كشكووول القناص ...في الشعر ...!!

كلما وجدت أبيات وأعجبتني سوف أضيفها في هذا الكشكول

وأتمنى أن يفيد اٍخواني رواد المنتدى :

كشكووول ( 1 ) :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وين ابا ألقا لي رفيق على الزله صبور = كلما جاته خطيه شقح من فوقها

لويطول الوقت بيني وبينه ما يبور = يحتمي عرضي وأنا رفقته ما بوقها

ما أستمع في هرج حاسد ولا دقات معثور = والعلوم الطيبه لا زم طاروقها[/poem]

ولا أعرف الشاعر ..

أبيات جميلة معبرة تدل على ذوقك
ولكن الكشاكيل كثرت يالليت تجمعها في كشكول واحد
فذلك أوفر في الوقت وأسرع في المتابعه

ماينحني راسي الى صار مرفوع
وإلى انحنى راسي برجلي وطيته
قصر الكلام انهيت انا كل موضوع
ومن لابغاني صاحبن مابغيته
والحر مايحتاج له يحني ضلوع
والجمر لين احرق يديني .......كليته ...........الشاعر \عبدالله حمير القحطاني






القناص هالدفتر فكرته رائعه ..........بس عندي طلب
.
.
.
.
.
.
.
.
.
.
.
.
.
.
.
.
.
.
.
.
.
.
تكتب اسمي معاك عالطابع ..........وبشرط يكون الطابع صورة فله ..............ههههه

كشكووول ( 2 ) :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طال النوى ماجتني علوم الأحباب = لاواعذاب اللي نشد عن عذابه

مدري أدور عذر لعيون من غاب = وألا على ماقيل عذره غيابه

مانيب في شيخ المواليف مرتاب = تشيب عيني ماقطعت الرجا به[/poem]

لاأعرف قائلها .. ومشكور أبو طارق على مشاركتك ..

القيثارة ... أسمك بيزين غلاف الكشكول .. ههههههههههههههه

[glow1=#FF0000][align=center]القناص .....قيثارة

قيثارة>>>>>>>>القناص



أحسنتم وأبدعتم

في انتقائاتكم التي تدل على ذائقتكم الشعرية


الراقيه


دمتم[/align][/glow1]

لها وحدها

عاشرت خلان وتخالطت باجناس*****ماحد سواك اهديته القلب بيدي
من تحت ماطا الرجل ليا هامة الراس*****كلش هويته فيك والله شهيدي
لقيت بك ذوقي وانا قاطع الياس *****ومعك ابتدا يحيا الامل من جديدي

سعود بن بندر

كشكووول ( 3 ) :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يانـاس عينـي مـن الموضـات مـذعـوره =ونفسي شباب الفلس جابوا حضايبها

وقلبـي يـزوم الزعـل والكـبـد مـمـروره =حسيـت باللـي عيـوبـه مايـحـس بـهـا

لقيـت رجـل وفيـه مــن الـمـره صــوره=يمشي على العيب نفسـه مايعاتبهـا

ليـتـه لـبـس لــه بـلـوزه فـــوق تـنــوره=يــوم المنـاقـيـد مايـخـشـى عواقـبـهـا

يـوم يتمخـطـر يقـلـد مـشـي غـنـدوره=عـن مشيـت الرجـل للخفـرات يقلبهـا

قلتـه وانـا مـن شبـاب اليـوم مقـهـوره=كيـف الحمايـل تجـنـب عــن مذاهبـهـا

اهــل الخنـافـس غــدو لبطالـنـا عــوره=يـاكـيـف نـجــد يـتـمـشـون بمنـاكـبـهـا

شباب ياللـي عليـك السـود منشـوره=ارفــــع مــقــام الـرجـولــه لاتـخـربـهــا

تـرى الشجاعـه لجيـش صـف طـابـوره=نـقـالــة البـنـدقـيـه مـــــع مـقـاضـبـهـا

جـيـش بـهـم دارنــا تفـخـر ومـنـصـوره=دونـه عمـاره عـلـى الأخـطـار يجلبـهـا

عاشوا حماة الوطن من عهد أخو نوره=درع الـجـزيــره لـيـاشـبــت حـرايـبـهــا[/poem]
للشاعرة : فتاة الوشم ..

وأشكر طير شلوى و مجنونها ... على المشاركه ..

كشكووول ( 4 ) :


