تخيلوا لو الحريم يسوقن

السلام عليكم
هذي قصيدة الشاعر
نايف بن عرويل

تخيلوا لو الحريم بيسوقن = ونلقالهن في كل شارع طرايف

تلقا العجايز فالشوارع يدورن = وسيارة الاسعاف ترقب حتايف

وليا تأخرنا دقايق يصيحن = ثم اركبن فوق المواتر ولايف

وقامت تكبسلك بالانوار ياهن = بين اخوياك وصرت محرج وخايف

وتخيلوا لو ذات يوماً يمرن = عليك دوريات والجمس طايف

ويوم اطرحوه يصير موقفك محزن = تلقا العجوز مشه ياحسايف

وتلقا البني في كل جلسه يتكن = طقة بلوت ومعهن الكيف كايف

هذي تبا تحكم وهذي تبا صن = والبيت ضايع دون طبخ وغرايف

ياللي ذنوبك فوق راسك يحنن = اللي فقلبك طلعته الشفايف

انظارنا من فوق فكرك يشوحن = ونشوف شيٍ ماتشوفه ياهايف

حق المره ياشيخ تلعب على من !! = خبلان حنا قلي ويش انت شايف ؟

وين انت عن صوت الارامل ينوحن = وين انت عن حق المره فالوظايف

وين انت عن جملة بناتٍ يضيعن = وين انت ياراع العلوم النصايف

لوهي بيديكم كان قلتوا يغنن = لكن صدمتوا فالجبال النوايف

من دونهن حنا وفقلوبنا هن = الطاهرات الساجدات العفاايف

والمسئله لاصار لحقة شرفهن = يروح فيها يا آل زلفه طوايف

هذا كلامي واسمعه زين واذعن = قلته ولاني من تواليه خايف

قلته واباقف وارفع الصوت واعلن = ارادة الامه على لسان نايف

ماهو تخلف لارفضنا يسوقن = راس التخلف لاتركنا العطايف


وسلامتكم

يلا انتظر ردودكم

يعطيك العافيه أخ كامل

على نقل هالقصيده الرائعه

اسمح لي وضع القصيده .. على الصوتي ...

لإستماع للقصيده

7

7

7

7

http://www.youtube.com/watch?v=OhN9zxELY_U

شكرا اخوى اللحيداوى كذا احلى

تسلم اخي كااااامل


على الاختيار الجميل


وصح السانك والسان الشاعر

تسلم أخوي كامل على الطرح والأختيار الموفق والجميل كما أنت جميل في هذا المنتدى .،،،،،،،،،،
أخوي الحيداوي كم أنت مميز ومبدع حتى في ردودك .،،،،،،،،،،،،
بارك الله في الجميع ودمتم سالمين