج لـي الله منـه ومــن لعانـتـه ..


مع كل الحب والتقدير لشاعرنا

صح لسانك ولسان الشاعر مبدع بما تطرح اخى الكريم

خطو الولد لا جا القدر شـره شرير
يصبر , وقو الباس وشي خانـتـه ؟؟

وخطو الولد من يصبح لبعد الآخير
ما تـنـقـطـع فـي ربـه اسـتـعـانـتـه


ونعم بالله سسسسسسسسبحانه

صح لسسسانك ولسسان شاعرها


دائمن مبدع قلمك . .


دمت في هذا التميز .


تقبل مروري



لك تحياتي

أخي / كامل @ سلطان
أشكر لكم مروركم وردودكم
دمتم كما أنتم بذلك التميز