الله من قلبٍ عوى عويـت الذيـب
ذيب عوى لجـت ضلوعـه ولجـي
عليك ياراعي العيـون المهاديـب
سـودٍ مضاليـلٍ وسـاع ٍ وبـجـي
سودٍ تشذب بسرة القلـب تشذيـب
طحت بخطرهـن يالله انـك تنجـي
سهومهن تسطي على القلب وتصيب
تخـج صنـدوق المعاليـق خجـي
ياصاحبي حبـك لقلبـي عواقيـب
ارفق علـي شـوي قبـل استلجـي
يا اللي عليك عيون الامه مراقيـب
تقـول بيـن شـفـاك درٍ يمـجـي
والخد براق المـزون المهاضيـب
اللي رعوده رجـت القـاع رجـي
يامنوتـي مافيـه شـك ولاريـب
منساك كود انسى صيامـي وحجـي
يابو نهـودٍ شلعـن مقـدم الجيـب
كمشمشٍ عرقه مـن المـاء ينجـي
من فوقهن شقرٍ تغذى على الطيـب
ريح الشمطري في طرفهـن يعجـي
ذيل اشقرٍ ينسف خلاف العراقيـب
تطلـب عيالـه بالمهـر والترجـي
هزت وزرفات السبايـا جناديـب
لوما شليل الصبـر والمـال هجـي
ذبحتنـي ياسيـد كـل الرعابيـب
فجيت قلبي يأريـش العيـن فجـي
فجن مثل مظراب شلفاء تراحيـب
شلفاءاً تخل الـدم الاحمـر يكجـي
لا وردة من كف مـرو المغاليـب
والخيـل كاسيهـا ضبـابٍ وعجـي
ياعاذل المشتاق مابالهـوى عيـب
ماذقت لذاتـه عسـى امـك تدجـي
لو ذقت من حلوه ومـره تجاريـب
مالمـت طـراد البنـي الغنـجـي
نجل العيون مزعلات الخطاطيـب
شعـوٍ عـذاب مقطعيـن الفرجـي
يم الحبيب اللي هروجـه تعاجيـب
ياعيـن لديلـه ويارجـل سـجـي

للشاعر محمد الخس ..

كشكووول ( 5 ) :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نومك طرب وأنا بنومي هواجيس=ماسهرّك بالليل كثر الهمومي

أسهر إلى نامت عيون الهداريس=وبالليل اراعي ساهرات النجومي

قالو جهلت وقلت جهلٍ بلا قيس=الجاهل اللي مايعرف اليمومي

اشوف عدلات الليالي مقابيس=ولاإحدٍ من الدنيا عظامه سلومي

تضحك وتخفي لك خفيّ الهناديس=تفطر لها يومٍ ويومٍ تصومي

اعمل وتلقا وافهم العلم بالقيس=دنياك لو زانت تراها نقومي

والعزّ فوق معسكرات السواديس=الى قصدتّ اللي بالاشيا رحومي

قبّ تنازي بالنشاما كراديس=والطير في روجاتهنه يحومي

الى توافق مشوّر السوّ وابليس=تبّر منه وعزّ ربيّ يدومي

بالليل اصالي حاميات المحاميس=والصبح الاوي كلّ قبّا قحومي

اربع سنين ودمع عيني أماريس=العين تسهر كنّ فيها هزومي

والى ركبت معالجات المضاريس=يبرد على قلبي لهيب السمومي

صوابنا بالميل غمقٍ الى قيس=وطريحنا في مثبره مايقومي

انّ جنّ بنا مثل النعام الاماريس=لي خفّ عجلٍ مع رقاق الحزومي

استلحق اللي يطلبون النواميس=الي من الاقصين وادنى اللحومي

لاخير في كثر الحكي والتماليس=هرجٍ بلا فعلٍ يجي به وهومي

لومي على اللي ينقلون العبابيس=واهل الفرنج وكلّ رامي لحومي

انّ جنّ بالميدان مثل الدواويس=وطار الغطا عن قانيات الرقومي

عرجٍ بأهلهن كنّهن القرانيس=على الطريح مصوبراتٍ كظومي

الى سمك عجّ الرمك بالملابيس=الرابح اللي حظّ ربعه يقومي

حتى يزين النا المثل والتوانيس=والكيف طاب لمن يفك القحومي

من لايدوس الرأي من قبل ماديس=عليه داسوه العيال القرومي

ومن لايقلط شذرة السيف والكيس=يبدي عليه من اليالي ثلومي

والقصر مايصلح على غير تأسيس=ومن لاتعلّم ماتسر العلومي

ومن لاخذا الدنيا بميزٍ وتقييس=مثل اللذي يصبح بليلٍ يعومي

كلّ القلم من كتبنا والقراطيس=وركابنا من كثر الأقران تومي

الشيخ من يعطي الفقارى الملابيس=يبدّل الساعه بعزٍ يقومي

والحرّ لي بدّت عليه النواميس=يشهر وعن دار المذلّه يشومي

والى اقترب من بعض الاشيا نسانيس=اعزم ولا بدّ الفرج بالعزومي

باب الفرج لبسك نظيف الملابيس=ينجيك بأيام الكرب والزحومي

أوجس بقلبي مثل دقّ النحاحيس=الله يلوم اللي لحالي يلومي

يجلي صدا قلبي ضبيح المهاريس=لي قام شرّاب القهاوي يعومي

ودلال فوق النار دايم مجاليس=اكرامهن حقٍ علينا لزومي

من صنعة الصبّه وخمس التخاميس=بريةٍ يعمل بها كلّ يومي

وبهارهن هيلٍ بليّا حواسيس=كيفٍ يعدىّ للنشاما القرومي

عدّه لحمّاي العياد المراويس=والاّ الحصان اللي بقينه يهومي

وصلاة ربيّ عدّ رمل الطعاميس=على شفيع الخلق يوم اللمومي [/poem]



ـــــــــــــــــــــــــــــــــــــ
تركي بن حميــــــــــــــد ..

للرفع .>>>>>>>>>>>>>>>>> ...!!